【2017❤旅遊】 夏之遊✈️大阪 ♬ 京都巴士一天團(金閣寺及嵐山)
係我仲記得，同有時間之前我真係好想完埋我地既
親子旅行-2017 日本大阪遊
係之前我已經分享左我地去左京都一日團既上集
詳情可以睇番我呢條Link
咁之前就介紹左係伏見及清水寺
而同日我地仲去埋左金閣寺同埋嵐山
唔講咁多，我地出發去金閣寺先啦
我地去完清水寺之後，
大約就坐左30-45mins左右就到達金閣寺啦
咁去到金閣寺既主要景點就當然睇下呢個用金泊打造既寺園啦
不過要入去都先要比入場費，
好似冇記錯係要比400Yen 一個人
你可以考慮入唔入場既，唔入呢就可以有大約45mins左右
係附近既公園Hea 下啦坐下食下雪糕啦
而我地未去過就當入場見識下啦
比左既入場費,我自己就當係香油錢啦
不過真係只可以遠遠咁望到呢個金光閃閃既寺園
係陽光下佢真係好靚，但係感覺有d似香港既志蓮淨園
然後就係我蠻期待既地方啦，因為本身想同Gogo
黎到嵐生影番張和服相既，因為個件浴衣呢
係由遠遠既嵐山買番黎架，不過Gogo 頂唔住眼訓
黎到嵐山無耐就訓死左啦，咁唯有爸爸媽媽自己拍下拖啦
今次我地既大阪之旅，真係好好彩，
天氣真係好到不得了，加上京都既環境真係好靚
由其個種舊有味道，古舊既既感覺真係好正
(逗留時間約一小時)
由於我地落車點同嵐山竹林係有一段距離
所以可以有沿路風景一路行一路影下
而我發覺係嵐山最多係係賣傘既地方
我老公都忍唔住買左兩把傘，
因為佢好鐘意個d古舊味道既產品
而我地買左兩把劍造型既傘
佢既特點係落雨把傘有暗花出黎架
係大阪市中心比較少睇到好似大雄既住家樣
重點係唔知點解佢地可以好乾淨既地方
最後就放埋一張嵐山竹林比大家睇下啦
其實我地都有影好多相，
只係我老公將我影得非常咁"好"
我都費時擺出黎嚇親街坊啦
竹林真係好大好濃密，入到去有一種好清涼既感覺
不過係日本既熱係清爽伯會好淋痴痴既
所以入到竹林也許因為有樹蔭啦
所以就會涼少少，我仲見到有好多人係租左單車踩架
最後整個京都巴士一日團就真係完結啦
而我地都大約係晚上六點半左右番到難波
其實係因為當中我地有堵車既關係啦
所以實際應該係五點半至六點係會到遲
當日導友小姐仲送左我地車上每場小朋友一隻紙鶴
予意祝福身體健康，快高長大
不過導遊小姐以為GO 豬係小女孩,所以買左個女仔款
心意搭夠，男女生又有咩分別係唔係先?
完成左呢個一日團後，我地就去食我訂左好既晚餐
亦係我老公要求必食既東西之一
國產牛-任食放題!!!
【2017❤旅遊】 夏之遊✈️大阪 2017
(下集)金閣寺及嵐山
就這樣完結啦,下次再見!(拜~)
◕‿◕如有任何合作事宜.
歡迎以電郵或者到FB Page找我 ◕‿◕
謝謝唷!
Contact me：manman811@gmail.com
IG: angelbaby811
留言
張貼留言