2014年10月30日 星期四

【食。旺角】富有味道的韓國小店 ◕‿◕ 辛安東元祖奶奶雞 ♪゚


認識這一家的【辛安東元祖奶奶雞 】
是我的好好舊同事早前跟我慶生的飯局地點
即使book 左枱都要等位呀

不過早前係FB 收到好多朋友話這間小店因為佔中關係影響左生意
攪到D 雞都賣唔去,又Cut 唔到想大家去支持一下小店
聽到朋友咁講,即係多數咪唔洗排隊?
咁就相約我位最喜歡韓國食品既朋友,跟大家的男人一齊來一餐
突然的韓國晚餐

朋友約六點半已經到達黑布街的【辛安東元祖奶奶雞 】
由於是即時決定去食的,所以沒有Book 到枱
但係想不到大家也說它沒有什麼的生意
那麼早的時間也需要等待約七時多才可以入去呢
今次我們被安排在樓上的位置,上一次來吃的時候也是坐附近的位置呢

一坐底就會見到我既背後有一塊掛滿很多雞雞的牌
好像人地寫的心意牌一樣的,有加油呀,有愛那個人的說話


而牆身的位置就會有很多的韓國景色,
同埋好多Old School 既電影海佈係度tim 


每人既餐具跟平時吃既餐具有一點不同
我的朋友說嗎,係韓國真係用呢d 銀杯銀碗架
但係有咩意思呢?特別傳熱?定係特別凍d ?
食左兩次都係唔知點解?


而枱上會有一個紅色既碗同剪刀,大家或者未必知係用黎做咩
其實個碗就係比大家裝d 骨既,而把較剪就係可以比你剪d 薯粉既
邊度有薯粉? 一陣就講你知啦


首先要推介呢款食物就是冷盤第2號【韓風卷】 $48
呢款韓風卷你會一試愛上我,我的朋友說很好吃的唷!!
首先它是不辣的,而不像平時我地吃的壽司樣子
真係吃幾碟也願意的呢


然後再要推介這一款的主菜第8號【冰珀豚肉】 $68 
這一碟真係令小妹又要食又要怕
係黎到個陣,我家男人問我係唔係即係好像蒜泥白肉咁架?
我話係呀係,個辣汁就好似蒜泥白肉d 辣油咁

我單單食個d 豚肉已經叫救命,男人仲話加埋d 香蔥
佢地d 辣味更加出更加好食架,但係我食個件豚肉都叫哂救命
所以就冇再吃落去啦....呢個必試的!!


當你吃過了上面的那個【冰珀豚肉】
這個【和牛生菜包】就變得絕對不辣了,
小食的第19項$88 

這個生菜包,早前小妹也曾吃過它的另一款【燒肉生菜包】
兩款比較下,這個好吃一點,當然你是不吃牛就可以點上燒肉的那個
它是生菜加上平時在韓燒的燒肉加上泡菜
夾起來吃,也許是生菜中和泡菜的辣
這個辣小妹也可以吃得下~~推介推介!! 


來一個近鏡看看究竟是如何的配搭
雖然它真的是比較貴一點,但係吃下去你會認為它是值得的xd


吃下了那麼多辣的東西嗎,來一杯飲品來解解辣呢
雖然每一枱都有水提供的,但係今次就來飲飲一些韓國飲品吧
朋友男友介紹了這一款【瑪格利米漿酒 $88/枝】

他們說上次在聚會中曾飲過這款很不錯的,推介我們一試
今次我們這一枝是有一點活性碳的,飲下口會有一點嗆喉感
但係卻很解辣的......不過嗎....
當你不知不覺飲下很多很多的時候....
突然它的酒精會在你不為意的期間散番出黎,而佢係唔會點令你wing 架xdd 


最後當然要介紹這個奶奶雞,也是這店必點菜式之一
辛安東元祖奶奶雞$138/半隻 $208/全隻
咁係落單張紙上面可以由唔辣揀到最辣

經小妹食左兩次既經驗,小辣可以係好辣
如果你係第一次食既朋友當然可以先嘗一下小辣吧
唔食得辣既朋友就最好叫無辛啦


而其實半隻既份量都幾大碟架,我地四個人食都岩岩好
當然唔多唔少都係因為佢太辣,大家唔係好食到啦
而早前我講過既較剪用途就係剪呢碟雞既底層既薯粉啦

佢d 汁的確做得很不錯,最重要係d 雞唔會係老
同埋d 薯粉雖然唔係主角但係佢入味好正!!
個人認為每人來到這個必定是必叫的!!


整個晚餐約每人$120 一個人
女生來說可能是飽得過龍,男生而言未必飽
但係因為實在太辣了,吃不下太多
雖然今次是因為當作一個小支持但係的確它的食物是不錯的
最令小妹不喜歡的就是它的員工有些服務態度蠻不好的

例如佢唔會講你知,把較剪做咩用啦
唔係我黎過,我都唔會知用黎做咩既
同埋廁所就男女廁各一格,但係設計不錯的!!

最後呢,要教大家睇睇呢張餐牌紙,每個菜式旁都有個三角圈
有咩意思呢?除左有廚師推介呀,必食等等
要睇就要睇隻雞雞啦,好似下圖咁顯示
唔辣就係普通雞雞,小辣就係滴緊汁
中辛就變粉紅色,大辛就變紅色架啦xdd
食之前記得要望望個餐牌先好叫呀


最後我成日都覺得呢度好難黎,其實要黎最好就係新寶戲院
往吉野家方向行,去到吉野家過對面再直行
咁你就會見到有黑布街,見到有間HeSheIt 甜品鋪就係奶奶雞啦

希望你地都喜歡小妹既介紹啦
它的位置: 旺角白布街20號地下 
想隨時留意小妹既Blog 既動態及生活點滴
記得要Like 我既專頁啦
↓↓↓

◕‿◕如有任何問題歡迎聯絡小妹

電郵:manman811@gmail.com

以下地方可以找到小妹架^^

























沒有留言:

張貼留言

【食 ❤ 荃灣】我們仨‧周年紀念◕‿◕唔想諗‧吃放題 ♪゚

1109 是我最重視既日子,它不是我的生日 也不是先生同gogo 既生日 而它是我們的結婚紀念日,轉眼間已經搭入第四年 由二人行直到上年既三人行開始 或者我可以唔重視我地既生日,但係紀念日我認為點都要食好d 本身一路好想去去酒店食自助餐,因為頭三年都...