【食。深水埗】估唔到既抵食二人餐★｡必試太子鵝油撈麵★
不過我去左西九商場附近搵食，
見到有朋友之前介紹過幾好食既手撕雞店
既然行開就入左去試下先，
本身打算食下下午茶就算架啦
但係真係比左個二人餐餐牌吸引到，
對於我呢D 真係選擇困難既人，最好就係乜都有就最好啦
今次呢個二人滿足套餐堂食優惠價$198 (外賣+$5)
係呢個套餐入面包含鹽焗/麻辣手撕雞(半隻)
醬皇豬手(四隻)/清湯牛魔王(例牌)
鹽焗/麻辣雞腎
酸辣蒜香雲耳
兩份太子鵝油撈麵/白飯
一份時菜及兩碗例湯
仲有包兩杯冷熱飲品
落左呢個二人餐冇耐，店員已經送左例湯，
真心我好怕飲街外既例湯，但係今次呢一款係青紅蘿蔔
好有屋企飲既感覺呀，姨姨仲好好呀送多一碗比小朋友
當然要介紹佢地既手撕雞先啦，因為我地要預埋小朋友食既關係
我地就揀左鹽焗手撕雞(半隻)
我諗大家都有食開手撕雞架啦，雖然雞肉絲一定鋪曬面
但係底入面一定有好多好多既雞殼同雞腳係底
但係呢一碟就係全部都係雞肉絲呀,啖啖肉好惹味
爸爸就話佢想試牛魔王，
牛魔王指牛肚，牛腩等等，
雖然係清湯，但係牛肚好爽但係又夠淋,
唔會似個種咬極都唔咬唔斷
(我好愛食牛肚但係最怕就係咁扯都扯唔斷)
牛腩好好味，好味到覺得好似唔夠喉,好想再叫多一碟xd
講左就係太子鵝油撈麵
撈麵一上枱已經有陣陣香氣，我開頭會諗
鵝油都應該幾膩卦? 但係食落去又唔同wor
最重點係!!連大少都肯食呀(偏食之人特別煩)
另外酸辣蒜香雲耳,當時有擔心我會唔會食唔到呀?
會唔會好辣呀? 點知佢酸酸辣辣咁好開胃,
完全岩曬係開胃前菜, 超惹味的!!
另外我其實真係幾喜歡吃內藏類的小吃(但不能多吃)
我們點的是鹽焗雞腎,味道是有的,
但好像有一點唔夠喉,下一次我會點麻辣的
最後就是油菜一碟，沒什麼太特別
不特別介紹了...
這一份二人餐真的在中午吃時很飽，
很滿足，連帶時常跟我吃飯後還會再吃多一餐的爸爸
也說我就夠了,不用再吃
不用二百元可以吃到飽，真的是蠻化算的,
加上小孩不算吃得太多，
所以真的是二人份的話很足夠，
有機會再嘗試的話,我很想吃它家的手撕雞腸粉
還有豬手,好像煮得很淋很入味的樣子
還有好似它家的燒味也很出名的~
是日介紹:
炯記手撕雞(汝州街)
就這樣完結啦，下次再見啦!(拜~)
◕‿◕如有任何合作事宜，歡迎找我呀
Beauty | Child | Food | Life
Angel 小魔怪Mama
E-Mail: manman81!@gmail.com
小魔怪。私家竇
FB Page : facebook.com/angelbabyhome/
留言
張貼留言