♥ 私物介紹 の 淡妝必備之物 - BareMinerals 礦物粉系列 ♥

上一篇文章我介紹左用Sexy Look Mak篇 ♥
為改善皮膚之品,因為即使你化妝化得幾完美幾靚都好,

始終當你影相好靚好完美~但係一個Close Up 就真係表露無謂啦
不過除左Fu Mask 之外,最好既美容方法~真係每朝飲一杯暖水!!!
呢個方法~我覺得都幾Work 架xdd
唔知你有冇試過呢xdd 我而家既慣例就係每朝1定飲杯暖水先番工

好啦,講番正題啦....其實我見好多Sis 都有介紹情人節妝容,但係我真係唔知我呢篇野打到幾時
同埋我又忙(天音: 懶就真啦..)係既係既...我認我懶xdd 
所以唔叫情人節妝容啦,加上我化妝又唔係叻 XDD

講左我買左BareMinerals套Kit Set ,


其實嗎...呢套野佢一登錄香港我已經好有衝動去買架啦,
但無奈Face 個度每次實在實在太多人,
我根本埋唔到身去試,雖然我有拎過佢地既Sample 
,但係始終都想有專業人仕幫幫我試下上面架
直至上一次我同Blogger 曚曚去完個Event 
之後我地去左Face 既Sofina 打算同陪曚曚揀防哂...
點知我地經過BareMinerals 見到佢冇人啵...
但係人地就黎收工啦....

不過個度個BA 就話唔緊要啦,
你唔好理我地係唔係收工,你想試就試啦,
加上當時我真係想買碎粉,就坐底試一試啦!!!
點知.....我真係比佢地燒著左,乖乖地放底$590 買呢套Kit Set 啦


不過我地買個陣佢未有現貨比我架,不過好開心係年廿九個日有得拎,
我仲唔即刻衝出去尖咀去拎呢套化妝品,係新既一年既用新既化妝品



OK,廢話唔再多講啦,首先都係要介紹呢套Kit Set 係包左咩架先.
咁由左起數到右比大家知啦

首先,白色小枝的係BareMinerals礦物粉專用Bass,
個Ba 話1定要用佢專屬既Bass 先唔會令d 粉一舊舊既

之後枝大掃呢,係For 掃礦物粉用既,細
掃就係For 碎粉之用既(Ba 教我就係大掃掃大粉,細掃掃細粉)
好啦,之後就有分大,中,細盒啦.....大盒當然就係今次既主角啦,礦物粉!
中盒就係無色既碎粉但係有d 閃粉
細細盒呢就係陰影粉啦,但係我未過...因為我唔識用xdd



粉底方面,我皮膚係屬深色系,所以揀左比較深左既粉底...
碎粉就係肉色,查上面唔太覺既...
陰影粉太深色啦,我完全唔知點Carry 佢好!!!

介紹左呢套Kit Set  就等我為大家示範下呢套BareMinerals 好唔好用!!!!

先講一講呢枝BareMinerals 礦物粉專用Bass (貨Size $200/枝)



Bass質地比較水一點,沒有顏色的...最重要係勁之快吸收!!!
我諗如果查哂成塊臉大約可以"吱"5蚊Size 左右啦
而家就比大家睇下我用左同未用既分別啦
  
其實我覺得好似冇咩分別,唔知你地覺得呢?



比人永遠Black List 我都係咁話,因為個Ba 同我講呢枝Bass 係For 礦物粉專用架
我係唔信邪,我偏要用番我之前用開既Bass,唔係既話....我信哂呢枝Sample 版Bass ,
我又岩岩先開左枝新既Bass ,我咪N世都用唔哂
所以我今次決定做鐘無豔,使用兩隻唔同既Bass 上今次既主角BareMinerals 礦物粉!!!



玩完Bass,係時間介紹一下主角BareMinerals 礦物粉(貨Size $250)啦,呢個設計係唔錯
因為佢設有"樓"蓋設計,左"樓"收埋,右"樓"就開 



個Ba教我落一小點就可以足夠成面,或者我塊面太大啦...
所以我覺得我需要以下咁多既份量,再用掃係蓋上面轉動約十次左右
最後再"登"一登"番多餘既礦物粉,咁就可以開始上粉啦....


