2014年11月12日 星期三

【食。SOHO】走到中上環的街上 ✧ 尋找上樓的藝術餐廳╭☆

唔知對於中上環既SOHO 區,你會有什麼感覺?
對於小妹呢D 新界人黎講,或者去IFC 呀機會率都會高少少
但係早前朋友們就帶我去了SOHO 區其中一間餐廳

這一間餐廳就是Naked Gurume Gyarari


這一所餐廳不像平時在街鋪的餐廳一樣,因為它是集合了
餐廳跟畫廊為一的餐廳,所以一進入這個餐廳就會看到一幅又一幅的畫作
再行上約兩層的樓梯,就可以到達餐廳囉


由於是朋友們點餐,小妹就不理任何餐牌
坐下又吃了,到了這麼特別的餐廳
看到如此特別的菜式當然不會錯過啦

首先要介紹既就係前菜
Hotate w/ Crystalline Ice Leaves 
(冰菜帶子沙律)$168


請原諒我拍得比較差一點,來一個小近鏡睇下究竟會有咩材料啦
主角當然有帶子,冰菜同一些沙津既菜式
首先要說一下它的帶子,平時吃的也許是完全熟透的
也許會是半生熟的,但係這個你吃的是感到全熟的
但係不論外表,口感也是跟未煮的帶子是完全一樣的
主要原因就是因為它是由Slow Cook 去煮成,
所以它雖然樣子仍是未煮的時候,但係其實食落都係熱架xd

另外值得我再推介既就係我第一次食既"冰菜"
或者識食既朋友可能已經食過不少次
但係我呢唔識野既人仔呢,就真係第一次

不如又等我簡單咁介紹一下,或者有朋友同我一樣係唔知係乜東東黎架嗎xdd
Ficoide glaciale,一種生於法國,早期源自南非的植物,外
表翠綠如一株香草,外層卻如披上一身鑽石,
半透明的結晶散發閃亮的光芒,摸上手乾爽而凹凹凸凸的,
猶如在葉和莖噴上一層糖。像沙律菜般生吃,
爽口非常,清甜中滲出鹹味,很有海洋的感覺!

而今次我地食既冰菜就係來自“Johnny’s Organic Farm”.
而你又知唔知其實冰菜係女仕既恩物呀?
因為它含有豐富既鐵質及維他命E ,係一個天然既護膚品黎架


第二樣要介紹既就係
Black Truffle Crab Dip (with option of Curry)
 (黑松露釀蟹醬/咖哩釀蟹醬)

秋風起就唔係只係食蛇既,仲係食大閘蟹既時間
不過如果你同我一樣,會食蟹但係不懂拆蟹的話
我想今次呢款菜式也許岩你這位喜歡吃蟹糕
但係卻不想拆蟹的人仕囉!!

這個菜式就會將蟹糕成為配角,將黑松露/咖哩Mix d 蟹糕,
加上脆脆地既米通非常之惹味加吸引,對於我而言~
黑松露既味道相對係吸引一點,因為咖哩相對之下太咸了
如果你喜歡濃味的朋友絕對可以考慮咖哩味


再要介紹既就係呢Prego Roll (素菜卷)


睇落似壽司既Prego Roll
主要食材係要酪梨, 蘆筍,蕃薯,蓮藕等等
不過要留意呢款菜式係辣架,大家要留意一點
因為小妹吃了一件後也不敢再吃了,太辣啦對我而言
不過也是一款很特別的菜式,有興趣的可以一試


然後呢個極力推介既菜式,完全食完回味到頂點
這個就是
Toroy 48 Months Iberico Ham Wrap (3 wraps)
(拖羅西班牙伊比利火腿卷) $188


這個看下去沒什麼特別的東西卻令你想不到的好味,
首先它有48個月既ham做底加出哂油既拖羅,
最重要有對皮膚爆好超補水既海葡萄加埋一齊
但係睇個樣已經夠吸引,但係點樣食又不失霸氣同時又可以食得乾淨呀??


首先利用手將這份拖羅對摺,然後利用快子攝入去ham既旁邊
一夾即時擺在口中慢慢咀嚼
你會感到ham既油份加拖羅既鮮味慢慢在口腔中留戀,絕對推介!!!


