【 懷孕❤ 紀錄 2021】✧✦謝謝你的17星期的陪伴 ❤我家的妹妹離開了✦✧

我想到而家呢一刻....我自己都冇諗過
係生日月,又再一次經歷由天堂跌落地獄既感覺
而今次既經歷真係好難忘,好痛,好傷害...
因為我今次鬥不贏了..

這個不容易得到的小寶寶,陪伴了我這十七周的時光,
當我以為她可以陪伴到我最後,可惜上天仍然是需要取走了她

由剛剛發生後,我在坐小月時我準備想在她出生一個月後分享
文章愈拖愈久...我仍沒有勇氣打好
希望在2021完結前,我可以把文章完成,
給大家一個知識了解....

對了....我的第二個小寶貝,
她逃不過命運的安排,最後佢都係因為我們的基因問題
被迫我需要放棄左她了

回想由我一知道自己懷孕後,我每一次在產檢時

亦會要求醫生幫忙看看寶寶有冇地貧的特徵

如水腫,胎盤偏厚/大,心臟偏小/血管不流通

(今次之後更發現原來她的SIZE也是偏小的)


由剛開始的檢查,頭兩次檢查她也是屬於細了1w 或幾days 的

但在醫生角度,她也是一切正常
因為仍在生長期中,所以當時也沒有想太多


直到由唐仕檢查(11W5)沒有事的,一切正常

令我最擔心既頸皮也沒問題,

同時也有跟當值護士說過我們有地貧基因的

但是因為當時護士說,當時沒有先生的血液資料,

所以只叫我係到健康院第一次(13w)時跟當時的姑娘說


加上驗埋Niffty 也是一切正常,另外得知是妹妹就更興奮了

爸爸一路以來也想要一個小女兒(是男人的夢想吧? )


當時第一次到健康院檢查時,我就即時跟當時的姑娘說了

在唐仕檢查的問題,所以就即時安排了14w再回醫院見醫生

當天的抽血也發現媽媽我的血液唔知咩野高左

所以又話ref 我去左醫院直接覆診(但沒有了第二次)


直到14w 的那天,再回到了去屯門醫院的T9 見醫生

漫長的等待....由未夠三點就到達等待..

等到快4時半,心又急,因為麻煩了朋友幫忙照顧Gogo 

最終醫生都是詢問你想不想抽胎水,雖然不想,

但係是不抽就不準...誰知道這一天是我的惡夢開始...


一路都在等候姑娘給我來電,一路都在等候她給我是那個星期二去抽胎水

一路都擔心那天的安排怎樣?擔心爸爸那天是否不能告假

最終....我被告之17/8 那天我需要抽胎水


在那天我仍懷著沒有問題的,之前咁多關都過左既心態

然後就去了醫院的T9 去檢查胎兒先

當天的感受我永遠難忘...


當天的高級婦科醫生(應該是)入到黎就是不斷幫我照照聲波,

然後一言不發,就是在跟當場的護士詢問我的week 數等等

一言不發,不說我當時的情況


最後.....佢已經有懷疑的時候,就好冷淡的跟我說了

你的BB 應該是中了重型甲型地貧,我們需要再跟你抽胎水確實

你可以考慮現在即時做埋,或者再等下星期跟先生決定一下

當然聽到這個消息已經即時哭成淚人


已經想不了任何的東西,就說..不需要跟先生再商量

我們已經有共識今天是會做抽胎水的,

他會夜一點再來抽血(因為抽胎水是需要父母的抽血再驗東西)


然後就在房外再等候多一陣,待姑娘及醫生們再準備好,

再叫名入房間準備抽胎水了,

說真的,今次知道又一次拿針拮進肚皮了

但係驚痛的感覺,已經不及被告之大機會是重型了

唔知大家會唔會明個種心情,

因為呢個小朋友我地一路好期待,

我一路都好恨要多一個,仲要呢個係女仔


係在床上面再準備抽胎水,在等待的時候

 一路在哭一路在震,當然啦...

醫生既角度就係叫你唔好再激動唔好再喊

但係當時係我既立場,如何不哭呢?

(過了咁耐...我一路打緊一路都流眼淚)


抽胎水跟抽毛有一點不同

抽胎水既危險性係低過抽

同時係確定性係比抽毛更加高既


抽胎水的痛就似少少打針咁,同樣是拮入子宮位置

但係痛楚是沒太大的,所以當時一路再哭.

但係感覺不太強烈,亦不需要任何麻醉的

同時你也是只有當天的假紙,抽完胎水後,

姑娘亦會告之你盡量當天唔好拎重野,

唔好抱小朋友,盡量休息,第二天是可以如常工作/生活的


然而係抽完胎水之後,就會有抽血員再替你抽血,

抽好血後就有姑娘要你簽番同意書,

就講番抽左你幾多枝胎水(係抽完之後都會要係即時對名)


咁D 胎水同血液會SEND 去贊育醫院度處理,
會驗地貧基因,會驗有冇T21 個D 問題,
會唔會有其他基因問題等等...
我都唔太記得仲有咩會驗。

如果冇事就會寄番封信比你,有事就會盡早打比你約你番黎醫院
再相討點樣安排(簡單講就係約你番黎做引產)
而當時姑娘終於詳盡地解釋了點解醫生會講要我做抽胎水
因為當時妹妹在檢查的時候,已經發現心臟血管流通不順(貧血的狀況),
胎盤有點偏厚,同埋胎的Size 的應有的細了差不多一星期
所以綜合了以上,已經叫中了兩樣特徵,是未水腫而已
所以佢就建議即時抽胎水再確實是否重型地貧

然後我再一次哭成淚人,大家也知道我是多麼的期待,
當時姑娘應該也見不過這樣的case ,也說不是你第一人呀,
每天有很多這樣的Case 

然後等到爸爸再來抽血,已經喊到個人呆呆地,
已經有少少接受緊個事實,但係仍是會在傷心
仍然希望是不會確診的!!

然後每天也是求神拜佛希望收不到電話,
直到星期五放工時我心仍是這樣想,
可能妹妹是沒事的...

可惜嗎....醫院可能收到報告又要比醫生睇左先打比你,
當你以為五點啦,佢地都收工啦
以為一切冇事,以為阿妹同哥哥一樣捱過了...
誰知....在星期五我放工的時候
那個無來電的號碼打來了,心裡已經一沉,
心知不妙.......

妹妹被告之確診了重型甲型地貧,需要在星期六早上9點入院
那種欲哭無淚,你連少許唔知點算都唔知點做
最後需要告之奶奶,我懷孕了同時需要放棄了的事實

同時需要出動我家人幫忙照顧GOGO ,奶奶怎去安排我入院後幫忙照顧阿仔番學
回想在短時間要做咁多野真係....

下一篇文章,我會再說一下入院當天的安排
以及必須要帶D 咩入院呢? 
疫情下又點安排呢...? 



就這樣完結啦,下次再見啦!(拜~)
◕‿◕如有任何合作事宜,歡迎找我呀
Beauty | Child | Food | Life 
Angel 小魔怪Mama
E-Mail: manman81!@gmail.com
instagram.com/angelbabyhome
小魔怪。私家竇


留言

熱門文章