首先由額頭方向由外向內輕掃一下,以打圈形式輕掃,直到面豬登位就完結
當第二次既時候,你就可以用多番多餘既礦物粉大力少少,再由額頭方向由外向內再掃多一次

又或者你話你好似我咁,有d 暗倉印,黑眼圈等等~就可以有第二隻上粉方法~
同樣都係由額頭方向由外向內掃,但係第一次就係大力少少掃上面,
再用枝細頭掃將多餘既粉重點輕掃於你需要既遮蓋既位置


咁今次我示範既就係第一個既方法,比大家睇睇我上左粉之後既效果先
你地又覺得效果點呢?起碼黑眼圈效果真係遮到既暗倉都遮到少少啦....
好啦,上完礦物粉就係時間上一上碎粉


  
之前曚曚問我覺得效果如何,我同佢講我比較鐘意呢隻碎粉多d,
佢問我呢隻碎粉可唔可以用第2隻掃上呢個碎粉,所以我今次都用左兩隻唔同牌子既碎粉掃
BareMinerals 貨Size ($200)
今次左面用番BareMinerals既碎粉掃,咁上碎粉就冇特定既程序既,
所以隨心掃就可以架啦,右圖既左面係上左碎粉架啦....
睇相就完全唔覺得有d 咩分別,不過實際上立體左d 既,
加上佢有閃粉成份,所以佢可以比較立體d



再睇下用其他掃既時候,上左碎粉會唔會有分別!!!
今次試係右面既掃....其實我覺得兩隻掃都冇分別,
唔會係佢地個專用掃特別好用,其他掃就唔到粉咁...

 

由於時間關係,我當日趕住出街,所以我最後係畫左眼線帶番眼鏡就出門口
胭脂冇查乜都冇整..我實在太懶啦!!!所以今次試左d 主角比大家睇左先
我去完旅行就1定試哂用礦物粉上妝,同埋用濕粉上妝既分別既...等我唷!!!

總括黎講,礦物粉對我言有好有唔好,如果你追求透薄,健康既粉底,你可以揀礦物粉
但係如果你好似我咁,本身有d 紅印,毛孔比較粗大~我會覺得你可以揀番濕粉/BB Cream 加番佢地既碎粉
因為我覺得兩者一齊用,有d 重複左.....因為始終粉底又係粉,碎粉又係粉...
當2隻粉查左上面會唔會好似加重左皮膚呢?咪好似做唔到透薄問題囉
同埋好似兩隻粉查左出黎之後仲白左,同本身皮膚唔多襯...
不過下一次我再上礦物粉,我或者試一次唔落咁多粉會唔會效果會好d 
同埋我大約點幾化妝,直到7點左右鼻翼位先有出油溶溶地,
如果需要補妝既話只係需要碎粉就可以架啦...

仲有既係,其實唔用佢地既專屬Bass 都可以用佢地既礦物粉既,
不過佢地個Bass都幾好用,大家可以值得一試架!!
如果大家睇完呢篇文章有興趣試佢地既產品,可以到以下地方專櫃坐底試試佢地既產品
不過大家都有興趣買我呢套Kit Set,就真係只有尖沙咀海港城Face 先有架咋!!!
當然你都要再問問d Ba 仲有冇先?

BareMinerals HK

  專櫃:


Harvey Nichols, Pacific Place (金鐘太古廣場) - 2918 0592;
 FACES, Ocean Terminal (海運大廈) - 2376 3766 


希望你地都喜歡小妹既介紹啦
想隨時留意小妹既Blog 既動態及生活點滴

記得要Like 我既專頁啦
↓↓↓

◕‿◕如有任何問題歡迎聯絡小妹

電郵:manman811@gmail.com

以下地方可以找到小妹架^^









留言

  1. 真係好詳細的教學wow,再過數天就係温馨又甜蜜的情人節,在此祝你情人節快樂,幸福綿綿,我又有新的手繪漫畫發佈 , 如果得閒黎我個YAHOO BLOG 睇下
    [版主回覆02/17/2012 09:37:37]好呀^^

    回覆刪除
  2. 你介紹得好詳細呀!好過我好多,我要向你多多學習先得!:)
    [版主回覆02/17/2012 09:37:26]傻瓜:p 各有各見解o者~
    起碼你d 圖比我好睇

    回覆刪除

張貼留言

熱門文章