當科技不再是男生的專利 ◕‿◕ 女生也會愛上的Microsoft Surface 2
或者大家認為電子科技/相機等等都應該是男生的專利
但作為一個小小博客,對於相機電腦是十萬個著重
因為它們是算是我的搵食工具嗎XDD
對於現代香港人,我想在手上的除了電話之外
我想多數人手上也可能會有一部平版電腦嗎?
小妹也有一部S系的平版電腦,當初買的時候就是
想用作可以有時在街外也可以打下文上上網等等
但係買完後就發覺好似跟想像中有一點出入...
有時想打文,但係用係S系機時好似力不從心
唔係在走位,就是按得勁慢....
最後也是帶回重重的電腦出街好了....
早前小妹就認識了一個新的平版電腦,
其實在買S 系機前,其實也曾考慮過它們的
它就是Microsoft Surface 2
(建議售價$3488 起)
呢部新推出既平版電腦既size 好輕但係絕對唔會好"牙咋"
而佢既尺寸就是274.6 x172.5 x 8.89cm
當中既儲存空間就有32gb及64gb 等等
而外觀就會用上16:9寬螢幕
解析度：1920x1080
系統記憶體：2GB RAM
而呢部平版電腦亦有一個雙定位支架
即使你係放係"木台" 面定係大脾上面都冇問題
今次呢部平版電腦跟我地日常用開的系統不一樣的唷,
因為它是行WIN 8的,而介面仲好特別架,
有著唔同既圖案係桌面,最重要係自由配搭既
而且如果你好似小妹咁,用唔慣呢個WIN 8既話
其實只可以輕輕一按,你就可以去番WIN 7架啦
想要打文?想做文書野?絕對冇問題
其實今次活動地點就係化妝師Will OR 老師的學校
但係今次呢部機同老師又有咩特別呀?
其實老師就話,有陣時佢地作為化妝師
有時想試下唔同既既顏色配搭,但係唔可能下下搽多色係眼/面上面架嗎?
一來傷皮膚二來試到自己都無隱啦係咪?
原來呢,係Microsoft Surface 2 內置有一個APP 既
名就唔記得,但係呢個APP 就可以運用一張相比你玩盡PS 既效果
最重要係可以試好多好多既彩妝係面度而唔會影響到皮膚啦
今次我地先搵左機中有一個張相去試,呢個APP 可以改善眼形
改善面上既瑕疵,可以畫眼線,可以試眼影
可以美白牙齒,可以改善面形,
真係好玩過PS 架,起碼唔難控制嗎XD
當然小妹也不錯過來試一下呢個輕量版PS App 係唔係真係咁過隱先xd
仲有得玩埋d Colour con ,最重要係可以整到D 瑕疵冇哂XDD
除左玩樣?仲可以玩髮型架~
做女生既一定明,有時留到好長頭髮但係又好鬼想剪短
但係又怕剪左唔好睇之如,D頭髮就可能冇哂
咁可以點攪?唔緊要呢部機入面都有一個APP
可以比你試盡好多既髮型最重要係連顏色都可以試埋
作為Blogger 既我最重要都要試下佢打文既功能啦係唔係先?
用番網頁去試下打文,因為呢部tab 可以外置一個keybord
咁就可以變成一個mini notbook 啦
我仲覺得打文都幾方便啵~~
(利申呢個keybord 是需要再自己買的!)
當然要試下,一個我常用的app "My TV "啦
有時跟朋友吃飯有事去做,就會Miss 了當天的劇集的嗎
如果沒看了當天,第2天就跟同事沒話題嗎~
以wifi既速度，畫面很清也很順,聲音方面也不錯~
最重要是輕身嗎,重的話長時期拎住的好攰的!!
而當天我也試了也算最多人上的討論區
"香港討論區"app
呢個app 可以比我一路睇一路掃,認真好玩
又夠清晰,又夠順~認真好玩
玩了個多小時的Microsoft Surface
認真的是愈用愈愛上,方便快捷又夠輕身
最重要係方便到打文嗎,呢個對小妹而言係最重要的
另外今次也要講一講它的影相問題
它的前置攝影機是有 350 萬像素
後鏡頭也有5 百萬像素後置攝影機
即使你有時想影下相拍下片都冇問題啦^^
如果大家都有興趣去體驗/購買的朋友,
可以到全線豐澤選購^^
價錢由$3488 起(32B),Keybord 要再查詢
希望你也喜歡小妹今次的介紹
**以上產品資料由廠商提供,以上內容亦只是個人意見,
不代表所有人的意見**
想隨時留意小妹既Blog 既動態及生活點滴
記得要Like 我既專頁啦
↓↓↓↓↓↓↓
