2013年4月14日 星期日

【1109 大囍事】我的第一次Fitting @Charming Image

好耐都冇更新過關於我結婚d 野啦,係時候真係要出下先得啦
其實轉眼又得番7個月啦~但係我好似冇左動力去減肥~
不過其實我呢2個月入面係有做番d 關於結婚既野~~

就係揀衫啦!!!! 不過我比揀衫公司話我做咩咁遲先黎揀衫-口-
今次揀左d 衫都唔算係好岩心水,但係都Book 左先啦~
不如先睇下究竟我揀左咩Look?



由於我既身型,我唔係廋底。。。所以A-LIN 既裙真係著唔到~
大家都會睇到我係著D 傘裙類~今次我預算要有三套晚裝~
不如先睇下我既席前選擇先啦~~~

首先係紫色系既~其實左面呢我都覺得幾好睇...但係朋友們話唔得!!
右邊既紫色都好靚可惜唔岩我需要既Sharp 爆原則~~



之後也有粉紅系列啦~
第一條粉紅是朋友揀選的,雖然佢係廋,但係我覺得佢好似有一舊野係下擺咁
第二條粉紅色也是不錯的,那個V 型真的令我即刻廋左XDD
第三條黃色也是不錯~我曾經想將佢擺係送客架!!!一陣佢都會出現係黃色系
第四條既湖水綠既閃Bing Bing 裙,呢條好岩我Sharp 爆全場既定義,雖然它呢個款真係唔新,但係真係睇左咁款,暫時最合我要求既裙
所以我係揀左呢條做席前(暫定)
第五條~其實佢唔係襯白底呢,呢條裙就真係幾好睇.....可惜敗筆就係佢心口既白色



輪到我媽要求敬酒必要既紅色裙!!!!
開頭以為佢真係要鮮紅,點知而家佢又話其實桃紅也可以呀=口=
咁而家都有揀既,你地又估下我揀左邊一款~~~





最後當然不少得係送客既裙,本身諗住係可以係A-Lin 裙....點知睇左紅色既款就知自己揀唔到
但係最後我仍然揀左我一路最估唔到我著到既黃色!!!!
今次就揀左兩款黃色,我就決定好啦~你地又覺得邊一條襯我d 呢?
同埋上面個條黃黑色裙~~



當然不少得我最恨著到係身既拖尾婚沙,超長超長長到真係要拖尾xddd
黎啦~第一條!!!呢條我一上到去就比呢件婚沙吸引住啦~即係要試下先~
其實佢唔係好多花款,但係佢d 花花好靚,仲有d 閃石係心口~岩哂我需要既又係影相靚,又要出場正
最重要係佢尾D 通花真係好靚>w<



第二件係六幅婚沙,六裙指係用六塊布去做既婚沙,沒有太特別既花款,沒有太大既層次~
呢條裙仲係岩岩到步,我就係第一個試著既新娘子~
佢的確會係勁閃勁閃~如果入場就一定靚爆,但係因為我要求既註冊同進場,
所以暫未入到我既首選
同埋佢呢條裙係勁重....所以外景唔方便的



第三係我上年落訂個陣睇中既婚沙,但係而家睇番又覺得佢後面好肉酸....
同埋上年年中既,都唔係咩新款~我當然都唔揀佢啦
雖然我都覺得佢係唔錯既~~xdd



呢條就係Mix 既,因為佢有娟同埋紗~所以出黎效果特別d ,前面個花款真係唔錯,而家睇番都覺得佢幾靚
但係朋友們認為佢唔夠突出,雖然佢有閃既,但係裙擺冇咩野睇



最後一條~大家都覺得佢係唔錯既,因為呢條著得我最廋既,皆因佢有呢個【聰明既V 字】
呢條裙都係以閃為主,但係背後真係好Dry雖然可以加蝴蝶結~你地又覺得我應該揀邊款呢?



好啦,揀左4個鐘終於叫揀到三年禮服,一件婚沙~
如果大家都係會係出年年頭結婚既姊妹們~真心既,唔好學我11月嫁,4月先揀裙
我好多都岩心水既都揀唔到,因為比人揀左~呢個真係好煩
同埋真係可以既揀定你想要既款~因為你當日不斷又著又除....真係未必睇真自己鐘意咩款

最好既真係搵一個同你好fd 底,好知你自己鐘意咩既Style 既朋友同你去試
當然不少得你既未婚夫啦~同埋真係兩個fd 加男友夠啦~人多意見多
我當日試又試得亂~意見又亂~~所以真係要揀岩朋友去試裙呀!!

