一枝兩用 .。❤ 防曬+BB Cream @ Olay total effects 多元修護霜
冬天向來是小妹又愛又恨既季節~
因為冬天有好多我鐘意既節日~
好似聖誕除夕,新年情人節等等...
但係冬天同時又係又凍又冷既日子~
遇著神早流流又要起身番工~你都唔好話唔辛苦~
由於小妹真係一個極之喜歡賴床既小女生,
唔到最後一刻都唔起身~但係有時放左工同班朋友食飯又冇理由素顏架嗎?
之前我都會帶D 化妝品番公司化完先出去,
但係...就有個大問題啦,因為係屋企就話就手~有乜拎乜
而家係公司個倉~不但廁所唔太乾淨之外最大問題係燈光暗唔通係Office 化? 唔比經理鬧自己都唔好意思啦
不過近來成日係電視見到Kevin 老師介紹既產品
標明《只需30秒就可以有給你好膚色》
究竟呢枝咁神既產品係乜東東呢~~
其實佢就係Olay 既 Total effects 多元修護霜
唔好睇佢細細枝咁~其實都有50G 架啦~
加上以膠樽設計比較輕巧真係帶佢出街/Trip其實都幾方便架
究竟呢枝Total effects 多元修護霜,有咩咁好呀值得Kevin 老師會為佢介紹?
其實它除左可以當bb Cream 之外,仲有Spf 15
除此之外~仲有7大功效tim,就如圖中之介紹啦
其實佢既設計都幾窩心架~
就好似泵位個度咁,其實個位係完全貼合手指的~
加上有個"塞"位,就唔怕使用耐左~令入面會有氧化啦~
當一泵出黎其實份量都好多架~~已經夠哂搽哂成面
係岩岩試係手個陣,一推好似好白咁~點知推多幾下~慢慢就變得自然同埋好水潤呢
就連細紋都好似遮到D tim 呀~
先來睇睇我既素顏樣先~~黑眼圈,眼鏡印~暗倉印通通都有~
開始整色整水囉~睇下究竟係唔係真係好似佢咁講有咁既效果先
好啦好啦~~真係唔洗1分鐘就可以搽足一整面啦~
加上佢質地真係好清爽~其實可以唔搽碎粉架啦~
(不過如果你只想面色好d 就可以唔搽)
紅印就可以遮到d ,但係眼鏡印好似唔係好遮到啦~
小小總結:
其實我用左呢枝產品個陣,的確佢係做到清爽唔淋~
遮暇度仍算不錯~起碼做底妝~或者真係想精神1d 既樣子都可以
但係我個一日用左冇耐出街~面仔就出現少少紅印咁,但係唔痕唔痛~
隔左幾個鐘之後就冇紅印啦~不過呢枝BB Cream 香味蠻重~
敏感肌及對香味有抗拒的朋友~真係要留意岩唔岩自己用啦~~
如在以上產品有任何興趣~可到超市/個人護理產品店/SASA /化妝百貨店選購
希望你也喜歡小妹今次既介紹~~
想隨時留意小妹既Blog 既動態及生活點滴
記得要給我一個Like 啦!!!^^
◕‿◕如有任何問題歡迎聯絡小妹
電郵: man_man811@yahoo.com.hk
Weibo: http://www.weibo.com/siuangel
Facebook 專頁: http://www.facebook.com/angelbabyhome
Y!Blog Link : http://blog.yahoo.com/siuangelbaby/
留言
張貼留言