2014年10月9日 星期四

【尖咀。食】。★美中。鴨子 ❤ 新派的中式上海菜館 。★。

在尖沙咀覓食,我多數也是在那幾個大型的商場去吃飯
不過就很少在海港城處揀選,原因有幾個的
1)永遠都是很多人,而唔知排到何時何地
2)價錢上感覺較貴,而服務態度奇差的
3)也是最重要的,周圍的也是自遊行的同袍

所以在尖沙咀吃飯也是很少的,也絕少到海威大廈等等地方
不過這次,我的好友生日指明想試這間次次去到都好多人等既
【美中。鴨子】


是夜小妹就約六時半左右到達,可算是尚早的但是也需要等位唷!!
不過如果你唔介意坐室外的,就可能在這個時候可以有位入座了
我想近日的天氣即使坐室外也不會太熱,
但是小妹早前吃的時候就是太熱了,所以就直接等位囉

在等候的時候,我就周圍去看看囉
店鋪在右邊有一個透明的玻璃窗的位置
可以見到有幾個姐姐手起刀落把這裡的皇牌一片片地切在碟上
可見她們一路切一路切未停過,應該幾好食吧?


約莫等左大約30mins 的時間,我們終於有機會可以進入去囉
坐在位置上,店員禮貌指它家的皇牌需要製作約30-45mins 左右
如需食用就可先下單再慢慢揀選其他的菜式


我朋友一心來這間的餐廳就為了它家的片皮鴨吧!!
當然就必要叫來吃吧,但係要留意因為它是有半份及一份
如果只有兩至三人,半份其實已經係好夠架啦
另外我們看看附近的客人,很多人也是有把"食送"菜打包
所以我地就決定先叫一份小吃,一個飯加它家的皇牌片皮鴨囉!!

首先出場的小食就是小籠包啦,我朋友話食上海點可以冇小籠包先得架
真心的,我在街外很少叫小籠包的
除非比我親眼見到佢地自己親手整啦
主要原因就係,因為我食過好多間就知它是拎超市有得買個d 
拎黎當自己整就真係冇鬼隱

不過今次這個小籠包吃得出是自家弄的
因為它的皮夠薄,肉汁夠多,最重要唔會一夾即穿個隻
雖然上菜時冇出哂煙既感覺,但係起碼一黎即食都唔會辣到個咀呀


然後到這個炒飯【楊洲炒飯】$88
本身來了這個小籠包,我都滿心期待這個炒飯
可是......個人認為它的蝦仁除了大粒一點之外
我公司附近的食堂也比它好,起碼d 飯唔會咁油之如
同埋它們係炒得乾身一點呢


來一個中場休息吧,要跟大家分享一下
它家是沒有茶水提供的,如果想叫它們的茶就是$25/位
因為當天我買了部大杯綠茶Latte ,所以只叫了一杯
朋友指這個杞子茶不錯的,但係如果你兩個人同樣叫這個的話
也是一壺兩杯,不過它們加水的速度遠比起酒樓快得多


最後也是到今次的主角出場囉!!
每位叫了片皮鴨的朋友,都會有一碗鴨子豆腐清湯
這個湯都係用番片皮鴨既穀去煮架,所以D 湯都會特別清甜
同埋飲落好似冇咩味精感覺,起碼我飲左唔會覺得口渴先啦


登登登登登登........終於等到我朋友最想食既片皮鴨
 不過係唔知個度既冷氣好凍呀,定係本身隻鴨都係凍既呢
黎到......係微暖既,食到有點油
不過d 肉呢總算是唔係鞋既,唔係真係成碟野已經好錯啦
但係真係對呢個等足45mins 既鴨有d 失望


食得片皮鴨又點少得佢個皮先得架,不過都係有d 失望囉
點解?因為唔知點解佢又係凍架,仲要冇暖既感覺
同埋仲要係厚既,真係食幾舊已經好飽好飽
唯一要講就係,雖然我地叫左半份但係都已經好多塊皮比我地食

不過真心一讚就係,它家的配料是無限量給你的
我想整個鴨子,我食得最多就係它的青瓜條了


整體上,這個晚餐我也蠻滿意的
起碼它不會趕你離開,而店員的態度是很不錯的
有禮貌唔會黑口黑面咁樣都令我加分,
只係真係估唔到D 主角會係咁既溫度然而真係等咁耐都咁
對我同朋友黎講真係.....食一次就夠啦了
如果希望有下一次再品嘗的話就希望它可以有改善吧
始終它是美心集團旗下的食店黎架嗎


希望你也喜歡小妹今次的分享
**以上內容亦只是個人意見,不代表所有人的意見**
想隨時留意小妹既Blog 既動態及生活點滴
記得要Like 我既專頁啦
↓↓↓

◕‿◕如有任何問題歡迎聯絡小妹

電郵:manman811@gmail.com

以下地方可以找到小妹架^^

















沒有留言:

張貼留言

【癱程】▌排毒。美白。收緊❤ 白金排毒抗氧化療程▌

 如果你問我,一位媽媽如果可大有兩至三小時既放空時間 佢會揀做d 咩?如果比我既話 唔洗多,一個鐘已經好夠(唔計搭車番屋企(笑) 絕對係做Facial 同做按摩啦 自從生左仔之後,我真係好難可以放得底gogo 無可能長擺底係姨姨度架嗎 放底係婆婆度,...