【食譜】✿ 小魔怪廚房 ♬ 20分鐘內完成的豆卜釀魚肉✿
其實我真係開埋開埋好多好多既系列
早前既大分享我已經停左唔識更新,睇黎都要努力番下啦
而今次激發其想整呢個【小魔怪廚房】
就係因為平時我都幾鐘意上網睇其他人教點樣整野食
唔多唔少真係學到不少野!!
而我就想平時自己會整既野食都以一個最簡單方便快捷既方式同大家分享
首先第一激就當然黎個最簡單又好食既【豆卜釀魚肉】
(賣相唔係好靚,第一次試整請見諒!! )
先講一下材料:(2人份)
魚肉----半磅
豆腐卜----4兩
生粉---極少量
材料十分簡單,同埋都好易整同埋小朋友都可以一齊整架!!!
之後講解一下點樣整事前既準備啦!!
1)首先要先豆卜是但一個位置,用剪刀剪少少個頭既位置
唔洗太多,主要係想佢變成一個小盒子樣子
2) 然後再利用剪刀於內的位置輕輕地剪走內的豆卜肉
再用手指輕輕地拿出內既豆卜肉,令其豆卜變成一個"吉" 的盒子
3) 係呢個時候準備一枝鐵既匙"巾"同埋小小既熱水
再將魚肉"不"在豆卜內,如果你話我唔識運用d 魚肉點釀入去既話
就可以少少咁釀入去,慢慢咁加就可以囉!!
然後整好哂所有就可以拎去煎啦
如果大家唔想一煎就痴底架呢?
最好就用少少整整個魚肉面點少少生粉就可以啦
(溫馨提示: 經我既測試,少少就真係夠啦,太多就會成個面都係粉之如
亦都唔好食既,仲之令個面唔痴就可以啦)
最後將魚肉那邊落穫煎，當落哂所有就可以再慢慢
反番第一舊落穫既豆卜，然後反轉之後就可以加少少水
生水/熱水乜都冇問題,主要就想令入面既魚肉都熟
等約30秒至1mins 就可以上碟啦!!
呢碟(食送) 既簡單又方便，仲要係必成功既(食送) 黎既
我諗唔成功最多係好似我咁煎燶左架者
喜歡既一齊分享一下你既成功例子我睇啦!!!
如果你都有d (食送) 想學整，亦可以問下我架^^
希望你都喜歡我今次呢個新系列!!
希望你也喜歡小妹今次的分享
**以上內容亦只是個人意見,不代表所有人的意見**
想隨時留意小妹既Blog 既動態及生活點滴
記得要Like 我既專頁啦
↓↓↓↓↓↓↓
◕‿◕如有任何問題歡迎聯絡小妹