【食 ❤ 旺角】｡★ Girl'S Talk Night ❤ 當一晚偽文青的Café Time ｡★｡
也許每個人也會鐘情某一類/某一種既食品
而小妹除了一個芝士控之外,其實我也是一個咖啡控來
每天早上要是我沒有飲上咖啡的話.我真的會有一點沒精神的反應
而近來香港多了很多很多的Café ,真的有一點像韓國的感覺
不過Café 除左要坐得舒服之外,咖啡沖得好唔好亦係一個優勝之處
而今次要分享既呢一間Café ,小妹已經留意了它很久很久
一路也專登走過去想飲一杯咖啡,但係每次不論是什麼時間都是人山人海
有幾時仍看到門口有人在排隊,如果跟我家大爺來的話,
他一定說不等..或者說是我都唔飲咖啡既,
然後就望著店子離開了,,
它就是Knockbox Coffee Company
講左咁耐,都係唔好咁長氣直接地介紹一下當天我地三個女生食左d 咩啦
作為咖啡控既我又點少得一杯咖啡先得架
雖然好多人都話夜麻麻唔好飲咖啡訓唔著,也許我完全習慣了
小妹就點了這杯Latte $38
喜歡到Café 飲咖啡的主要原因,除了可以慢慢坐
更喜歡欣賞咖啡師為客人畫上的花
飲咖啡又點少得食甜品?今次我揀了一個蠻特別的甜品,它是窩夫
或者你話唔好玩啦,窩夫周圍都有得食
特別在那?特別在它不是一塊好似格仔咁既形狀,
反而有一點似一粒粒咖啡豆形狀既窩夫
而它就是COFFEETTE 咖啡豆華夫 $68/客
分別有三款味道可以揀番既,咁
我地今次就揀選了焦糖香蕉加曲奇雪糕
呢個窩夫每一碟都有約12粒左右既
不過佢又唔似平時食雞蛋仔咁空心的,反而都有d 份量下
所以就食食下都幾飽肚,最好味反而唔係d 窩夫
係佢地整出黎既焦糖香蕉,超好食!!
然後這個真的有一點特別，其實它本身叫"朱古力奶" $38
我仲話嘩....個朱奶仲同我杯咖啡有得揮咁貴
但係它的貴又真的有一點價值,首先它是提供一粒
手造既松露朱古力+熱鮮奶
然後我叫朋友試一口朱古力才把它掉入奶內
她說朱古力是有一點苦,但係好吃
掉進鮮奶中攪勻後，它的味道很Warm 很夾
仲話飲完佢真係好好訓,當然是否真的就由閣下試一下啦
然後我們再點了一客小蛋糕，但係呢個是什麼名字我真的記不起
不是我們仍不飽,只是我們想坐得耐一點,
但係這個蛋糕雖然它被漏左單xd
所以來到的時候小妹只品嚐了幾啖已經放棄了
不過不失吧,可以嘗嘗其他的食品
最後仲要極力推介, 下次我要來試這個花茶
它是荔枝玫瑰花茶 $40/客
真心抵飲,又可以加水最重要沖左三四次都夠味
由其我地呢d 小女人傾屋企野既時候真係好夠皮
當然真心的唔好飲人地咁多次,始終地方不大人地仍要做生意的
這間Café 說真的,由我很期待而它亦沒有令小妹失望
而店鋪較細有機會等待多時,不過小妹就比較喜歡坐門口的位置，
主要因為當中可作Snap 之用
而對於咖啡有興趣人仕就當然少不了它家的吧枱位置,
可以跟咖啡師有交流的嗎,
而雙人位就真的較窄一點,所以仍是喜歡它的門口位置
如果下次想再有下場的話唔一定食甜品既,
呢間Café Shop 都係不錯既選擇
今次介紹的地方是:
Knockbox Coffee Company
旺角黑布街21號地下
**以上內容亦只是個人意見,不代表所有人的意見**
想隨時留意小妹既Blog 既動態及生活點滴
記得要Like 我既專頁啦
↓↓↓↓↓↓↓
◕‿◕如有任何問題歡迎聯絡小妹
電郵:manman811@gmail.com