在巴士上看到的。人生百態

自從在粉嶺上班之後,真的很少很少再搭巴士因為我是行路番公司既
但係近來因為外出既關係真係搭多左巴士,見到好多好多人生百態~
或者我有d 我曾經都會做過,但係其實有d 真係好黑人憎!!!!

唔知你有冇試過搭巴士期間,無論你有幾攰都好都係訓唔到呢?
因為你身邊既人不斷製造嘈音不斷大聲地講電話,小朋友不斷的喊,不斷大聲地附近的朋友說話

不要說我歧視內地同袍/新移民,我真的很不喜歡坐車坐他們附近,原因就是他們不理任何人的眼光不斷以他們家的語言大大聲講電話,仍然以一副"怎樣嗎?我就是這樣說話的,報警看看人地會唔會受理"有一次在上水回粉嶺的短途車程內,女仕不斷以我聽不懂的語言說足十五分鐘~音量足以整個上層巴士人仕也會聽到,但她旁的男人卻沒有任何反應,最後不是男人忍唔住,是我真的頂唔順....我頭痛得很,我情願企都不想耳朵受罪

另一個令我好討厭的聲音就係小孩不斷的哭而身旁不理會!!!真的不止是一次半次聽到這些煩而令人頭痛的喊聲,其實我知道小朋友不可以經常哄的,但係在公共地方真係可否先處理一下先,再回教仔好嗎?有一次小孩就是因為太肚餓不斷跟旁的媽媽說我很餓~想飲橙汁!!這小小的要求,小孩的媽卻不斷跟電話說她的家鄉話不理自己的孩兒,看到小孩喊到眼紅臉紅真係心痛,給予手上的麵包比小孩,哭聲暫停了,卻收到小孩媽的冷言冷語,真係想問究竟而家D 家長諗緊咩架?喊又唔理,肚餓又唔理想點呀!!!!!

除左在巴士上的嘈音外,我唔知你地有冇試過見到有人在巴士上剪手指/腳指甲呢?其實真的好好好好唔衛生架,仲有D 指甲係彈到周圍都係,真係衰D 講句,有D 咩菌就成架巴士既人比你害死啦~我仲見到有人捽腳指啦,磨甲啦,仲有係公然地既挖鼻孔


唔知你地對於我說的東西有沒有同感呢?我仲有以下既經歷呢~~
搭上長途車不論是什麼人也想會有位坐的嗎?唔知你有冇試過有一家人,有BB 的當然要有BB 車吧?有冇見到有人會把BB 車也需要坐位嗎?沒有~?我卻試過!那位先生仲可以理直氣狀的跟我說,我拎開個BB 車之後,可以擺係邊呀?我真的發火了,但男人當然唔比我坐吧,因為他認為BB 車是應該有位置給他擺放的!!!!

或者讓座給老人家/有需要的人仕是正確的,但假如你正在熟睡的話,突然給人一野拍醒,醒起是看到一位婆婆很惡地說起身,比位我坐...說真的,我呆左~發生什麼事?這時婆婆再時大聲地說,"你唔係連阿婆都唔讓比我坐呀!!!" 攪到我連忙拎起自己的袋子立即起身,卻給身邊的人眼望望,大佬~真係好無辜呢,我剛給你拍醒突然就說我不讓座,婆婆你要給我讓座真的沒問題,但係可否別這麼理直氣壯好嗎?

也曾經看到有人除了鞋把腳放上對面的"登"上,當你看到之後你會唔會敢坐落去呢?
唔知你有冇試過坐巴士好唔舒服呢?就係因為有人係你背隻頂坐住哂?

我將我的所見所聞已經講哂啦~唔知你又有冇咩特別野發生咩過呢,不如講比我知啦

希望你們喜歡我今次的介紹,喜歡的話給我一個留言吧,你的留言是我打文的動力呢!
如果你覺得我打既文係有建設性亦有興趣會留意到我動態,也希望你給我一個Like!
    

多謝收看~~~