再要介紹就係這款
Slow Cooked Iberico Lardo Infused Oysters ($88/隻)
對於我呢啲揀飲擇食既人黎講
食蠔真係唔係我最歡喜,因為我總是認為它的質感很奇怪
就是不太喜歡這樣的海鮮,質感滑滑的吃下去又不知怎樣的


不過吃這個蠔後,令我又真係對蠔又有一點改觀
今次這個蠔同樣以Slow cook既方式去煮
所以同樣吃下去是暖暖的,不過就會吃下仍是滑滑的
最重要就是它的creamy 既汁mix埋一齊
吃得到蠔既鮮味,又吃到忌廉既味道
加上蠔上面有一點蕃薯乾
那個口感很不錯,連我不愛蠔也想來多一客


食左幾樣前菜開始來一點主菜先,今次這款是
Kurobuta Pork Belly

這一款菜式是以青蘋果加上豬柳作為主角
再配以一盤的蔬菜盤,中間的醬汁是有一點辣的
朋友說點上後十分惹味可以試一下


吃下既方式有一點像泰式既生菜包
我將生菜連同豬柳加上紅蘋果一同吃
就會感到有蘋果既甜,豬柳的咸加上生菜既爽
絕對多重味道在口中,相對下就比之前的食品有一點失色


有朋友很喜歡吃魚,今次就特意為他點選了
這一次就叫了這款的" Spiced Hama Kama (辣燒油甘魚)" $148
雖然名字是油甘魚,我地吃落又一點像餃魚

開頭被它的辣字嚇親不敢多吃,實際上魚肉很滑的
最重要唔多骨,喜歡吃魚的我非常之滿意


由於我地實在太大食啦,所以單單以上的食物絕對未必滿足到我地
今次就叫左兩款既麵食作為最終既食物

首先要介紹既就係呢款
Uni & Quinoa Pasta (海膽藜麥寬條麵)$188

說真的我對於海膽係絕對沒有喜歡之心
因為我覺得它不好吃之如又係苦又係唔知咩質感咁
但係今次食左呢個意粉之後....我發覺只係之前食既好差既質數既海膽而己
今次它除左主要係有海膽之如,當中既藜麥都係一樣好健康既食品
那種Creamy 味總是吸引得太棒了!!!


相比下這一款"袖珍菇黑松露蛋意粉" $128
Shimeji & Quinoa w/ Black Truffle Egg Pasta 
反而比起上面的那款失色一點
也許它太像我們中式的炒烏冬的感覺,味道也很像
加上黑松露有一點咸,不過那個蛋混在麵條上卻有一點點的濕度
如果喜歡味道濃的朋友可以考慮唷!!


最後嗎,晚餐怎可能是沒有甜品的呢?
這夜大廚為了我們弄了這個美美美美爆的甜品
Strawberry Gasm 
(1-3pax: $178, 4-5pax: $248)

這一個甜品簡單是一個藝術品一樣,我相信菜式的樣子美
也可以令吃的人更想吃得更多,所以這一款我飽得緊要
也可以將它們全部吃光光,當中甜品主要是士多啤梨
當中利用了新鮮既士多啤梨去弄了雪芭及Yogurt
而Yogurt當中也有加上咖啡酒,吃下不單只是有士多啤梨也是咖啡的香
而這碟菜式也有令女生美美的食品就是那個杞子呢
這款式美食我想沒有人能抗拒呢~


這夜滿意極點的Fusion 菜,價錢對於我們而言
不算太過貴,而且坐得蠻滿意,值得同最親愛既家人來慶祝生辰
或者同朋友好似我地咁樣黎一次聚會等等
也是一個不錯的選擇,加上它家可以按閣下既需要/預算去定立今次既晚餐
而我地今次就係按我朋友定下的預算去設計是夜晚餐,
也吃得十分滋味開心呢!!!

不過要說的就位置比較唔就腳,如果來開飲酒又想吃下野
可以一試這間餐廳,值得一試唷!!

餐廳地址:中環伊利近街28號1樓

希望你地都喜歡小妹既介紹啦
想隨時留意小妹既Blog 既動態及生活點滴
記得要Like 我既專頁啦
↓↓↓

◕‿◕如有任何問題歡迎聯絡小妹

電郵:manman811@gmail.com

以下地方可以找到小妹架^^








































沒有留言:

張貼留言

【Hugo成長日記】玩到身水身汗唔洗驚 ◕‿◕居家旅行一枝攪掂曬♪゚

如果對於一位新手媽媽而言,需要準備的東西很多很多 如衫仔,尿片,沖涼盤,紗巾,濕紙巾,棉花~ 講都講唔曬,數極都數唔完 但一定有人會話記得要買比Baby 沖涼既東西 對於初生既BB,小妹一定會同新手媽媽唔洗咁快用呢D 我gogo 都一路以來係清水沖涼/豪用人...