2015年6月11日 星期四

【HoneyMoon2015】凍凍地既大阪之旅 の Day1 初到大阪周圍走

上回文章講到其實我去到難波站係要再搭地鐵去心齋橋
先可以去到我地既酒店,本身我睇過好多既朋友既Share 
都話其實由難波行過去都係約15-20mins 
但係搭一個站,一個人分分鐘就$20/程
亦有朋友話第一次去,的士錢就真係唔好慳
雖然係日本搭的士真心好貴,而你唔知點解會貴成咁...

最後我地決定都係由難波行過去酒店,幸好早前我都係做足功課都睇哂地圖
跟住地圖去行,唔洗30mins 就去到呢間酒店啦!!!
不過都要留意一下,日本既酒店Check in 時間係3:00pm 
所以我地係先搵左酒店係邊再放底左d 行李係酒店就出發去搵野食啦



我男人已經餓到一到點咁,擺底哂d 重野就走番去大家都話要必食既黑門市場啦
由番我地酒店去番個度其實都係約10mins 路程,真係好鬼方便架!



走進黑門市場,先走一個小圈子
雖然內裡是有著不少的日本婦女在購物,
但係身邊的更多就是香港,台灣及內地人仕
正當周圍看看身邊有什麼東西可以吃一下的時候
就發現大家也在這間購買這個扇貝
分別價錢是600/700yen 為一串!!


男人就各自買了一串來試試分別,說真的它不是特別的好吃
只是它燒得比較香一點,當大家都在看看的時候就去買囉
而差100yen就是差它的大小了,這樣兩串已吃HKD $85 
都唔知食左D 咩落肚真係=口=


兩串既扇貝真係唔知夠邊個度飽
行行下見到呢間鋪頭有個人狂招呼,就一於入去試下食啦
呢間主要係食燒餅小丸子炒麵等等食物既


去日本怎可能不吃它的小丸子,不過唔講唔知
其實日本既小丸子入面係唔會全熟架!!
所以絕對同香港既有一點唔同,但係我都係鐘意食香港既口味多D
同埋唔知點解日本咁凍既天氣都係比冰水你囉


然後輪到燒餅啦,燒餅就係先揀好你想食既材料
然後它就會先給予一塊你要既材料既燒餅你啦
之後就係你個上面不斷加入不同既材料
就好似沙津醬,燒汁最後當然少不了它們的木魚啦


弄好後,店員就指可以再熱多一陣就可以吃用架啦
又有得玩又有得食,最重要可以坐下等個人冇咁攰呀嗎!!


當天我地係揀左海老(蝦)為主要材料,
雖然睇落唔係好吸引但係係凍冰冰既天氣下呢個係好好食架!!


單單幾樣野又點夠我男人飽肚呀.
行下行下佢又見到呢間專賣壽司既店鋪,
睇落冇咩特別,但係估唔到有估唔到特別之處


就是呢個真心入口即溶,仲要勁多勁多既油
同香港食過既絕對冇可能比,真心好好味!!
係我地兩個係度食之際,就開始多人黎呢間店度食呢個超爆好味既拖羅啦


見行到咁上下,就番去酒店睇下可唔可以比我Check IN 啦
好彩都可以早D 上去睇下坐下HEA 下
本身原意真係好心訓一陣再出去,但係男人話我
係你自己話要玩足5日架嗎,擺底D 野就好行啦....

咁就簡單地介紹下間房啦,雖然我自己一早睇定遊記知道
日本既酒店真的好細,但係雖然細又幾岩位置,起碼我化妝都冇問題
仲可以擺到我地兩個大GIP Tim,當然唔係可以平放啦xd


而我地張床亦估唔到房仔細細,張床都好夠大之如仲好舒服
最重要係要暖氣,真係可以熱到著Tee 係間房度周圍走tim 


不過最唔鐘意就係個廁所,一來佢個廁所要專登上一格
所以夜晚去廁所唔留意都真係幾危險
同埋洗手盆特別矮,我洗過面都好辛苦,次次都要坐係個浴缸度洗面XD


本身夜機去日本真的好攰好攰,好想你酒店入面訓一陣先出去食野
點知我男人又話你要揀夜機去日本就要付出代價
拖住疲倦身駒,我男人又話食野啦!! 
今次我揀左旅遊書話係道頓堀必食既拉麵---金龍拉麵


點了一碗,是否真的很特別小妹就覺得還可以吧
是很夠熱的,在天冷的時候絕對好吃的!
但是真的沒什麼特別呢


拎住旅遊書,本身好想食一間我上網睇大家都話好好食既蛋蛋飯
最後搵左好耐,我地又攰又餓,
加上男人真係開始想發脾氣,我地就隨便找了一間小店吃一下
它的名字叫【心齋橋食堂】


食飽飽最後就回酒店休息休息,在回酒店既期間就一定會經過這間
在旅行書都有大力推薦的,加上它的香氣真的很吸引
所以我地決意買一個回酒店試一下吧



對於它,我倆都認為它的賣相跟香氣是不錯的
但係它絕對不是旅行書介紹的那麼好吧,
是有濃濃的芝士香,卻質感沒有那麼的好吃
我想它不是我杯茶吧!!! 


第一天實在太攰了,太需要休息
經過那麼一日我們九點回到酒店,十一點已經訓死了
明天就精精神神出發到去第二度去玩啦!!

希望你地都喜歡小妹既介紹啦
想隨時留意小妹既Blog 既動態及生活點滴
記得要Like 我既專頁啦
↓↓↓

◕‿◕如有任何問題歡迎聯絡小妹

電郵:manman811@gmail.com

以下地方可以找到小妹架^^

【HoneyMoon2015】凍凍地既大阪之旅 















沒有留言:

張貼留言

【食 ❤ 屯門】時光可變,世界可變 ♬惹味的泰海鮮不變 ✿

事隔一年,我地又重遊舊地 上年朋友來我家探Gogo ,而今次他們再見小孩已長大了 今次朋友打算入來黃金玩一陣,順道想見過面 可惜天氣有點反常,最後決定來個海鮮宴作罷好了 今次再來一次泰海鮮,因為近來該商場也轉了不少餐廳 留得到的餐廳真的不多,想吃海鮮也只...