2014年12月12日 星期五

【食。元朗】。☆ 意想不到的驚喜 ❤ 帶你尋找小皇子的味道。★。

元朗是一個搵食既好地方,拿拿拿~~唔好諗第二度

我真係想講美食,好味既野食~~
之前我只會懂得去吃串燒,上海的東西?
早前也曾介紹過甜品店?
今次小妹想帶大家去食既通通都唔係以上既食品而係去食西餐

或者你會話唔好玩啦,西餐度度都有得食架啦
咪又一個Set 有湯有包,有塊扒同餐飲
沒錯,小妹都自己跟家人吃過不少的西餐廳
好吃不好吃的也試盡不少,但係大多都係好吃的
慢慢變多人了,那塊扒就完全比梳打粉"那"過的狀態

那就不是一件正式的牛扒對嗎?也算是曾加工過啦?
不過早前吃貨妹妹就帶我去食呢間佢話真心好好食既西餐廳
等小妹同大家分享下佢又係唔係真係咁好食先?

而這個西餐廳就是位於元朗的
Little Prince Restaurant (小皇子餐廳)


進入餐廳後,店員給予我們的水杯
然後我就看看那個餐牌,心在想價錢又不是特別平
d 野食又唔係特別,最多係講個汁者,可能真係唔錯既


而我就揀了那個F 餐,妹妹說要散叫一個西冷牛扒餐
今次妹妹想吃好一點就把餐湯加上$28 轉換為
這個酥皮龍蝦湯 (原價$42/客)

佢個酥皮焗得好靚,一把它打破後看到那濃濃的龍蝦香味湧現
連同酥皮加湯品一齊飲用,妹妹就認為味道可以
但我自己就覺得咸了一點,就看看你接受的程度是如何囉


然後我們也點了一客沙津來吃的,這個是
煙鴨胸合桃田園沙津 $48/客

這個沙津最令小妹吸晴的就是那個合桃,味道很棒,又很爽口的
沙津菜吃下去的確是爽爽的,不是平時有一點淋淋的
所以我對這個沙津蠻滿意,不喜歡煙鴨胸的也有三文魚可供選擇


吃過了湯品,吃過了沙津當然也不了要吃上主菜嗎
今次我們分別叫三個主食,包括有這個
紐西蘭特級羊架配芥末汁 $138 

我想未知每個人也喜歡吃羊,也許是因為它的羶味
但係小妹愛吃羊架的,但係也未必能接受太重的羶味
但係今次這個羊架,由它的肉質而說,嫩滑又多汁
最重要係食落冇咩羶味同埋仲係一啖一啖食得到
唔洗狂咬先可以食到個羊架,真的推介~~

最要說的就是太細件的嗎,真係有d 到喉唔到肺既感覺
如果可以大件多一點點就更好啦


然後就是妹妹叫的
美國特級西冷配松露汁 $168/客


當它一來到的時候,心在想"除左佢燒得有一點靚之外"
真心唔覺得有咩咁特別有咩咁好食?
切出來的時候更加覺得是說好的五成呢?
好似變成了七成的牛扒呢~~~

雖然我講到咁差既問題,但係一吃下去我就真的停不了
因為它的肉汁非常之好味,真的是一件沒有利用梳打粉"拿"的牛扒
那個牛的嫩滑加上鮮甜味,將剛剛認為的Over Cook 完全忘記了

最重要我很喜歡的那個汁,它是松露汁!!!
必試之選,非常有松露的香味~十分香連同牛扒一齊食的時候
更加吸引,如果它是五成熟的牛扒就更完美了


然後就是我們叫的那個F 餐
就是【美國肉眼扒配紅酒汁】 $168/客

對比西冷扒,它同樣出色完全夠哂大塊
不過都係OVER COOK 左,同樣是叫五成同樣都係煮左七成出黎XD
也許是先吃過了羊架,西冷最後才吃它
感覺上這個肉眼反而比起西冷有一點差DD 

但係同樣很吸引的味道,當中的紅酒汁很濃很香
有一點酸味道加上牛扒又是一道很美味的菜式


吃過主食後,我們就點了一些餐飲
平時大家也會叫一些咖啡奶茶檸茶/水等等飲品對嗎?
今次我地反傳統來一個西式Hight Tea 
這夜我叫了一客的英式紅茶,那個名字很特別的
但是我把它忘記了!! 但係當大家以為叫這些茶是需另叫?
或者是很貴的時候? 我想大家也錯了!!
因為我加了一個這個茶 只需要加$8 就可以囉
仲可以幫你加加水,扮下小貴婦也可以呢


由於想扮下貴婦又順道點多一個甜品作最後的終結吧(誤)
我們今次點了一客心太軟,由於剛剛真的吃得蠻飽
所以只點上一客我們兩個一同吃吧
心太軟 $38/客 


這個心太軟朱古力的部份做得不錯,起碼不是那一種甜得要死的
我最怕吃心太軟的那個甜味呀,甜到自己有一點不能接受的感覺
但係它這個應該用上起碼75%黑朱古力
所以我吃下去覺得很不錯,不會太甜也不會太苦的
唯一要說的就是那個流心吧~~也許焗得太熟了
所以它的流心不算太多耶~
如果可以流多一點點就更不錯了!!


果然我的吃貨妹妹沒介紹錯,這裡的牛扒的確很棒
最重要係高級既質素,中低既價錢就可以吃到
也許它在元朗的關係,,如果在九龍香港區想也別想好了

這個餐廳我絕對會帶我的家人來再試一次再吃不同的食品
加上這店的員工態度也很不錯,如果下次再吃不會Over Cook 就更優勝啦
想想跟我家男人來吃個聖誕大餐也不錯的呢!!!
下次試一些不是牛扒的食品再出品介紹^^

這裡是元朗鳳攸南街3號好順景大廈地下3號舖
(於元朗廣場往雞地方向行約10-15mins 會到達)

希望你地都喜歡小妹既介紹啦
想隨時留意小妹既Blog 既動態及生活點滴
記得要Like 我既專頁啦
↓↓↓

◕‿◕如有任何問題歡迎聯絡小妹

電郵:manman811@gmail.com

以下地方可以找到小妹架^^




















沒有留言:

張貼留言

【食 ❤ 荃灣】我們仨‧周年紀念◕‿◕唔想諗‧吃放題 ♪゚

1109 是我最重視既日子,它不是我的生日 也不是先生同gogo 既生日 而它是我們的結婚紀念日,轉眼間已經搭入第四年 由二人行直到上年既三人行開始 或者我可以唔重視我地既生日,但係紀念日我認為點都要食好d 本身一路好想去去酒店食自助餐,因為頭三年都...