夏日除左美白，保濕都唔可以忽視。來來用prodigy做急救◕‿◕

夏日個個都話要美白,其實大家唔講唔知,美白產品其實都會令皮膚好乾架~
我曾經試過因為一系列美白產品令個樣乾到頂唔順,即刻要查番d 保濕野先可以令番個面舒服番d
所以我揀d 美白產品都要有保濕成份先會去用,唔係我成個臉就會乾到癲左啦~~

今次我有機會去試用一隻我從未聽過既牌子"
prodigy " 其實佢係由一個天才瑞士皮膚科醫生開發架,
而且佢地多年來專門研發不同類型的皮膚產品以治療飽受困擾、長年乾燥、缺水、對所有含香料有嚴重敏感問題的皮膚。所以即使你係有敏感肌同如果你係乾性肌既~就真係超岩用佢地公司既產品呢~~

今次我試用左係
prodigy高效透明質酸保濕精華,究竟佢同平時我地用開既保濕精華又咩唔同呀?

雖然你睇佢樽仔細細但係佢用途多多呢,唔講唔知佢竟然可以有強勁既保濕效果!!!!!

或者你會話廣告實係咁講架啦,都唔知係唔係既?唔信我唔緊要,最重要大家睇睇下佢地既成份就知我真係冇呃你架啦
首先要講下佢地成份會有玻尿酸啦~我估好多人都知道其實玻尿酸係一個好補濕既成份之一,當然可以增加肌膚既含水量啦其實皮膚要飲水係重要~但係記住佢要都要鎖水先得架~ 好彩呢枝精華仲有膠原蛋白仲可以係肌膚表面形成防護膜,又可以Keep 住個面仔夠保濕~咁就唔洗擔心保濕完轉個頭就會冇哂水啦~

另外我覺得佢比一般保濕精華更優勝既原因,就係佢真係好夠水~~~
你可以望下~我左面隻手本身乾到好緊要...但係當查均之後變得好水呀~
最重要係好快吸收~~呢個對我黎講係好重要>w<

本身我有查係面既結果架~但係我成張卡既相唔見哂....我影唔切d 相出黎....
黎緊我會再試清楚~再加番d 相上黎啦~~
對我而言佢係好補水,係我皮膚上仲好快吸收~睇黎我真係好乾=口=
唔會太淋痴痴~又夠爽~唯獨一個大問題就係佢真係太貴啦
對於我呢D 又要慳錢又要護膚既麻煩人黎講...真係有D 負擔唔起~~
所以用埋手頭呢枝真係未必回購啦>.<
但係佢真係好好用架€