2015年11月2日 星期一

【 我的懷孕日記❤】我最煎熬的十月份 ♬ 地中海貧血 (12w2) ✿

以為見完醫生,決定左做入侵性既抽絨毛
就以為驚險既問題已經解決完成
因為同一星期,我已經忍唔住問左港安我既T21 報告問題
也許是上天既保佑,整個Report 都証明左BB 係冇唐仕問題,
一切都好正常,所以本身喊得要死既一星期開始變得放鬆

點知就係同一星期收完T21 的報告電話後,
又再收到醫院的電話查詢有關我跟先生既鄉下戶籍,
心知不妙,即時追問是否我先生也是有地中海貧血?
當時電話的另一方就是醫院的文員小姐,佢就支吾以對,更加令小妹擔心
最後留下電話等待姑娘再一次既致電通知

其實都有心理準備,知道又是不好的事
最後等到姑娘再次通知就指我跟男人都是
地中海貧血甲型
需要我下星期一先來見一下醫生,
看看bb 的情況會否有特徵看看是否有地貧b 既問題
又一次在天堂跌落地獄的感覺,經過難受既周未

去到星期一,當天去到醫院,真的有一點像去被審判的感覺
當聽到自己的名字就麻目地走入去說好的房間
訓上床上,今次我沒有再哭了
再一次好好看看我的寶貝,但係今次醫生可能是要看有關地貧的特徵,
就不斷放大某部位,而小妹都不知她在看什麼的位置
幸好的就是當天看的就沒有什麼的明顯特徵,

另外我就付上了T21 的報告給予醫生看了,
她指如果我是沒有地貧的問題,
其實就真的不需要做上這個抽絨毛的部份,但係現在有兩個方案
一個就是如期地做上抽絨毛,就可以盡快知道bb會否有重型的問題
一係就一路超聲波,直到約20W 的時候
一路Mon 住究竟會否有心臟發大,身體發脹,胎盤發大等等問題,這個是最低既危險性,
但係就係你愈遲知道,你放棄佢既心理同生理都會有不同既影響

最後我仍是決定要博一博這一個1% 流產既風險,決定要做上這個抽絨毛,
我情願一早知道不想跟他相處愈耐才需要放棄他/

簡單地跟大家說明一究竟什麼是地中海貧血
其實地中海貧血原是遺傳問題,多數是父母的其中一方擁有地貧既基因。
而地貧都分別有甲型同乙型,而甲型的BB 如果是重型的話,正路是身體會有很多的缺憾,即使比到bb 出到世,佢都未必生存到
可以說甲型就是比較嚴重,亦是算是嚴重中比較幸運
主要原因,受傷害的是父母,而不是小孩本身
也不需要出世得到痛苦

而乙型我地貧就是出世後才知道自己是否重型,
而乙型重型的小孩,就需要每個月好似要到醫院換血
加上食藥,打針等等,雖然是可以成功沒事但是不擔保他.她身心是怎樣
藝人C 君就是一個很好的乙型例子
就是這樣.....在第二天我又再進入醫院了....

**以上既資料都是小妹在網上找到的,如有錯誤,敬請原諒**

想隨時留意小妹既Blog 既動態及生活點滴
記得要Like 我既專頁啦
↓↓↓

◕‿◕如有任何問題歡迎聯絡小妹

電郵:manman811@gmail.com

以下地方可以找到小妹架^^

3 則留言:

  1. 你係呢段時間都唔好唔開心呀..bb都會知..

    加油!!無事的...

    回覆刪除
    回覆
    1. 經過一次既唐仕,我想我將畢生既眼淚已經喊得乾乾了
      再加多一次地貧既問題,我開始同自己講阿b 唔會有事,都唔會再喊了
      所以而家我都會阿B 講唔會有事,希望佢真係可以過埋最後一關~

      刪除

【食 ❤ 屯門】時光可變,世界可變 ♬惹味的泰海鮮不變 ✿

事隔一年,我地又重遊舊地 上年朋友來我家探Gogo ,而今次他們再見小孩已長大了 今次朋友打算入來黃金玩一陣,順道想見過面 可惜天氣有點反常,最後決定來個海鮮宴作罷好了 今次再來一次泰海鮮,因為近來該商場也轉了不少餐廳 留得到的餐廳真的不多,想吃海鮮也只...