母親節快樂!!!!

今日係一年一度既母親節!!!!


我已經係琴日同yuky 去shopping時已經買左花比我阿媽啦


由於琴晚好有心機去整比大肥既禮物~~~


原本係諗住係2周年禮物架....但係今日行街見到.....XDD


咁琴晚整整下....咁就整到4點....之前整既步驟原來係好錯....我又要買番D 黑色整啦.....


今朝成點半先識醒....大肥落番黎HK個陣我仲未想醒!!!!


我沖埋涼落埋街搵佢....跟住去沙田行街街....


點知係途中.....又係因為佢唔肯見我媽咪攪到我又發哂脾氣....


最後大肥敵唔過既脾氣.....最後應承我媽咪生日去見下佢...


跟住落到沙田去醫肚...因為諗唔到沙田有咩好食


揀左最方便既地方~~~m記.....


但係今次真係食左個好嬲既m記囉


首先買野食已經等左好耐.....因為之前個個人可能係新手


今次我買左2個餐當比左錢...我想分時....


跟住我問個收銀.....有冇得儲分架....


佢話有


我話點解唔響既...


佢好細聲講....我唔記得按....真係比佢吹到啤一聲


真係咩心機都冇哂!!!!!


食完野同大肥去行一田....


行去文具部....見到有隻生日熊仔.....好想買架....


但係得大肥既生日,搵唔到我個個....


我話買左你個個先,大肥話要買就買一對!!!


買一隻就冇意思.....突然諗番起...第一次同大肥去約會個陣xdd


我地都係各自送一對生日公仔比對方xdd


轉眼間.....2年啦.....大肥我地相戀左2年啦.....


買唔到生日熊仔.....就行去睇其他野....


行到睇袋.....見到個地圖袋其實都幾想要....但係1080呀!!!!好似唔多值......最後唔要....打死都唔要....


跟住去左睇飾物.....一見到..


呢個Logo....唔知點解我就停低....原來大肥都一早停左因為佢見到個十字架....


最後買左....


呢個我送比大肥既2周年禮物....靚唔靚~~


跟住大肥買左800既頸鏈...因為一買就買左2條....


都係十字架既...



呢條係我既....佢條就粗少少...個圈圈大dd....


跟住送比媽咪既.....禮物



本身好閃......我梗係借花敬"罰"


話大肥同我夾份買架啦xddd Yeah !!~~~媽咪好開心


跟住去左買野飲.....又比我見到有士多啤梨仲要係美國


但係要35蚊盒...大肥話想食就買唔好睇個價錢....


最後買左盒


跟住就周圍行多陣....



最後番左粉嶺同屋企人食飯....咁就完左呢日假期......


 


大肥....你今日咁攰都要同我去街,,,,多謝你咁寵壞我,錫我....多謝你容忍我既無理取鬧,我既臭脾氣.....我知你一路都唔肯見我阿媽係驚媽咪見到你大我咁多...而要我同你分手....我應承你冇人可以令我唔愛你唔要你....除非你出面有女人......記住呀....


今年既2周年又冇得慶祝.....唔緊要啦....做野要緊.....下次補番....


P.S. iRIS 姊妹你既生日禮物我地已經準備好.....你有得心理準備未先?好期待禮拜六!!!!


留言

  1. 你唔好同媽咪講大肥幾多歲先,講細幾歲冇壞架喎!你阿媽唔會搵拎大肥身份證睇架麻,都時結婚都未必知添!
    咦!你今次又幾忍得手喎!話唔買就唔買,叻女左喎!
    你地唔好破費喇!有你地同我慶祝已經好開心架喇!唔好o徒錢呀
     
     
    [版主回覆05/12/2008 05:12:00]
    梗係冇講過啦...我都諗住同媽咪講大約26-27起碼似番個樣嗎....我都咁諗過係都係結婚先知真實年紀啦XDD
    為左我地既將來要儲下錢仔呀~~~但係都買左成800蚊鏈....你話死唔死....唉....
    都買左啦....仲叫破費XDD等收份禮物啦...但係唔準問係咩黎.....架喎XDD
     

    回覆刪除
  2. 話時話, 究竟大肥幾多歲呀?
    [版主回覆05/13/2008 13:56:00]32 快 33

    回覆刪除
  3. 我未來老公11月都33啦, 我而家都係23之嘛...應該同你差唔多!!所以年齡唔係問題, 成熟穩重D好!
    [版主回覆05/13/2008 19:08:00]我而家快21 咁始終有D 老人家唔係咁諗呢///
    唉,...我都覺得大個D 起碼唔洗照顧番佢轉頭..

    回覆刪除
  4. 總之話大過你咪得囉!唔駛講幾多架!

    回覆刪除
  5.  您地好SWEET呀, 愛是無年齡之分 .

    回覆刪除

張貼留言

熱門文章