我的２０１２小旅行◕‿◕ ✿吃喝玩樂的長洲之旅✿

係2012年第一個周日,我終於我終於可以去到長洲啦
雖然長洲唔係話一個好難去既地方,但係由於我實在太懶啦..
成日都唔願起身既關係,所以通知都冇機會可以係中午時份已經到中環,
因為我既御用攝影師應承陪我去長洲既唯一要求就係....我一定要12點去到中環....

而今次我地成2點先去到長洲,又點解去得成呢?
係因為今次遲出門既人唔係我
所以今次係特別Case , 親愛的說"沒有下次啦".....

入長洲之前其實我已經問左好多人意見有咩值得玩值得去既,
但係今次小旅行實際只有三小時,因為我實在太攰啦....
不過我都夠心滿意足啦,起碼講左咁耐我真係去到呀嗎

咁我地今次大約兩點去到中環5號碼頭,由於佢兩點鐘就有班快船,兩點半鐘先有班慢船
所以最後我地都係搭左兩點半個班船啦,費時再hea 咁耐....不過慢船都要成一粒鐘先到長洲...
各位朋友想係假日去長洲既話,真係要留意下時間啦......
不過一提大家,去長洲的碼頭小食店,它們的鹽焗鴨腎真係好好味~~$12/2舊,同埋可樂都係$3 咋~~又抵又好味

個日天氣雖然有點凍,但係坐係架船上面搖下搖下,又陣陣海風吹埋黎....  
我就訓著左啦....訓一訓轉眼間就到長洲啦~

終於到左長洲啦.....實在太興奮呢...
第一時間我唔係去左食野...而家係去番同一位置影番一款相xdd
上一次去長洲既時候已經係2010年既5月啦,個次仲係為左太平清"招"去 tim,
不過下一次我都唔會係咁多人既日子去又熱又焗又辛苦都唔知為咩
可以既話我都想係平日假期先黎一次

雖然今次沒有咁靚既藍天作背景....但依然有我這個天使
 

Post 是不是差不多呢?我真的是找回同一地點拍的,雖然角度沒有上一張的那麼好看...
而攝影師也不是同一人了,所以也有一點不同的....
就連我!天使也有不同吧?頭髮長了,顏色變了....還有...有沒有廋一點? 

好了，當入到長洲不停地就是吃吃吃吃吃......你也看到我的頭張相嗎?每張也是吃吃吃...
我也不記得我第一處食了什麼,但係記得我吃了很多很多的大粒魚蛋

好像$8/2串...最出名的就大大粒炸魚蛋...我曾經吃過近這個小小碼頭有炸魚蛋...
但係今次去的時間找不到這間魚蛋了...

找不到呢間炸魚蛋冇有怕...因為我食左其他地方3串咁多-口-
先來看看我的第一串魚蛋

食呢串魚蛋好辛苦架,因為佢真係岩岩炸起,d 油係咁滴落手...辣左2次食影到呢張相...
不過我覺得呢串$8.5 炸魚蛋比起沙嗲魚蛋冇咁好食,所以如果真係未食過既,當然值得一試啦
但係你食過既,我都唔建議你唔好再食多一次炸魚蛋啦,情願食沙嗲好過xdd

吃過魚蛋後....就係試下個炸雪糕啦,唔知你地有冇食過,老實講我真係第一次,但係亦都係最後一次
呢間我係碼頭附近既鋪頭食既,咁咩叫炸雪糕呀?其實就係將維記雪米慈加蛋漿用低溫炸熱佢...
我當日食完全唔覺得好味,個蛋面真係無味既,我唔知你地食過又係唔係咁呢?
而呢個炸雪糕就要$16/2件~

吃完雪糕就去左好多人話一定要去既日本婆小茶居,或者我真係太飽啦...
我唔太覺得真係好好食咁,雖然我冇食到壽司但係我食左紅豆餅...
我蠢左,我唔知有奶皇揀架~唔係我一定會食奶皇唔食紅豆

咁其實呢個紅豆餅似d 咩呢?我覺得似叮噹既豆沙餅咁,但係佢係勁厚版囉...xdd 所以我食左一舊已經頂唔順啦(扮細食)

好啦,食左豆沙餅就準備去下一個景點去囉....Gogogogogo!!!!

其實當我見到呢間鋪頭就想係呢個牌面前懶係型架咁影張相架...
可惜個張影得唔好睇...就是但影一張啦:p 
佢就係豆沙餅隔離架咋~~~有興趣既朋友真係可以去留影一張

跟住我地就去左沙灘囉,去左<長洲東灣泳灘> 

可惜當日真係幾凍下,我地冇落沙灘,一來費時入沙,兩來真係費時掂水
不過當時仲見到好多小朋友落緊水,小朋友什麼也冇有怕 

吹吹海風 ,吸一吸離島的空氣....其實真的一種享受 
當時我真的明白點解D 人貴D 都要住我背後既酒店,望住日出真係好爽架...
吹完海風又行入D 去另外的觀音灣....又來扮一扮中模XDD

