【小魔怪。大攪作】✧✦ 左勾右勾。勾出新攪作 ❤ 屬於小妹的熊大大✧✦


近來小妹介紹左不少既聖誕推介比大家
或者你地可能想送比既朋友唔鐘意護膚品/彩妝品?
又或者想襯今個聖誕同心儀既對象示愛?
又或者想送比朋友一份比較特別最重要係獨一無二既小禮物?

今日小妹就想大家分享一個,我早前去左觀塘工業中心
去左學整一個手勾公仔tim ,你以為係龍貓?
錯啦,呢個係我地今次Workshop 既Miss 其中一件作品之一
係唔係真係超似同埋超靚呢?
今次既Workshop 就係 SARALAM
而今次我去學既WorkShop 中反而就係學大熱左好耐
仍係唔會減,仲要愈黎愈多人喜歡它既Line 系列啦

係今次既Workshop 可以揀選勾熊大大Brow仲有兔兔Cony,
當然少不了有阿MOON 啦
不過對小妹呢D 咁易整Dirty 既人仔,都係揀左啡色既熊大大
去嘗試我既第一次學人勾野囉

講真係小妹未正式嘗試去做勾公仔呢個Worksop 之前,
我覺得小妹都叫識織野架,又記得有人同小妹講
勾野係易過織野既架,所以我一路都覺得小妹係勾公仔一定唔會難到我

本身活動開始係上午既11點鐘,但係Workshop 既當天
小妹需要上班,最後就通知左Miss 我會遲大約三小時會到達
所以我就是特別的安排只做頭,耳仔及手就可以囉
經老師既輕輕教授後就開始起稿及開始勾幾行啦
但係發覺.......邊個跟我說勾野係易過織野架?

只係單單起稿,我已經同織野好唔同
亦好想講今次呢個老師真係好好心機
我係完全覺得無助既,織一行又問Miss 岩唔岩呀?
織到第二行又狂問,之後我又勾錯針呀,或者甩左針等等
真係人地勾六行唔洗15Mins,而我差唔多玩左粒幾鐘咁濟


開頭以為勾六行,半個鐘都可以KO 啦嗎
點知.....我六行都好似玩粒幾兩個鐘,
就連點樣加針,加幾針,勾咩位真係一個學問
起碼我呢d 以為自己好醒其實勾極都係咁既狀態
最後我好似玩左個幾鐘先可以KO 到頭6


再經常唔知大約幾多個鐘之後,我終於可以由6
開始勾到第14….聽落好似好少其實真係要用左唔少心機
最後就唔係再係加針落去啦,而係收針
我終於見到曙光,突然覺得好感動呀!!!!


終於完成左個頭啦……係冇睇錯,我都冇打錯
點解張相入面仲會有個身既?因為當天我遲左到遲
加上Miss 亦都擔心我勾唔切就已經好早準備好個身比小妹啦

之後就開始入棉花落去頭部同身體部份啦
不過有一個小問題,就係係入棉花之時
一定要先加上一塊布防止棉花洩漏出黎唷!!
同埋平時你以為細細個既頭部同身體用既綿花唔洗好多啦
其實小妹都入左唔少既棉花架,但係有一個小小既問題存在
記得入棉花之前,記得要將棉花忟鬆佢
唔係唔單止入唔得之外,成隻公仔都會係硬"骨骨" 咁架
所以忟鬆之後再不斷入多d 就可以令成個公仔
好似飲爆水既肌膚一樣,又飽滿同時又軟熟架啦


當天我地幾位學員好努力,大家好似工廠女工咁齊齊勾
齊齊整,雖然大家都會講下野吹下水,但係隻手一樣冇停過
最重要係好好訓練大家坐定定
如果你平時係坐唔定鐘意行黎行去既人仔,
又想練下自己可以既耐性呢個活動絕對可以


最後就可以將耳仔,頭部同手手腳腳聯埋一齊啦
其實呢個部份,大家都話呢個部份係最簡單架
因為只係好似平時補衫或者把它聯合一齊
但係去到尾尾既時候就唔係講咁簡單啦
所以都是要老師幫忙處理囉


最後加埋眼晴同埋鼻子同咀仔就可以完成我的熊大大啦
大家估到那個是小妹做的? 
雖然不太像,但絕對有一點大滿足的感覺


唔知大家有冇曾經買過一個呢d 手勾公仔呢?
的確呢d 公仔比起一隻隻買既公仔更加特別
但係如果襯偽呢d 聖誕情人節時間
親自整一隻比自己既心儀對象,或者好比你送一隻自己買既公仔
更加有心思,更有價值呀!!
而今次小妹上呢個興趣班雖然時間上比起預期更長
不過真的好多謝老師今次既教授,佢一樣陪我地攪到咁夜
冇黑面仲要狂同我地講唔好意思tim
或者應該是我地實在太生手所以把時間多了吧?

今次的手作班是經由CLASSES.com.hk 舉辦
佢地除左呢個手工班仲有D 係係整皮革煮野食的
仲有好多好多不同的興趣,班可以比自己同朋友一齊上堂
有興趣既朋友都可以到以下既地方看看

 Workshop 名稱: SARALAM

希望我將來都可以記得點樣勾,順便勾比我既小魔B 
咁就唔會浪費左老師既一整天的時光
但真的這些心思,是買不到回來的
老師說下次會舉辦的是黃色小小兵
有興趣既朋友記得一定要留意唷!!!
情人節送比情人就冧哂架啦!!

希望你地都喜歡小妹既介紹啦
想隨時留意小妹既Blog 既動態及生活點滴
記得要Like 我既專頁啦
↓↓↓

◕‿◕如有任何問題歡迎聯絡小妹

電郵:manman811@gmail.com

以下地方可以找到小妹架^^





留言

  1. 我都收到呢間既invitation, 不過我冇join手氖班喇!!((我零天份

    回覆刪除
    回覆
    1. 我都係嘗試一下架咋xdd 真係整到眼訓xd

      刪除

張貼留言

熱門文章