【護髮】♬ 珍貴既山茶花 ❤ 日本最大熱的大島樁美髮油 ♪゚

 對於頭髮,我最著重的時間,也許就是小妹大婚的日子
自從大婚日之後頭髮就好像沒有太好過,
小妹就有一點不太捨得是一次過把頭髮剪短,
一次過剪短3'' 也是小妹的極限,所以髮尾的受傷位置仍是很差的
如果有時朝早洗左頭趕唔切落埋護膚素,之後梳頭個陣就真心痛苦啦
有時仲要比屋企既人怨我點解可以成日甩咁頭髮
其實好想話唔係我想甩,而係我太乾啦D 頭髮真係
但係由於而家唔敢亂去焗油既關係,唯有用上髮尾油啦

不過髮尾油就有一點好處同時亦有壞處,對於小妹黎講呀
因為髮尾油有時對我的頭髮髮尾絕對有幫助順滑方面
但係由於我既頭油比較多,真係有時兩日未洗頭已經成個淋到呢
如果我今日用上左護髮油,聽日未洗既話
我朝早個頭就會超淋架啦,淋到好似我淋完雨一樣咁濟tim 

而今次我就好想分享一款係日本好有名既護髮油
之前係去日本旅行,都已經有朋友叫我幫手買架啦
估唔到自己買唔到,反而今次就要同大家share 下啦
它就是日本大島樁山茶花修護美髮油  $108/60ml 


山茶花係好多既護膚品都有用上它,由其一個好有名既品牌都係
以呢種花用作做埋公司既Logo tim,
而係古代既日本仲視呢一種係植物既精靈tim


而這個品牌「大島椿」其實已經係1982 前已經創立
年前創立品牌,並以山茶花作為原材料,生產其皇牌「山茶花修護美髮油」;
產品於昭和時代發售到而家tim , 而每一枝既美髮油
都會有一個"樁" 字既Logo 作為一個標準
所以大家要認真留意唷!!!


每一棵既山茶花樹只可以做到10枝60ml 既山茶花修護美髮油  
而每一枝60ml 既山茶花修護美髮油   都已經要用左180粒種子
真係覺得好珍貴既產品黎架~
而每一滴既美髮油都唔會淋痴痴反而有d 清爽,
最重要係平時搽完d護髮油係頭髮,之後隻手都係淋痴痴
但係呢呢一款反而唔洗洗手,都覺得仲係爽爽的狀態


每次洗完頭之後,我的頭髮必定是蓬鬆亂同埋唔知想點咁樣
之前我必定會先利用我把負利子梳,梳番順個頭
但係而家身體不適宜亂用有電梳既東西
就暫時不斷地梳,梳到可以貼番一點點啦


但係只要用上約3-4滴既份量(通常我是先兩滴)
在一邊的頭髮搽上美髮油,唔夠才再加上兩滴放在另一邊
當然的是我的是中長髮.如果我當天沒有使用上護髮素
就可能就要使用多一點囉!!
可以看到用上之後其實即時變得順服tim
最重要就是比較清爽的,絕對唔會淋痴痴咁既效果tim


 其實今次要介紹既呢一枝山茶花修護美髮油
其實唔止係一枝護髮油咁簡單,仲係一枝焗油既產品黎tim
不過今次就會用左約大半枝既份量,
就等我同大家分享下兩種既特別修護既方式啦
係沖涼之前首先要準備一條熱熱既毛巾,
我覺得可以準備一條用熱水浸過既毛巾
把美髮油搽在頭髮上然後就可以把毛巾包住它們約15-20mins ,
先以清水清洗後再用洗頭水清洗,頭髮就會即時變得軟熟順滑
最重要就係有陣陣既山茶花香

 又或者是頭皮護理,從來髮尾油都係只會搽係頭髮上面
但係其實今次介紹既呢枝美髮油仲可以搽埋落頭皮tim 
同樣都係係洗頭前/沖涼前既30mins 左右
首先就搽上約半枝(約30滴)既份量
輕輕地按摩頭皮,按摩約5mins 左右
然後就可以清洗一下,再用洗頭水洗既時候
就可以預防左頭髮既損傷仲可以防止靜電同埋毛噪tim

最重要都係頭皮可以清除d 油份同埋污垢tim
加上如果你d 頭髮仲會更加突出架d 顏色

如果大家都想擁有一枝令頭髮可以變得不同既小法寶
就可以係以下既地方選購架,包括有
City'super、Log-on、屈臣氏及千色店


希望你地都喜歡我今次既介紹啦
**以上內容亦只是個人意見,不代表所有人的意見**
想隨時留意小妹既Blog 既動態及生活點滴
記得要Like 我既專頁啦
↓↓↓

◕‿◕如有任何問題歡迎聯絡小妹

電郵:manman811@gmail.com

以下地方可以找到小妹架^^









留言

熱門文章