2015年9月20日 星期日

【保養】。★ 去死皮。深層清潔。控油 ❤ SOS 急救肌膚我有煥膚粉 。★。

夏天油脂分泌特別多,由其朝早一起身同埋放工番到屋企個個臉
真係睇見自己都要即刻洗洗面先可以呀,
加上臉部一多油的時候就好易好易生d 黑頭粉刺,
久而久之就會爆出粒大暗倉出黎架啦

今次小妹就好想介紹一款我自己本身好喜歡既
天然品牌Fresh Line
它家最有名的當然就是它的沖洗式面膜同香皂啦
 不過今次我想介紹的不是這些,而係可以幫助係
去除死皮及深層清潔毛孔,
有調節油脂分泌及消炎抗敏功效

究竟係乜東東? 
其實就係它家最新推出的SOS急救煥膚粉 
SOS淨肌爽膚水 

首先就介紹一下這個SOS急救煥膚粉 $169/50 ml
每一盒既煥膚粉入面都會有SOS急救煥膚粉+
刻度杯1個+攪拌棒1個 


當中既主要成份包含了茶樹油、紫錐菊、亞麻子油、大蒜、柳蘭、
檸檬、桉樹油、楝樹油、百果香油、綠泥、玉米粉、燕麥粉、燕麥糊
同樣既功效就好似它家本身既深層清潔面膜差不多
但係今次它家主要加入了燕麥成份,就可以幫助
深層清潔毛孔,祛除死皮,調節油脂分泌,消炎抗敏
最重要都係佢性質比較溫和,所以唔怕按摩既時候傷到皮膚


使用既方法亦都好簡單,
首先就將煥膚粉倒左約5ml 既份量係刻度杯入面
然後就可以加入5ml 左右既水/爽膚水 
前後大約10ml 既份量就可以準備敷上呢個面膜啦

不過記得要攪勻佢先,但係由於係用室溫水/爽膚水係凍既
所以攪勻既時候有機會攪唔勻,加上杯仔細細好易倒瀉架




利用了攪拌棒/手部慢慢塗在臉部(避開眼部)

靜待5mins ,就可以慢慢畫圈按摩,最後就可以洗乾淨架啦
最重要就係拎當中既麥片去按摩比較多角質既地方就可以
由其鼻仔邊邊收收埋唔少死皮架,所以更加可以按摩多次幾tim


洗完面仔之後就會發覺鼻上面既黑頭粉刺會走左出黎比你say Hi!
小妹就覺得盡量唔好再走去吱佢啦,
反而可以用眉夾夾佢出黎,或者就輕力一點抓它出黎

然後就盡快地搽左呢一枝SOS 淨肌爽膚水啦
主要成份有 紫錐菊、茶樹油、亞麻子油和桉樹


我覺得呢枝爽膚水,最大問題係樽口太大
就好似我在倒落煥膚粉處都倒瀉不少(好心痛...)
不過它的確可以舒緩同清炎既效果
起碼我粒暗倉都可以消消地啦,
所以我而家轉左係一枝噴噴樽度用,咁就唔會哂啦


今次要分享既產品絕對同平時Fresh Line 本身擁有既Mask 不相同
之前小妹都有買過它家既Mask 仲要做埋會員,Keep 住兩個月都要買一次
但係始終佢既Mask 係清洗式既面膜,次次都要雪住佢,
始終而家係人地屋企,唔可以好似之前咁用雪櫃
所以今次呢款深層清潔面膜,就同之前既有所不同

首先它是粉庄只是溝水就可以搽上肌膚上面
又唔洗雪落雪櫃.最重要都係佢洗面又好似洗完面咁爽
絕對唔同平時既深層清潔面膜咁乾咁扯tim
雖然價錢上唔係同平時既面膜咁,但係起碼佢既使用期限都會耐少少


唔知大家喜唔喜歡它家既產品,我喜歡它的天然
最重要冇咩特別既化學成份係產品入品
真係咩既人都可以使用唷,所以點解我會咁喜歡?

如大家都有興趣去購買既話,就可以到以下既地方購買啦
包括有尖沙咀既美麗華,尖沙咀地鐵站同埋銅鑼灣既世貿
不過我自己就比較喜歡美麗華既Sales,
你地行開都可以入去問下究竟又岩唔岩你既心水

除左今次介紹既產品,Fresh Line 其實仲有好多唔同既產品
你地都可以去它家既網站查詢一下,由其它家既洗面皂都係一件好受歡迎架

希望你也喜歡小妹今次的介紹
**以上內容亦只是個人意見,不代表所有人的意見**
想隨時留意小妹既Blog 既動態及生活點滴
記得要Like 我既專頁啦
↓↓↓

◕‿◕如有任何問題歡迎聯絡小妹

電郵:manman811@gmail.com

以下地方可以找到小妹架^^







沒有留言:

張貼留言

【保養】想美白又怕會敏感 ◕‿◕ 肌美精低敏高效/透亮保濕面膜 ♪゚

面膜我想每一個女生家中必備之物 係我自己既櫃入面起碼有超過30塊面膜或以上 但係知道做左媽媽真係未必咁多時間去敷 敷親都係急救成份為主要, 不過PQ 開始大個仔,生活作時穩定左 而我亦開始做番適當既護膚時間 而最近我就試緊呢一款來自日本品牌肌美精 ...