唔想個廁所十幾枝洗髮產品?不如試下LUX日本晶鑽極致保濕系列

我家有一個不文明既慣例...就係每個人都自動幫屋企買d 日常用品,由於我家係有4條Q 所以除了媽媽自己的護膚產品外,多數洗面的,爽膚的都由我一手包扮,另外就是由我去買洗頭水啦點解呢?記得有一次媽媽唔知買左咩牌子番黎,攪到個個都投訴唔好用,最後媽媽發脾氣說,佢唔會再負責買洗頭水呢樣野,其實諗番轉頭,當時我地真係唔岩~佢要睇住我地咁多個女~又要照顧頭家仲要為呢個洗頭水問題攪到咁....所以最後都係由我去買呢樣野啦!!!

咁講下我要為家去洗頭水既問題,我既二妹佢要求洗頭水要洗完之後可以順服d 唔會變鬆獅狗....我三妹要求洗完d 頭髮夠直同埋可以吹完頭唔會旱 ,我呢,我就唔希望洗完頭會旱 到爆,,,,最好就可以好飄逸咁既xdd 同埋第2朝依然會好好順滑啦~其實我地要求唔係好高o者xxd 但係買極都要分開幾枝黎用...攪到個沖涼地方成地都係洗頭產品.....而今次我試用既洗頭系列,好似解決到我呢個問題啵......

一Set 3枝既LUX日本晶鑽極致保濕系列分別有洗頭水,潤髮乳加埋一枝護髮霜 ,Size 上較為細枝,我諗可以用大約一個至個半月左右
先看看洗頭水先,就係左一個枝啦<晶鑽極致保濕洗髮乳>流線形既設計我覺得佢好靚既樽身...後面有好詳細既資料講解比你知用左呢隻洗頭水之後會有咩好處咁既

而呢枝洗頭水質地同之前我用過的洗頭水差唔多,但係今次就沒有閃粉既
 

好多人都會話呢隻洗頭水多唔多泡架?其實我有陣時係度諗?我地話洗面產品最好就好多泡,因為佢可以清潔到好幼細啦?咁唔知洗頭水又係唔係呢

不過唔知你又覺得呢隻洗頭水多唔多泡~~我呢張都幾出賣色相架
 仲要捱凍架慘公....
 所以要多多支持下我啦
另外都要介紹一下
<晶鑽極致保濕洗髮乳> 同樣係流線型設計,不過呢就同洗頭水方向調轉左既,真係拎上手都好岩手型好似賣緊電話咁tim 

另外洗頭水同潤髮乳同樣擁有特別的開口,唔會太易放係沖涼房時,d 水入左落去~不過好似我咁放係地下就冇得講啦...
潤髮乳 都係會入水既=口=
而潤髮乳個質地同其他牌子的潤髮乳差不多~不過由於我長頭髮同埋d 髮質較傷呀所以我會用得多d 既

好啦好啦~~好悶係唔係?係咁介紹d 洗頭產品好悶...睇黎睇去都個產品,我知既,所以就比大家睇下我洗完頭加潤髮乳既效果啦,其實呢張相我係抹半乾左個頭架啦,因為係第三個部份佢係需要我地抹乾多左既水份既,由於我用電話自拍方位影落黎架質素可能未必太好,請見諒

最後梗係要介紹一下佢地終極既產品
 <晶鑽極致保濕護髮霜>  ,好大張貼紙寫明"2倍保濕；7日の輝"
 究竟係唔係真有效架?阿妹問!!
跟住佢見到背後寫住"適合乾旱暗啞,飛散髮質"wor...."經常使用風筒吹頭~我咪岩用囉...
我就話其實佢呢條Link 都係咁寫架啦.....你用左咪知好唔好囉.....而家d 妹妹仔真係難服待.... 

其實呢套洗頭產品最抵讚係Made In Japan 架....雖然大家可能仲對日本既野有所保留,但係起碼我暫時用左5日左右啦,未見有咩特別問題
同埋我覺得佢雖然講係
Made In Japan 但係制做方面都未必係佢地日本自家制做啦，最多都係原材料或者配科架o者~唔好太擔心

首先要提提大家呢個產品,佢係需要叫抹乾多左既水份,然而呢~查上去係叫你按摩你既頭皮2-3mins 既,不過我第一次就真係有咁做,但係之後我就懶啦xdd
通常我都係查完之後拎夾夾住d 頭髮,跟手洗面,沖涼咁就順便洗埋頭啦

呢個樽口同平時d 洗髮產品差唔多唔多提啦~但係佢呢個護髮霜係黃黃地色唔係白色架~

好啦,攪咁耐終於洗好個頭啦... 比大家睇下都係半濕既情況既頭髮同岩岩只係用左洗頭同護髮既分別~
或者你地會講其實都睇唔到有咩分別咪同平時洗完頭差唔多.....
但係當我吹乾左之後唔知你地覺得明唔明啦顯~咁第一張就係第一日用完黎影既~第二張就係我用左大概第五日影既

唔知你覺得有冇改善啦,但係對我黎講呢set 有好有唔好既方面,咁先講我認為唔太好既地方啦,就係份量實在太少啦,我用左5日同妹妹又一齊用既話其實已經所剩無已啦,雖然我唔知價錢啦xd 因為我實在太攰啦沒時間去睇睇價錢(其實我懶xdd)其實我自家覺得最後要按摩頭皮2-3mins 實在太麻煩....不過其實好似我咁做都可以令d 頭髮好軟,好滑~不過我感覺佢做法似髮膜~上次的試用產品也有一款是同樣做法但當然佢只係1mins 就沒有呢枝咁順滑啦~~
講完我認為唔好既地方,都要讚下佢既地方既:p 我覺得佢地設計方面好靚呀,個流線形真係好靚同埋個樽口唔會好易入水,同埋唔會比小朋友玩到一按即o即哂出黎...呢個係值得一讚既,之前佢講明會有陣陣香味,我個陣洗完頭都唔覺得自己有陣陣
香味 ~我心諗(車~又呃人既.都唔香既) 但係有日沖完涼洗完頭~阿妹問我你轉左洗頭水呀,當時佢唔知我有試用既,我話你又知~佢話你個頭
香 左好多呀,即刻心花怒放呀xdd 加上就連不嬲都唔察覺我有咩唔同既honey 都知我轉左洗頭水!!!呢枝洗頭水好成功~佢係要d 頭髮真係完全乾哂,先慢慢滲d 香味 出黎...姊妹們,如果想心儀對象記得你...你要識做呢xdd

最最最最值得讚係,其實我好怕夜晚洗頭,因為第2朝我個頭就會變得好鬆,梳極都好似冇梳咁,加上而家唔爹唔調既髮形...真係簡直想死,但係呢隻就真係會鬆,但係鬆得又滑又香又順~我有諗過學人地用把梳,梳落黎既..但係我試左好多次都係跌既-口-玩唔掂...不過起碼我呢排洗完頭訓醒唔會梳唔掂個頭呀~同埋好似d頭髮色,好似有光澤左,唔知你又認唔認同呢?最後感謝你睇我呢篇
LUX日本晶鑽極致保濕系列 試用文,希望能幫到你解決問題啦:p