2016年10月2日 星期日

【保養】▌偷出來的三小時 ❤ 給自己一場由頭到腳的放鬆時光 ▌

我成日同朋友講笑咁講,其實我每日放左工先係真正既工作
或者好多人會覺得湊小朋友有幾攰呀?
真心的,我自己都好佩服個d全職湊BB 既媽媽
重要有D 有哥哥/姐姐既更加佩服
所以有時個d 一句辣著FTM 既說話真係有根據的
請尊重一下你身邊默默為你付出睇住BB 既媽媽們

都係唔好講到咁遠,雖然我真係冇能力去做到FTM
但係我都真係好攰既時間,數數手指
我諗我足足有差唔多七個月冇做過Facial
我諗起碼有三個月時間我係冇時間做過護膚

前排公司咁岩有個講座要過海去上,突發奇想同男人請左幾個鐘假
上完講座後就即刻去左呢間Janva Body & Skin Care
放鬆一下久遺既比人摸下臉既感覺


入到店內,感覺好似屋企咁好舒服
唔會一開始有人帶你入房睇你皮膚點點點,跟住又Sell 你做咩貴野
都係簡單咁填一下d 資料,然後就有美容師帶我入房啦
幫我先洗洗面再睇下皮膚狀況先


其實都心知自己皮膚狀態差架啦,咁耐冇比人摸下塊面
首先就簡單地幫我清洗左個面仔先,抹乾淨之後
美容師就指我皮膚嚴重地缺水,清潔完皮膚都已經有甩皮既情況
所以就叫我做最Basic 既Facial ,亦知道我係餵緊人奶
連用既產品都係比較天然一點,令我可以唔洗擔心啦

由於我皮膚真係太乾,所以美容師就先為我做左按摩既部份
聽講係用骨膠原黎tim 就可以又補水又滋潤


做完之後就開始做番針清啦,其實整個Facial 我最怕最怕
就係比人修眉同針清,每次都痛到標曬眼水咁
但係今次係Janva 完全唔痛之外,仲覺得好舒服
主要原因係因為美容師跟平時個d 針清唔同,
佢係以夾出黎為主,有d 似而家網上有段(治療系)針清片咁
雖然用夾夾出黎比較曬時間,但係美容師指咁樣做
對比有鼻敏感人仕會比較適合,因為鼻敏感人仕唔岩成日比人壓住個鼻
佢地會唔舒服,真係幾貼心既服務呀


最後就做埋個倒模就完成整個既Facial 啦
雖然看似沒有什麼特別的,
但係對於我呢個咁耐都未做過護理既人
真係一個超棒既享受,由其做完個面仔好似飲飽水咁
即時肌膚係有脹卜卜既感覺~
原本美容師建議小妹做類近Rexxxx 既膠原蛋白療程
但由於肌膚太乾啦,咁唯有等下次再黎試下啦


做完Facial 就完?難得可以有幾個鐘可以休息下
就梗係做埋一路都想做既按摩啦
今次我做完Facial 就加多左一Part  推油接摩啦
首先按摩師為小妹鬆鬆根,然後就開始利用按摩油為我推鬆及按摩啦
由背部腰位開始,她指我腰位的位置是突曬出黎
我開頭一驚唔係我啲尾龍骨突起呀嗎?
再問多兩句,按摩師係指我腰部位置啲根腫曬突起曬出黎
問我係咪條腰好攰?
之前未陀仔已經成日腰攰,而家日日都要抱住仔餵奶,扶住阿囝沖涼
又要抱住阿囝玩下,最重傷既都係每星期總有一兩日
一定要揹住佢出行街,加上我用既係Hip Sit 使用腰部既力更多
令腰部既勞損度比起之前的確更好
不過唯一叫好的就是我坐月坐得算係唔錯,
所以比起其他媽媽有腰痛問題少左D


(呵,按摩師好好笑容下)
除左按腰位同背部舒服之外
最爽都係按手同膊頭位,都係個句揹住阿仔真心負擔好大
手呢就有時係因為番工做野啦,對比之前我已經少左用電腦啦
但係唔知點解仲係周身痛周身攰
45mins 既按摩轉眼就過左啦,或者由按摩師集中按我勞損既位置
所以成個按摩都係集中按摩背部
真係好想叫佢唔好停不如Keep 住按啦


享受呢三小時既時光,真心想唔番屋企住
但係個心又掛住阿囝,係鋪頭走左即刻番屋企抱抱阿B 啦
我介紹完我既偷出黎既三小時係Janva 做左咁爽既Facial 加按摩
又點少得要介紹比你地d 荀野先?

唔洗特別Like 我既FB(如果你肯咁做就令我好開心)
 ,但係一定要Like 左Javia 既FB 就可以免費試一下它家既泰式按摩啦

詳情要點樣做,就去它家既FB 睇下啦,
真心既,呢個按摩師我就覺得佢似泰國華僑
佢d 力度大,但係唔係用死力
我男人成日話我唔岩去按摩,因為人地大力少少我會叫餐死
但係佢按我又唔會話好痛要叫佢細力d 咁,但係按完真係堅鬆
我可以半夜阿仔喊醒我都可以聽唔到....死未

我唔貪心,一個月可以有一日我去偷懶幾個鐘
我已經覺得好心滿以足啦,係啦我又去湊仔先啦
有興趣既朋友記得去Janvia 既專頁睇下啦


**希望大家也喜歡我今次既介紹**
想隨時留意小妹既Blog 既動態及生活點滴
望你地都喜歡小妹既介紹啦
記得要Like 我既專頁啦
↓↓↓

◕‿◕如有任何問題歡迎聯絡小妹
 電郵:manman811@gmail.com 

以下地方可以找到小妹架^^ 
 BlogSpot ❤ Instagram ❤ OpenRice  ❤ FB 專頁
TheZtyle ❤ BeautyLife ❤ She Blog ❤








沒有留言:

張貼留言

【食 ❤ 荃灣】我們仨‧周年紀念◕‿◕唔想諗‧吃放題 ♪゚

1109 是我最重視既日子,它不是我的生日 也不是先生同gogo 既生日 而它是我們的結婚紀念日,轉眼間已經搭入第四年 由二人行直到上年既三人行開始 或者我可以唔重視我地既生日,但係紀念日我認為點都要食好d 本身一路好想去去酒店食自助餐,因為頭三年都...