2012年11月7日 星期三

(發洩文)究竟派帖既定義係D咩?

近日大家都應該幾熱烘烘講緊呢個500蚊港女事件,而我亦想係呢度比我抒發一下

其實我都係13年既新娘子而即將我都就黎影我既第一次Pre-wedding 啦,攪到好多飯局都唔敢出,
不過上星期突然收到一個.....(數數手指..)差唔多成10年都冇聯絡過既同學
突然Whatapp 我啵~其實呢,平時我都知好日唔搵~一搵就冇好野架啦,
同學仔就話佢約左班舊同學出黎食飯,個刻只係諗住....呀,都好呀見下班同學仔
打比個姊妹問佢1唔1齊出啦?打比姊妹講左以下既對話
我:[喂~XXX 話約班同學出黎食飯.我應該會去,你出唔出?]
姊妹: [XXX?佢係咪今個月結婚呀?佢突然約你食飯係咪派帖呀?]
我:[又好似係今個月wor.....我都唔醒起]
姊妹:[你都係唔好出好啦,一陣佢派到黎都唔知收好唔收好,唔通你唔接呀?]
我聽完姊妹咁講,我當然唔去啦~你估真係好收炸彈咩

咁係食飯當日既朝早我就Group Chat 講我唔舒服呀,唔黎食飯啦~
我諗住咁樣都會醒水啦,知我未必去飲啦下嗎?
點知......我個同學仔實在太好人啦,佢竟然whatapp 番我,問我點樣比張帖我?

收到呢個MSG 真係又好嬲又好笑....又唔知點回佢講唔去,但係又覺得呢個同學好無品
點解我會咁講呢?其實我同呢個同學....好似未試過同一班過
而且我識佢都好似係因為另1個朋友仔同佢係同學先叫大家識下
可能真係見到講2句就拜拜個隻,加上我足足十年都冇見過呢個人
唔好話見面呀,我好似電話都冇聯絡過.....

最最最最最大問題係....我從來唔知佢幾時結婚,只係記得佢好似係FB 講過佢11月嫁
我嬲係因為你連問都唔洗問我就派帖比我?唔洗問人個日得唔得閒架?
真係登你高興比公價你呢,都唔洗好似漁翁撤網周圍派架嗎?

雖然有朋友叫我照收但係唔好去,但係我結婚個陣照請佢,
但係Sorry 呀,我唔介紹拎五百蚊黎食餐飯~見下舊同學~
亦有朋友話,真係有人會派左先~再打比你問你黎唔黎...
但係呢個絕對唔係我接受到情況....話我小氣都係咁講~

同學仔,唔知你會唔會見到呢篇文~
見到你同你先生由拍拖到而家結婚我真係登你開心
但係希望你請飲時問一問先,唔係我真係覺得你好冇禮貌


1 則留言:

  1. 哈哈,如果佢睇到尼個post唔知有咩反應呢~嘻嘻
    [版主回覆11/12/2012 09:33:53]或者佢會係度鬧我xd
    或者係背後唱我~
    又或者覺得我好小氣~
    anyway 我接受唔到咁樣~佢都要嬲既我都冇野好講

    回覆刪除

【保養】轉季補濕必備之物 ◕‿◕韓國貴婦Gobdigoun 山羊乳系列 ♪゚

韓風,由KPOP 文化到衣著同Skincare  真係係香港都買到不少由韓國引入既產品 有時覺得居於香港是件幸福事, 起碼我地想試不同國家既野,由其是美妝 加上網購既興起,真係遠在韓國既產品亦可以在網絡上購買 然而次小妹想介紹既產品,它自韓國 但...