2015年12月8日 星期二

【妝品】✿ 金光閃閃。韓感裸妝 ♬ 滋潤卻不淋的蝸牛修護系列 ✿

又到聖誕又到聖誕,轉眼就到十二月份啦
係以往既十二月總是很期待的,
因為可以有很多既Party 去啦,有得交換禮物啦
(順便又可以比我名正言順去Shopping XDD)

老實講,睇開我Blog 既朋友都知道我呢半年既皮膚真心的
是否有好過呢?我只覺得愈黎愈不行
爆粒粒,皮膚差,心情差,鼻子紅紅的
幸好的,近來也許心情好了....
皮膚也開始變得更好了,也令我開始著重番扮靚靚既時間

近來我知道Dr.Jant+ 推出了新既妝品仲有不錯既Mask tim
近來天氣又乾又凍,真係想搵D 滋潤既野用下
但係用馬油既產品又會好似滋潤得濟,用係身就冇既問題
但係係面既對我而言就真係太過淋啦

近年韓國品牌推出不少既蝸牛成份既產品,
而今次我就想介紹Dr.Jant+ 既
時空迴轉蝸牛修護系列面膜及BB Cushion



而今次呢兩款產品都以金色做包裝,既然決定要化個靚妝
所以我就想化個妝之前就敷過面膜先啦
首先就用上Dr.Jant+ 既時空迴轉蝸牛修護系列面膜



面膜不像平時既水滴滴,以綿質既質地吸住精華
即使把它打開的時侯,不會覺得手或者周圍都唔會覺得滴到周圍都係
而當中呢個面膜蘊含左有既成份,包括有以下既
蝸牛黏液 -保濕/修復受損肌膚/提升肌膚彈性/減淡面上皺紋
海藻萃取物 - 提升肌膚彈性及亮澤感/促進血液循環/保濕及舒緩肌膚
甜菜鹼 -保濕
腺苷 -抗皺6 Free System 不含Paraben類防腐劑、人造色素、

二苯甲酮、礦物油、滑石粉、人造香料



敷上約10-20mins 左右既時間,就可以除下囉
反而覺得面膜好貼面,不過可能我既面仔比較大啦
所以我又覺得差少少就可以貼哂整個面啦



或者小妹真係太乾啦,所以今次敷完20mins 之後呢,
反而係覺得唔會水滴滴,只需要輕輕利用手掌印一下肌膚
好快就已經吸收哂係肌膚既底層啦,所以我就可以準備化妝啦


見完我個唔開胃既樣之後,係時候就化番個仿韓妝啦
今次呢個Dr.Jant+ BB Cushion

一整盒既BB Cushion,入面除左本身應有既金色包裝BB Cushion
(真心覺得呢盒好靚,好有鏡面既感覺.....
但係一用得耐就會有好多手指印啦)
仲有一個Refill 裝既,而家好多既BB Cushion 都會一套咁賣
我就覺得咁樣幾好,一個價錢可以有兩個既粉底使用 


今次呢個BB Cushion 入面既主要成份都同大家講下啦
50%保濕成份(諾地那水、玻尿酸)-高效保濕及舒緩20%黃金蝸牛黏液萃取物-抗氧化/更新肌膚/促進膠原蛋白合成純金-抗氧化/抗衰老/排毒板狀粉末-令妝容更貼服及持久潔淨腺苷 -  抗皺10 Free System 不含Paraben類防腐劑、焦油色素、滑石粉、 人造香料、二苯酮-5、三乙醇胺、三氯生、硫酸鹽界面活性劑、丁羥甲苯、礦物油

而小妹手上的粉底顏色是02號色,我想它仍有其他的色系的
同樣Cusion 入面有一個小小粉撲啦,另外在第一次使用之前
都會有一張貼紙防止有任何既細菌流入我地粉底入面


其實小妹係使用之前,我係有做足功課架
係不少既台灣Blogger 既分享入面都有話盡量唔好一下咁大力
地壓落去拎粉底,所以今次小妹都盡量輕輕力地取粉底啦
首先要說的,雖然取的次數是比較多很多的
但是它的自然效果卻真的想不到......


先給大家看看一個小比較啦,其實顏色方面影響唔大架
亦唔會好似早期既BB Cream 一味偏白的
最重要亦係我最喜歡既就係有光澤,自然既效果
裸妝不是就是想這樣的嗎? 最重要看下去不似化了妝
而可以令樣子精神一點呢


本來很想給一個化好了全妝既樣子給大家看看的
但係樣子好似怪怪的,也許當天睡得不算太好了
為免再一次再嚇到大家了吧.....
只簡單地畫上眼線,搽上胭脂及淡淡的唇膏
也可以很精神的樣子呢,最重要係想不到的貼服妝容
雖然小妹下午先開始化妝但係到夜晚都仲未溶啵
當然都要講一下我化妝的時間也是有一點涼意既天氣
不過說真的,我最後也有搽上了碎粉的來定妝唷!!


一路以來Dr.Jant+ 都是我蠻喜歡既品牌之一
因為佢既保濕成份做得不錯,起碼我由我準備大婚到
而家有埋小魔B 都仲用緊,由其它家的份子釘系列tim
最想不到它的化妝品卻又估不到的不錯,
早前試過的遮暇產品加埋今次的BB Cushion 簡直係完美既配合
唯一不足係,我仲係未知道價錢,試過不少既BB Cushion
各有各好既效果,但係始終我追求就是自然,有光澤貼妝既效果,
而當天朋友見到小妹都有說今次既妝容好貼妝
未知道是因為敷完面膜才令效果不錯?
還是它的效果真的是不錯?
但係要說的就是Dr.Jant+ 真的沒令小妹失望!!!

喜歡我今次介紹既產品就可以到各大的SaSa 選購
另外以下也是小妹曾介紹過的Dr.Jant+ 產品
有興趣的朋友可以按下Link 回顧

醫學品牌Dr.Jant+ 份子釘.。♥゚ 打救寒冷天氣的乾燥肌膚

別讓肌膚嚴重缺水 ♬ 好好運用Dr.Jant+ 份子釘面霜打救肌膚 。★。

Dr.Jant+ 家族新成員 ♬ 一瓶多用的份子釘滋潤保濕急救軟膏 。★。


**特別嗚謝Dr.Jant+ 及 BeautyLife**

希望你也喜歡小妹今次的介紹
**以上內容亦只是個人意見,不代表所有人的意見**
想隨時留意小妹既Blog 既動態及生活點滴
記得要Like 我既專頁啦
↓↓↓

◕‿◕如有任何問題歡迎聯絡小妹

電郵:manman811@gmail.com

以下地方可以找到小妹架^^














沒有留言:

張貼留言

【癱程】▌排毒。美白。收緊❤ 白金排毒抗氧化療程▌

 如果你問我,一位媽媽如果可大有兩至三小時既放空時間 佢會揀做d 咩?如果比我既話 唔洗多,一個鐘已經好夠(唔計搭車番屋企(笑) 絕對係做Facial 同做按摩啦 自從生左仔之後,我真係好難可以放得底gogo 無可能長擺底係姨姨度架嗎 放底係婆婆度,...