2015年6月4日 星期四

【HoneyMoon2015】凍凍地既大阪之旅 の Day 1 前言+機場篇 ◕‿◕

近來在小妹的FB 中出現最多的旅行相片,
出現最多的國家就是日本,也許是日元的跌勢太強
但係不少為何,我身邊的朋友總是到日本的大阪
而小妹同樣嗎,也不客氣我早在一月尾的時候
已經去了這個大阪之旅,這一次也是小妹的後補後補的HoneyMoon
或者有人話嘩….你而家先去?你都好似嫁左好多年啦啵
連我自己都唔敢同人地講自己今次去係HoneyMoon

亦因為去日本一路以來都係小妹好恨好恨去既國家
由當初跟我家男人拍拖已經說過很想去一次
但係要知道之前的日元是多麼的貴,直到2011年更加不可能再想
而近年的跌價也經過家人的批准下,這一次的大阪之旅終於成行了!!

當時我大約預了日期給自己同男人去公司拎假,
一知道大家可以去放假後就已經即刻去旅行社買Package
亦由於小妹在之前從沒有搭足過日本的國土,那一間酒店好
那一間的航機會較平一點,我實在不知道
幸好的就是在網絡上,朋友的介紹下~
最終我也在東瀛遊買了一套小妹認為都蠻抵玩既套票

而我就打算玩盡五天的日子,所以就決意搭上零晨機
也絕對是第一次的搭上,不過如果下次決意再去日本的話
我也應該會情願蝕一點,坐早機出發了
而我選搭的日本的樂桃(Peach)航班,不過好景不常原先在01:15 出發的航班
01:25 才開始上機,而當時既我已經眼訓到不得之了
再加上Peach 的坐位真的真的很窄xdd

也算是幸好,我坐的是廉航客機
它沒有任何的小食及飛機餐,我可以一上機就訓到落機
雖然訓到真的是很辛苦的….要平的旅行就是需要付出代價的

而我家男人就沒有我的幸運,可以在機上完全訓到
因為它被後面的人不斷弄他的位子,一下機他已經瘋狂地發脾氣
經過了過關,拎埋行李,出到去搭巴士到另一個客運大樓準備到大阪囉!!

到達大阪的第一張照片,也是剛剛天光的大阪天空
這時真係又攰又凍又眼訓呢


由於我們是坐樂桃機的關係,我地是需要拎住行李由二號機運大樓
搭上接駁巴士再去一號機運大樓搭好似香港既機場快線咁去難波站
好彩就係我地係香港一早買定左車飛,只係去到車站問下人邊個換飛
就可以揀時間上火車囉!!!


去到車站好彩就係唔洗等好耐就可以上車
我真係唔明點解日本既地方真係可以咁乾淨咁舒服
係開車前既15mins 就可以入去同擺底行李啦


不過由於我地兩個真係好攰,加上架火車又暖又舒服
開車冇耐我已經完完全全訓死了......


經過約一小時左右既車程,我地就黎到大阪既難波站
其實真係唔洗我特別講呢個站,就好似我地香港既中環/香港站咁
落左車最重要都係黎呢個中心度買番d 2/3days pass 
係日本搭車真心好貴好貴好貴,一個站都500yens 架啦


咁前言呢篇文就暫時去到呢度先,下一篇就介紹我既平價酒店房
雖然它房仔細細又估唔到都幾好住,雖然唔係市中心
但係行一陣都可以去到其他地方!!

下一站酒店篇!!
我們的大阪心齋橋 Comfort Hotel 


其實呢個遊記由唔知幾時我已經開始打緊,打打下又停左
唔係趕緊其他文章,就係唔想開工打文,
今次都係迫自己出番先,唔係我去完第二個旅行都未完成到啦!!
文章不日再分享!!! 

希望你地都喜歡小妹既介紹啦
想隨時留意小妹既Blog 既動態及生活點滴
記得要Like 我既專頁啦
↓↓↓

◕‿◕如有任何問題歡迎聯絡小妹

電郵:manman811@gmail.com

以下地方可以找到小妹架^^

【HoneyMoon2015】凍凍地既大阪之旅 













沒有留言:

張貼留言

【食 ❤ 屯門】時光可變,世界可變 ♬惹味的泰海鮮不變 ✿

事隔一年,我地又重遊舊地 上年朋友來我家探Gogo ,而今次他們再見小孩已長大了 今次朋友打算入來黃金玩一陣,順道想見過面 可惜天氣有點反常,最後決定來個海鮮宴作罷好了 今次再來一次泰海鮮,因為近來該商場也轉了不少餐廳 留得到的餐廳真的不多,想吃海鮮也只...