我下次就會係8月再揀架啦~同埋真係既,千祁唔好揀夜晚去~
除左平日啦~如果你星期6,日去,好似我咁當日係6點先試~攪到佢又好似趕收工
試得勁快拎d 款又唔係特別靚~希望第二次會揀得好啦~~

而家仲煩緊租褂既問題,唔知搵一間租好定係係岩呢度租好~
所以而家都好煩好煩好煩~~~

岩岩又為左同阿媽嘈酒席問題,由6圍變10圍,而家又話12圍~
婆婆又話要請佢地d 大陸親戚,關我咩事先~~點解你地唔問我就請人地黎先!!
而家都唔知係我嫁,係我請人飲定係我d 家人請人去飲.....

唉.......聽日要開始減肥大計啦!!!

想隨時留意小妹既Blog 既動態及生活點滴
記得要Like 我既專頁啦

◕‿◕如有任何問題歡迎聯絡小妹


















7 則留言:

  1. 我都係11月嫁,4月先揀裙...都係去charming image 揀, 好多0係fb 睇中的裙一係俾人hold左, 一係已經失左蹤...
    [Mandy回覆06/23/2013 23:28:15]我仲有好多零星野未搞, 例如出門酒店、花車、荀崗買野、姊妹化妝等等
    真係要快D至得喇
    [版主回覆05/09/2013 23:17:24]唔好意思呀,Mandy 原來我一路都睇唔到你回過我>.<
    我早你3日xdd 我11月9日~
    而家你準備成點呀?
    [Mandy回覆04/21/2013 11:44:13]12 Nov~~
    你呢~~?
    [版主回覆04/17/2013 00:06:02]我係睇到有人拎黎併上身都冇得試呀>.<
    真係.....激死~
    係呢你幾多號既新娘子呀

    回覆刪除
  2. 我覺得第2條黃色,,有閃石個條你著得好好睇呀!!!
    [版主回覆04/18/2013 12:36:50]沒錯!!我係有揀呢條架xd
    個個fd 一見到我著上身就話呢條得~
    揀呢條xd

    回覆刪除
  3. 你好呀我叫呀珊,我個婚禮係出年11月呀,我依家諗梗係邊度擺好呀,
    你選左邊度擺呀,你係咪係太子金都租衫,希望你可以俾d意見我呀。
    謝謝你.
    [版主回覆05/07/2013 22:56:56]恭喜你呀~阿珊
    你都係擺帝皇廷呀?你擺幾多圍呀?
    我呢間係尖沙咀架~~如果有咩問題~歡迎係Blog 問我呀!
    或者唔介意可以去我專頁搵我xd 個度會回得快d ,
    因為我成日唔知Yblog 有留言xdd

    http://www.facebook.com/angelbabyhome

    回覆刪除
  4. 謝謝你呀,我仲未選酒席呀,吾知選邊間好,恭喜你呀你的大日子就快就到了,
    係呢你係帝皇廷擺幾多圍呀,你係咪係太子金都租衫的.
    [版主回覆05/08/2013 23:09:18]我係帝皇廷擺27圍包場呀~~你有冇咩場特別鐘意架?
    我d 衫唔係呀,我係尖沙咀既Chammy Image 度租架~^^

    回覆刪除
  5. 我今個星期日先去睇埸呀,係呢你果度租衫貴嗎?
    [版主回覆05/09/2013 21:48:31]我拎左朋友優惠價租10套~7100蚊
    不過其實我應該用唔到,佢而家呢度好似3650 包5套
    之後就7套,10套咁上~~
    你最重要揀左酒樓同攝影化妝先~
    租衫呢家野最唔洗急,因為咁多間唔洗驚有租唔到衫XD

    回覆刪除
  6. 知道謝謝你的提示呀~
    [版主回覆05/09/2013 23:16:26]唔好客氣~最重要幫到你嗎
    因為出年都係好年,所以真係格好價先呀~
    同埋問定有冇期,冇期就唔好哂時間上去睇場啦
    你自己有冇預算幾錢同擺幾多圍仲有預咩區?

