2012年8月5日 星期日

✿ 第一次接觸西班牙品牌。第一次接觸Alissi Bronte & Thalissi ✿ + 8月生日小送禮

唔知對於西班牙,你會諗起D咩?比我只係會諗到鬥牛XDD
但係而家你再問我,我會答你西班牙有個Alissi Bronte & Thalissi 品牌


今次我有機會認識呢個西班牙品牌Alissi Bronte & Thalissi 
其實呢個品牌已經係銅鑼灣皇室堡開設左係香港第一間分店,
係今年既六月亦係尖沙咀美麗華開設第二間分店

究竟呢個西班牙品牌有咩咁好呀?好就在於呢個品牌就係佢地當地既電視台專門用既化妝品牌
既然講得電視台都專用既,當然有佢既好用之道啦~
想知有幾好?不如就睇下著名化妝師Annie G 為我地介紹一下呢個品牌點解咁好用?



首先Annie G 先用上Alissi Bronte既"黃金水"
點解叫黃金水呢?其實佢原名應該叫"黃金營養保濕液"
主要成份包括有膠體黃金,透明質酸,維他命原B5...共十種成份~
由於黃金既特質可以帶來提升既作用,仲可以有抗氧化,亮澤同滋養肌膚既功效~



跟住就再用上Beauty Crazy~唔好以為佢叫Crazy 就奇怪先得架
它不知幾神奇呀!!!睇下佢既主要成份先呢~
包括最重要既透明質酸,化位瑭同馬尾華等等不同既成份
呢個咁Crazy 既精華主要既功效就係快速急救你既唔夠訓又缺水情況
仲可以做到提即昇既效果tim 呀~不如睇Annie G 既示範先啦



查左精華之後其實可以直接當Bass 使用,不過你想查多下都冇問題既
開始再用上Alissi Bronte 既粉底液~係呢個品牌既粉底液只係會得一隻色
你或者會話下...得一隻色?咁我好黑或者好白咁點算呀?
你放心,即使你係哂黑左又好你好白又好,你同我一樣黃皮膚的都唔洗擔心~
因為呢枝粉底會跟住你既ph 值去更改顏色~咁就唔洗再擔心究竟我應該用1號定2號色啦



之後再用左它們家的珍珠亮麗蜜粉~呢個蜜粉好特別架~
因為佢既可以定妝仲可以同時修飾淡化細紋,暗啞同你攰既感覺~
另外蜜粉佢係以一粒粒唔同顏色既小小的石粒粉,
包括就係緋紅色可以營做健康色彩
青綠色遮蓋面部泛紅瑕疵
迷紫色就可以集合吸引光澤點
亮白色就可以增加白晳神彩
金色同象牙白就可以用作提亮同突出輪廓



再查埋胭脂就可以攪掂個妝容啦~Annie G 比左個提點我地
就係由圖二佢既掃放既位置掃上去至圖三掃既位置
咁樣個胭脂就可以又自然又突出啦~



最後妝容就完成啦,睇唔睇得出呢位白雪雪Model ,兩邊面有咩分別呢?
我自己就覺得佢左面真係條線出好多,你又覺得係唔係?



睇完白雪雪麻豆之後,再來左一個岩岩去完沖繩既靚女~
因為佢曬完番黎,攪到個面又乾又暗啞
又睇下今次Alissi Bronte 既產品可唔可以幫到呢個靚女先
首先就係幫靚女抹走佢本身既妝容~
抹走左之後其實睇得出佢額頭同面豬丁位已經哂到有d 乾啦



同樣跟白雪雪麻豆做既方法再為呢位岩岩曬黑既左麻豆化多一次妝
記得我頭先講過呢個粉底只有一隻色?
不如睇下AnnieG 幫佢化完個妝係點樣?



再望下麻豆化左一半既樣子嗎?同一樣既粉底同一樣既化妝
即使你係黑定白一樣用到呢枝好既粉底



當AnnieG 示範完Alissi Bronte化妝品之後,
就請黎星級Blogger Yoko介紹一下 Thalissi 既產品啦



首先yoko 介紹呢款減肥貼,原名是"燒脂廋身貼"
呢個減肥貼原意就係可以廋身同時緊實~
點解可以一張貼可以做咁樣呢?主要原因就係因為呢個佢有墨角藻仲有就係左旋肉啦
因為呢個貼係唔識排出,只係會溶解你既脂肪~
所以每日最多只可以貼兩塊唔可以多,同埋最多只可以貼28日之後你就要停番28日先可以再貼啦~
最重要既就係...一定要飲多d 水先得~



想廋身當然除左用廋身貼之外當然唔少得仲有 Thalissi最出名既按摩油~
係圖二入面既包括就係有通淋巴既按摩油,同埋緊緻胸部既按摩油



另外YOKO 亦即場教我地點樣按摩我地既淋巴位,將身體既毒素排出
仲請左靚女Blogger Gina 出黎做示範tim
先睇下手既部份,其實Gina 真係好廋唔洗點樣廋手啦xdd
先將約5蚊銀既分量查係手上面,再用手指既關節由下向上掃上去
掃止到手脾與膊頭既連接位置,因為個度就係等如身體入面既垃圾桶



跟住再睇下腳既地方,係"失頭哥" 對上少少的位置作出按摩,
同樣用自己手指由內掃向外,呢個位個個都會痛架~
但係做得多你隻腳就唔會有淋巴塞住既問題啦


不如比大家望清楚呢枝廋身既按摩油係咩樣先,雖然睇落佢真係好油
但係查左上皮膚上,你絕對見唔到有油淋淋既問題



活動也開始終結了我也當然不放過將兩位星級化妝師及美容達人合照一番啦



由於我真係太多太多問題,要問兩位,所以我當天真係得益不少,
仲有既係,唔止Gina 有得由Yoko 幫佢做通淋巴,連我都有機會
Yoko 同Annie G 都話我,你真係好水腫,由其對腳,
真係要乖D 做Gym 之外真係要乖乖地做多通淋巴既Spa/按摩



最後也介紹一下當天Annie G 為麻豆們使用過既化妝品給大家介紹一下



最後感謝Alissi Bronte 給予我一次開心既Event
仲有幾好食既蛋糕仔頂一頂肚餓xdd


仲有仲有既就係~每一次出席既朋友們都會有以下既禮品~
我已經開始試緊某種產品啦,請密切留意我既文啦

另外因為8月份係小妹既生日月,我將會有幾份小禮物送番一路都支持小妹既朋友們
雖然唔係咩貨Size 禮物,但係希望大家都會鐘意
參加方法好簡單~只要你睇番以下既網址就知點可以得到架啦
https://www.facebook.com/photo.php?fbid=312791528817005&set=a.202312866531539.43863.201619409934218&type=1&theater¬if_t=photo_comment

快d 黎參加今次既小送禮啦,如果人數較多既話我會加碼架>w<

希望你都喜歡我今次既文章,有任何問題歡迎留言比我

如果你有興趣會留意到我動態,也希望你給我一個Like
如果你有微博,都請關註我: 

http://weibo.com/siuangel 

   


















沒有留言:

張貼留言

【保養】轉季補濕必備之物 ◕‿◕韓國貴婦Gobdigoun 山羊乳系列 ♪゚

韓風,由KPOP 文化到衣著同Skincare  真係係香港都買到不少由韓國引入既產品 有時覺得居於香港是件幸福事, 起碼我地想試不同國家既野,由其是美妝 加上網購既興起,真係遠在韓國既產品亦可以在網絡上購買 然而次小妹想介紹既產品,它自韓國 但...