【食。旺角】縱使不能去韓國旅遊一番◕‿◕跟我去炭燒韓牛吧．｡♥ﾟ

好朋友，是即使多年不見，不常聯絡的，

只要一見面就可以有說不完的話題，

最近終於可以請到壽星女去食番遲左好多個月既生日飯啦，

既然係生日飯，當然由壽星女而家決定啦

壽星女就揀左想去食韓燒，就佢放工快d到，

又可以中間點就番大家番屋企，

上網搵到呢一間既柞木炭家

雖然我地食飯既日子係平日，但係怕冇位既問題，

所以照Book 定枱先，所以一到達就可以就可以入座啦

當決定好食咩之後，就會準備成枱既前菜，

未上正式既菜式，我地都癲狂食緊d前菜啦

好朋友話好掛住韓國既醬油蟹，

不過咁岩個日d 蟹已經賣曬，

所以叫住醬油蝦食住先啦

醬油蝦 $268(約8隻)

味道上係半生熟既蝦，

而佢既肉質都唔梅，感覺唔似急凍蝦件

同埋都好大隻，連埋d 醬汁又真係幾好食既

但係價錢上真係唔算平亦唔係抵食

另外我心思思見到隔離枱有點左呢個

八爪魚海帶刺身 $92 

一上枱真係會令你嘩聲四起，

因為有滿滿既八爪魚刺身之外，

仲有三文魚子及好似四至五舊既海膽

內含海量既海帶，真係好好味，仲有D 醋係海帶上邊

食落特別開胃又好食，呢碟完全清碟

係時候到主菜了，當然是韓式燒肉啦

先來這個，超推介的

柞木甕漬牛肋骨 $298 

這個牛肋骨真心很長的，所以店員會詢問需要拍照嗎?

如不需要佢可以幫我地剪開，仲可以幫我地燒埋架

不過我地話可以自己燒就好啦。

第一塊我就地跟番職員幫我地剪既Size 去燒，

不過真係跟番網上既評語，真係自己再將大舊件，

再剪條來燒，吃起上來比起一大塊的更好吃的

然後就是另一款的主菜，

嚴選韓牛牛柳 $328 

以岩鹽作為碟，因為我地唔係即來即燒，

所以不少既鹽份已經會牛柳上，

如果唔係食咁咸既朋友，記得唔好再專登去掃個岩鹽啦

 

最後是我們最意料之外既野，

因為一路都覺得少少燒肉，都唔係好夠飽，

點都要叫番個飯落下肚好。

誰知我們看漏了 那個飯的小字

這個和牛。脂飯 (4人用) $420 

真係好大煲，加上之前既燒肉，加埋少許配菜

真係吃不消這窩飯，最後每人吃了一小碗，

就把這個超強和牛飯打包走了,

如果唔係焗得太耐,D 和牛應該更好食

生日又點少得蛋糕，不過因為我地人數唔多，

所以我係餐廳上點埋呢一款既

雞蛋蛋糕 $52 

味道及質感也不錯，有一點像蜂蜜蛋糕，

不過因為之前既野食實在太豐富，我們都吃不消了

最後又再打包，成為我既早餐

最後一餐吃了兩小時的生日飯，

給予我一晚Me Time 時光，好耐冇享受到

唔洗趕番去湊仔，唔洗擔心佢食左野未既時間

朋友係要見，縱使疫情反反覆覆，

突然又來新一波的疫情，襯住大家仍未移民時

及時要見就見了...

珍惜與朋友相見相聚的時光，

柞木炭家

旺角彌敦道700號T.O.P This is Our Place 5樓501號舖

就這樣完結啦，下次再見啦!(拜~)

◕‿◕如有任何合作事宜，歡迎找我呀

Beauty | Child | Food | Life 

Angel 小魔怪Mama

E-Mail: manman81!@gmail.com

instagram.com/angelbabyhome
小魔怪。私家竇

facebook.com/angelbabyhome/