【八】▌1109 大婚享 ❤ 我的律師篇@徐志剛 ▌(超多文字篇)

找到這個律師,我想跟他是有一點緣
如果想知道點解我跟他是緣吧?
可以細看我之前的分享(按我)

係我之前攪緊婚禮之時,其實當年我也有一班跟我同年嫁的女生
所以當時經常地把資訊物料等等傳下去使用
由其大家的婚禮將至對於証婚問題就更加著重了

由於我那時的朋友們,也會有律師在婚前見面一次
不過我想跟大家講我由找他幫忙証婚開始
直到小妹當天大婚,我是沒有見過徐律師的

講真呀,由我未嫁到去到準備嫁都真係好驚,
因為上網聽過不少律師遲到(見識過仲要係出名的)
律師甩底,律師出錯文件(見識過打錯新娘個名)
律師讀錯新人既名字.....通通都驚餐死~
但係一切只係我自己想得太多~

由小妹帶大家去了解如果你決定好這個律師的流程吧
首先小妹當初是致電他家的律師樓,
多數你在上網打上Key world 的字眼,如"徐志剛"
就一定會找到他家的電話號碼及地址的

而當小妹致電後,亦查詢當天是有期的時候
請別學小妹一樣懶懶閒,慢慢才入數給律師樓留位
真心想選擇你喜歡的律師也好,記得快一點入數好了

沒記錯我當時只需要入$1000 作為Deposit 就可以啦
然後律師樓小姐就會發電郵給你作實
那你就可以安心地處理你其他的事情了

直到你大婚前三個月或者之前,
律師樓的同事們會以電郵通知你提供所需的文件
如新人既身份証copy,兩位的父母的身份証copy 
新人的住址証明等等資料,
最後也是填寫一份有關結婚証書的資料fax 回/電郵給律師樓就可以啦

直到大婚前約2-3星期,新人就可以安排於星期一至五的時間上到律師樓
當時小妹也認為是終於可以見律師啦,其實都係冇既=口=
見番一路同我聯絡既小姐啦,佢就會好多文件跟你對回
就好似你跟你另一伴的資料,你地既父母既資料,
你地既職業等等也會同時出現在你的結婚証書上
一定要好好的檢查,要不是你的結婚証書就出現不對的地方啦

然後就會跟你說一下你當天的流程,律師會在你註冊前約10mins 會到達呀
你地當天要說什麼誓詞呀,有幾款可以揀架
大約既情況加內容啦,不過其實我當天聽完之後係當天真係唔記得哂

係大婚當日,我想講我有好多好多好多既意外發生
我自己係新娘房已經發哂脾氣發哂癲咁,而我當天註冊的時候是下午5點半
律師早在15mins 已經到達進入新娘房找我同先生
但係因為太多問題,個個也找小妹詢問呢樣查問個樣
最重要係,我最需要的那個人那時仍未到達

律師看到小妹的如此荒亂,如此無助就按著我的肩膀
講左呢段說話,直到年幾後既今日我都仍然記得
"冷靜d ,今日係你大好日子,有咩事都好大把人幫你處理
而家你最好平靜番自己個心,好好地準備行出去進行註冊儀式
唔洗驚XX 未到註冊唔到,有一個証婚人也可以的
放鬆D ,我出去同你MC 再夾一夾" 

就係佢呢句野我先開始冷靜番D ,連小妹的化妝師都話OK 啵呢個律師
然後去到時間,我就由爸爸的帶領到我先生的手上
上台聽著律師跟我們的說話,雖然都係一樣說話內容但係我也開始眼濕濕了
也是這個時候我開始正式望到我的律師啦XD


呢個律師不會千篇一律地講完一輪野就走,反而問番我地好多好多既問題
反應上都幾風趣架,我都聽到不少的賓客會有笑聲的



而正式在儀式上他的威嚴真的很足夠,
令我很滿意這個律師為小妹進行這個註冊時間
當我以為我只說一聲我願意就可以的時候,
原來仍有一段的說話要說的,對呀誓詞呀~~
死火啦唔記得哂又點算呢??


絕對唔洗驚,因為律師會係你後面讀番D 誓詞你聽
佢讀一句你讀一句,聽唔切唔知自己講緊咩
唔緊要佢會了解亦知道重頭讀一次你聽
當天大家也以為小妹咁勁自己背哂D 誓詞出黎
其實有軍師在場呀!!他認真幫我不少呢~
因為實在太緊張了,也因當時的環境令我不斷想喊
而我男人呢?就不斷吃羅C XD


講完誓詞當然要起我的頭紗嗎,但係就攪出一個小笑話
律師話我男人太心急想親吻我,所以個頭紗都未起哂就錫落黎
攪到大家也狂在笑,雖然我男人當時很想找地方下台
最後也完成接吻的儀式,係時候要簽紙啦~~~


到而家呢一刻也好,如果有朋友詢問小妹有那個律師好推介的
我就會說我那時的律師很不錯唷,起碼他令我笑得很開懷
因為律師在取笑我男人叫他不要簽錯我的位置,
他知道他十分緊張,對於我們這一天xdd


最後由他為我們的証書打印就完成囉!!
他打完後仍在說,你知道這次表演的一種嗎XDD


以下是小妹的小心得,希望大家也可以用得著吧
1)訂下日子,請盡量決定好想以什麼型式的註冊方式,
如閣下是行教堂的,同樣也需要律師幫忙証婚,除非你教會的牧師可以為你舉行婚禮
2) 記得找到你需要的律師後,盡快落訂啦,咁就可以安心加放心
3) 找一個你朋友的律師總好過自己盲中中周圍搵,幸好我盲中中下也找到個不錯的
4) 當天你會很亂的,別把証婚的事情什麼也上心,律師及你的兄弟姊妹會幫忙的
5) 最後再檢查文件的時候要留意清楚唔係就証書的資料就跟住錯架啦

希望大家也找到一個岩自己的律師吧,而我的律師資料在這兒




** 1109 大婚享 ❤ 系列將於不日分享**
希望你也喜歡小妹的新分享吧^^


** 1109 大婚享 ❤ 系列**
希望你也喜歡小妹今次的介紹
**以上內容亦只是個人意見,不代表所有人的意見**
想隨時留意小妹既Blog 既動態及生活點滴
記得要Like 我既專頁啦
↓↓↓

◕‿◕如有任何問題歡迎聯絡小妹

電郵:manman811@gmail.com

以下地方可以找到小妹架^^


















留言

  1. 和我一樣很多東西都要過了很久才有機會寫 ~.~
    我還有今年 4 月的日本之旅和 9 月的台灣之旅未寫 ~.~

    回覆刪除
    回覆
    1. 對,一把它放冷了就沒心機再打它
      所以當突然有心機就要瘋狂地打XDD

      刪除
    2. 沒錯,如果唔襯有心機果下快啲打,真係有排都唔駛打喇
      我婚禮就咁一篇過算,無咁好心機慢慢打,呵呵

      刪除

張貼留言

熱門文章