2013年3月18日 星期一

【香港製造】蝸牛終於爬到香港啦.。☆ 蝸牛極致全效修護滋養面霜 ◕‿◕

蝸牛產品你或者不會陌生~
當然大家當初接觸既時候會覺得不是嗎.....蝸牛的分秘物
『好肉酸呀!!』『點用得落面架~』『真係睇見都唔開胃』
以上既說話你有冇曾經說過呢?
不過
蝸牛雖然樣子不討人歡喜,但係它的提取液的確是有好多好多既好處

蝸牛產品第一個引進既國家都係由韓國研究出黎~
有陣時我都覺得之前人地話日本既人會好有頭腦,會有唔同既想法~
但係今時今日~我反而覺得韓國先係最Top 因為佢研製了不少市場上未有既產品

到左今日,唔單止韓國而家都做到蝸牛產品~~我地香港都有啦!!!
因為彩豐行近期都推出左一個以蝸牛做主打既【蝸牛極致全效修護系列】
今次小妹就一於試下呢枝
蝸牛極致全效修護滋養面霜】


唔好睇佢包裝簡簡單單咁,其實我覺得一件產品外表幾靚都好,
你入面d 野完全唔好用既話,我最多都係用黎做裝飾品~
係樽身既背面其實有清楚既貨No,第時即使唔記得個名或者你上網買呢個產品
只需要入番個Code no 就可以簡單咁買到啦~
另外亦有Exp Date ,去到2016/1/23 架~
不過開封既產品盡量係三個月內使用~唔係都係會變壞架~

另外佢地既設計都會比較貼心既,因為有個小膠塞架~
咁係第一次使用之前都唔會比空氣影響到產品既質素~
當然你都可以話車,佢運送之前都可能甩左架啦~
不過佢起碼叫做左先啦~係唔係先?
同埋佢個出口唔算太大,所以你每一次按既時間
係多與少就影響你泵左幾多出黎啦


由於今次先試左係手~所以份量就少少地啦XD
面霜係白色既乳霜~十分易推~
同時輕輕按摩就可以肌膚即時變得滋潤~


係時候~搽上面比大家望望啦
首先唔好意思~我今次就懶醒唔記得影左使用前~
不過使用之後就冇咩特別收毛孔個d,又話白左就未必睇到住
但係係冬天用既話應該好潤~但係而家呢d 潮濕天氣真係用完都好似就少少淋啦

來個小總結啦:
小妹雖然只係試用左5日時間
對於呢個面霜~只可以講係不過不失~
唔係好用到有驚喜,亦唔算係唔好之物~
小妹個人認為,呢枝產品會岩番d 乾性肌既朋友使用~
或者只係單單係夜晚使用~因為我用左第2朝都滿面油光~

不過你問我係唔係岩埋敏感肌既當然先到彩豐行先試一下先啦
滋潤度的確是不錯~可能潮濕天氣太重的天氣就先暫停一下
因為小妹用左之後都好快就出油~未知是缺水還是太潤吧

如果大家也有興趣試用一下蝸牛產品當然彩豐行是個入門之選
各位朋友們如有興趣購買的話,可到各間彩豐行選購~
每枝$145/50 ml~

希望你地喜歡今次既介紹~多謝支持!!!

想隨時留意小妹既Blog 既動態及生活點滴
記得要給我一個Like 啦!!!^^

◕‿◕如有任何問題歡迎聯絡小妹





沒有留言:

張貼留言

【護髮】♬洗頭水都有卸妝水成份 ❤ Rejoice 究竟玩邊科? ♪゚

平時即使唔化妝都要落妝,因為你搽左防曬 點都要用下落妝水幫手 唔係就會有d防曬Block 住d 毛孔 但係有冇諗過?其實頭髮都需要落妝呢? 老老實實說,而家出面既空氣污染真係好嚴重 真係日日都要洗頭咁濟, 但係做阿媽既我真係有時抽唔到時間去洗頭, 所...