【生活】♬襯新年前夕換新傢俬❤ 到Home 21搵到心水梳化♪゚



咁早兩日帶左gogo入左元朗賀朋友新居入伙
順道打算同佢行下傢俬鋪比佢揀下入伙禮物
其實早前已經同佢過IKXX 但係又睇唔岩
今次就同佢行下呢間Home 21睇下有冇梳化岩佢咩心水

其實Home 21,係全港都幾多分店下
而元朗呢間分別係我地拍緊拖個陣都有睇過架
總係想為自己將來既地方打扮一下嗎
咁樓高有三層既Home 21 分開左地下,一至三樓
地下就主要係擺設類產品,朋友主打想睇客廳類
因為床品,廁所,廚房都唔洗點大買
而一樓就主要係有客廳用既產品,其實我都有少許想換張餐枱
所以都有望下,不過朋友就建議Gogo 仲好細
始於埋枱食飯有玻璃既會危險,即使揀左張木既
但係重點又唔摺得,奶奶可能會唔太喜歡,阻定呀嗎


行左一陣朋友就係Home 21搵到心水既梳化
就係呢一張啦,
因為價錢都幾抵,只需要$2499
不過位置唔算太大,坐到兩個大人啦
但係岩番我地而家香港既環境啦


然後我地再上多一層,呢一層主要都係賣梳化
成層都係有不同價錢種類既梳化,
一上到去我就已經幾喜歡呢一張,不過只可以講
得個望字啦,因為佢實大太大張啦
首先佢張梳化背,可以調較上下,
有時想訓下又可以較番落去,想睇下電視/影又可以較番上黎
仲有一個可以以掠腳既位置真係爽爆的!


另外朋友仔就話睇見呢三張梳化覺得好心心眼
首先因為張梳化既顏色係靚既,紅色真係好Sharp
加上佢既皮好似係真皮類,唔會咁快爛


其實我成日都好想每日放左假番到屋企
就係咁坐係梳化發呆又好
玩電話又好,睇下電視都好
就係好想每日收工後就會咁坐係度
但現實係,我每日番到屋企就先擺式阿仔同D食材
然後又要同小朋友沖涼,再準備煮飯...
我D幻想....留番發夢個陣做吧啦


呢一張Home 21梳化一定介紹下,有時睇d電視劇呢咪見到老人家
好鐘意坐係d 安樂椅上面,而通常都係用滕做既
但係時代唔同,而家Home 21梳化都做到同樣既效果,
仲人舒服架,一坐上去就可以搖下搖下
比老人家坐下,抱住小朋友睇下電視都幾開心呀


最後就係三樓既床上用品啦,由於之前我地已經買左床肉啦
所以就普通地行下就算啦,行到好攰仲可以搭番Lift落番地下啦


即使好似我咁樣,有BB 車都可以去睇傢俬啦,
係要等Lift 煩左d者,係呢度睇都好舒服
重點係唔會有人成日好似鬼咁吊係你後面
當你有需要既時候叫一下佢地就會出現
仲會提供好貼心既建議,好似睇中左塊鏡都叫佢留意擺位

講起梳化又會建議邊一款易清潔,
我呢d有小朋友既就唔好揀布料啦
一唔小心倒瀉野野就真係哈哈哈哈啦
好似真皮既,係好貴但係清潔容易一點

最重要係佢地既保養期,都好長下
好似都一般係五年左右,
好似有些真皮既就可以有八年期咁長
所以有時貴係上黎,都係值既!

如果你又好似我咁想睇下傢俬
又唔想成日同人迫既話,都可以考慮下呢一間既Home 21


就這樣完結啦,下次再見!(拜~)
◕‿◕如有任何合作事宜.
歡迎以電郵或者到FB Page找我 ◕‿◕
謝謝唷!

Contact me:manman811@gmail.com







留言

熱門文章