除了最左下的相外XDD 其他的真的很假Chok xdd
我真的沒有那種可以做Model 的特質呢=口=不懂擺Post...xdd
影左好多相之後,見天開始黑啦,就準備去找尋日落之旅....
順道周圍拍拍照嗎xdd 醫院也要影一影xdd

出番去沙灘,攝影師有點肚餓又想食野啦,我地就去番紅豆餅隔離個間鋪頭食
今次我地食一串大大粒魚蛋,雞腎,豆付花同埋碗仔翅
我覺得呢間魚蛋係賣貴d $8.5 ,但係真係好好食.....呢間堅好食,難怪Open Rice 好多人介紹呢間野啦

不得不介紹下呢個豆付花,我比佢一個字"滑"....
我學左Hazel 咁話,整爛左先好食....又真係唔同d ,落好少糖水已經夠好食

其實我已經真係堅係好飽超飽....但係一打算走個陣又走到隔離有個個薯塔....我諗緊仲食唔食好呢?
我好飽啵....但係上次食個個唔好食wor....最後都係送上$20蚊買左一串黎食啦

真係好特別既小食,你係市區點都搵唔到呢串咁既野...
同埋呢間真係好d 架,我上次係碼頭食過,你只可以揀一隻味,佢幫你倒
但係今次呢個係任你自己倒架...好好玩呀xdd

見唔見到我好認真咁倒緊呀xd 上面銀色一樽樽個d 就係味粉啦,.
有朱古力,鹽味,黑"招",麥樂雞味,長洲風味.......等等...我都唔記得啦
不過當我玩到呢d 粉之後,個薯塔已經凍哂啦,所以呢....大家有興趣食真係要留意啦

轉眼間....去番碼頭就已經日落緊啦.....我都係覺得我上次去黃金海岸靚d o者...

望住個太陽....慢慢咁落山....我今次既小旅行都係時候完結啦,短短三個小姐真係好開心
雖然我應該好多野食冇食到,好似好出味既芒果燸米慈,同埋D 海鮮...
不過我希望我會下次再黎多一次,而下次我想去睇櫻花XDD
睇完日落都想影番相留念先,呢張又影得我唔錯嗎?

 


由於我真係食得好飽好飽....其實我都唔打算食夜晚,加上落船個陣都唔多七點半啦,
我地落左船又轉去另一個碼頭去尖沙咀....
再去另一個景點XDD 就係當日好哄動既D&G 門口朝聖一下!!!

其實嗎,我們該怒嗎?雖然我沒有錢去購買呢間公司既產品,但係我又覺得香港不應是香港人的地方嗎?
為什麼是....點解我地唔可以影相?點解咩都要比大陸人?佢地D錢係唔係特別好D?

後來我地在苦惱緊食咩時候...不知不覺已經去到佐敦啦....
行下行下,就見到<澳洲牛奶公司>啵...
其實有次已經專登想去試架啦...可惜啦...太多人啦,
我們沒有排隊啦.....去左食麥而家今次沒有人在排隊
一入去已經有得坐啦....真係夠哂開心唷~~~
同行的寶貝說....究竟我地而家係食早餐定晚餐呀?
我一笑頂百句XDD 我都費時同佢解釋咁多

我地叫左個常餐$26,由於當時係差不多九點幾啦,所以叉燒賣哂,只可以揀火腿同牛肉
因為當時電話唔多電,所以急急忙影左個蛋就冇電囉......
通粉就唔係之前阿SO 講有坑既通粉,但係佢地煮得岩岩又唔太硬又唔太淋,我覺得好味既

當然仲要介紹一下佢地既皇牌炒蛋啦,真係好好食呀,D 蛋好滑好香,仲有D 蛋汁係度tim
同場佢地個多士堅好食,又厚身wor....最重要雖然佢地係凍但係唔硬架

寶貝仲叫多左個甜品,杏汁登蛋....其實係唔錯既甜品,但係熱既話梗加好食,
加上我真係夠飽啦,所以試左兩啖就無食啦...
另外我見過我好多人話呢間野D人好串呀,好趕你走,做野好急...
其實佢地做野係急,成日會收走你地D 碟...但係佢地真係好好生意架
我覺得咁都正常既,不過佢地D 人1定唔串...仲好好呀,
我地叫左1凍1熱冷氣,之後黎左2杯都係熱Wor...
叫佢換番冇黑面仲即刻沖番比你tim....

如果大家有興趣試呢間<澳洲牛奶公司>,真係要有時間黎排隊~
同埋你如果對奶茶唔抗拒既話,真係要一試佢地既奶茶
好好味就連我位大少爺都讚好好味
不過係會食得急左d 囉,如果你要食得舒舒服服既...
呢間鋪頭你唔好黎...但係既然佢咁多人排隊固之然有佢既好處....

希望你鐘意我呢篇文啦:P

想找找小魔怪?歡迎來以下地方找找我

E-mail: man_man811@yahoo.com.hk

AngelBaby。 In The Beauty World 

AngelBaby。 In The Beauty World | 宣傳你的專頁