    回覆刪除
  7. 我都係揀依間呀, 佢有條日系紫色幾靚, 而我就join左佢既租衫連化妝套餐, 大家加油哦!!
    [Twinnie回覆07/06/2013 15:52:18]唉~~ 等我年尾影完相再決定會唔會搵返pre wedding依間攪big day, big day攝影真係難搵囉!!
    [版主回覆07/02/2013 10:01:50]我朋友就係咁講,我上網睇都係~但係我BOOK 個陣已經比人BK 左佢啦~
    另外你講個兩間呢,因為我決定左就冇左搵資料xd
    所以我會建議你睇下d blog 有冇人介紹佢地,睇下d 評價同相啦
    當然唔係睇個公司個d sample 啦,一定要睇番d 新人既相~睇番自己鐘唔鐘意佢地d Style ~
    [Twinnie回覆07/01/2013 01:52:28]純美係咪最好係小寶呀?因為我諗住影左pre wedding睇下好唔好,ok既話都搵返同一間,但早排上網見到有兩間,一個係super star production,另一個係Owen Wong,攪到我心大心細,而且佢地價都ok!因為我本身果間都幾貴!
    [版主回覆07/01/2013 01:47:07]對呀!! 媽媽揀衫就可以預番你第2次揀個陣去又或者早少少睇都得,但係要留意媽媽衫冇得換款架~~~希望你出年揀到靚衫xd

    我個日仲未搵到攝影就大件事啦xdd 我搵左叫"純美新娘" 係金都既唔係CI 對面個間~我覺得價錢都合理,你可以去金都睇下佢D 版先, 因為我朋友推介我既,我拎左佢D 優惠,如果你都岩我都可以比我電話你同佢R 優惠XDD
    [Twinnie回覆07/01/2013 01:41:41]Bigday你搵左影相未呀?我搵到頭都爆!!
    [Twinnie回覆07/01/2013 01:40:52]你又講得有道理,咁我新年後先試啦!!橫掂婚紗同有件日系我都暫時hold住,到時可以新年再㨂又可以帶埋媽咪揀埋衫,到結婚前既八九月再睇下再轉唔轉款!!
    [版主回覆07/01/2013 01:24:11]唔.....我會覺得我情願係新年後去揀,因為當時冇咩人攪Wedding 多衫係鋪,揀到既機率會好高d ,反而你9月呢~都會多人結婚,不過我都係比意見你only ^^
    最重要你搵到自己最愛既衫~近來真係番左好多正衫呀!!!我睇到都好興奮
    [Twinnie回覆07/01/2013 00:39:35]我d朋友都叫我唔好咁早試, 不過我會九至十月試第一輪, 起碼留左件衫先, 到出年年中先再揀多一次, 因為佢比我換一次
    [版主回覆07/01/2013 00:34:21]如果你係出年年尾~~真係唔洗咁早架,我諗你預出年過完年左右去揀就差唔多
    但係真係唔好揀4月先去揀,因為真係冇衫揀~如果你個日係勁好日就梗加搵唔到好多靚衫,同埋最好你上網睇定自己喜歡既款式mark 底d no ,唔係就好似我咁~我乜都冇概思,加上又遲去揀睇中有d 衫又比人mark 左-口-
    所以.....過來人意見xd 希望都幫到你:p

    我冇搵佢地化妝呀,因為我本身自己搵左另1個平d 既化妝師xd
    [Twinnie回覆07/01/2013 00:25:32]最衰我無影底, 剩係叫佢幫我暫hold住!! 佢叫我九月試第一次, 不過我都應該今年年尾先試第一次, 因為我出年年尾先結, 唔想咁快hold住, 我驚d衫比人著殘, 不過我當日試果d都好新, 希望到我著果陣都新啦

    你有冇join埋佢化妝?我就join佢一條龍, 下個月搵左Ellen試妝!!
    [版主回覆07/01/2013 00:16:37]恭喜哂你呀~~
    你有冇影底個件日系既晚禮服?
    佢太多太多衫啦~~~我而家係揀第2次之前狂去佢鋪頭睇佢d 新衫xdd
    Mark 底佢no xdd

    回覆刪除

【保養】轉季補濕必備之物 ◕‿◕韓國貴婦Gobdigoun 山羊乳系列 ♪゚

韓風,由KPOP 文化到衣著同Skincare  真係係香港都買到不少由韓國引入既產品 有時覺得居於香港是件幸福事, 起碼我地想試不同國家既野,由其是美妝 加上網購既興起,真係遠在韓國既產品亦可以在網絡上購買 然而次小妹想介紹既產品,它自韓國 但...