2016年11月14日 星期一

【食❤ 粉嶺】雞。全部都係雞 。☆ 藥膳湯底陳黃記 ❤

而家Weekend 都多數會番外家,比下阿b 媽咪望下
所以好多時侯番去當放下自已假
早前同媽咪去左聯和墟買下餸
行行下肚餓想搵個地方食下Tea

其實聯和墟小妹我都係幾熟下架,
話曬都係呢頭做左兩年野啦
近年聯和墟多左不少既新樓,食市都轉型左不少

今次同媽咪黎左呢一家新開既粉麵店
名為陳黃記

陳黃記門市睇落普普通通,餐牌主食仲要得三款者
媽咪就話朋友介紹過好似唔錯,咁就入去試下啦

開頭媽咪就話叫我試下天麻川芎白芷魚頭湯米線
但係我唔介意飲天麻川芎白芷,但係我唔食魚頭架嗎
所以就揀左另外兩款既雞米線啦

佢地既主食主要係由$38-42蚊不等,唔包飲品
要飲汽水/自家制菊花茶同雪梨山(木查)水就另加7蚊杯/罐
首先出場既當然有古法醉雞米線$42/碗

醉雞先先送上,然後米線隨後
米線中有雲耳,冬瓜同杞子,湯底就有點點淡淡既雞湯
米線暫睇就冇咩特別,亦冇特別淋咁


醉雞方面大約有7-8件左右,不過小妹我略覺得佢d 雞唔太入味
反而d 酒汁就好苦,但係雞件媽咪就吃得是新鮮雞來的
所以它家的賣點也許是這樣啦


另外就是家鄉濃雞湯米線,湯底睇落是一樣的
同樣配料上有冬瓜,雲耳杞子,當然少不了雞件啦
呢個家鄉濃雞湯米線既雞件比起醉雞就滑d 嫩口d
但係都係比較偏淡口啦,整體就OK啦


簡單地介紹左陳黃記,對於呢間既餐廳評價就OK啦
係雞件同湯底上它的確比起其他既店鋪有優勝之處
但係對比價錢同服務上,完全唔合比例

以$38-42/碗米線黎講,好好味既我覺得值
但係味道一般就唔值啦,重點我覺得有落到味精/雞粉
因為當日食個時我有叫到水飲,但係番到屋企依然口乾
未必是天氣影響還是有"師父" 在啦

另外要說服務就唔知當天那個人是否心情唔好
落單黑口黑面,問佢要杯水三個人比一杯
問佢拎多兩杯就念念有詞~
明既,飲品係收入來源之一,但係唔想飲都唔洗比既態度既
呢度對我黎講一次就夠,有興趣可以去試下

這兒是陳黃記
地址: 粉嶺粉嶺聯和墟42號
(馬會條街行到最尾/宣道小學對面左手面行一條街就到)

**希望大家也喜歡我今次既介紹**
想隨時留意小妹既Blog 既動態及生活點滴
望你地都喜歡小妹既介紹啦
記得要Like 我既專頁啦
↓↓↓

◕‿◕如有任何問題歡迎聯絡小妹
 電郵:manman811@gmail.com 

以下地方可以找到小妹架^^ 
 BlogSpot ❤ Instagram ❤ OpenRice  ❤ FB 專頁
TheZtyle ❤ BeautyLife ❤ She Blog ❤


沒有留言:

張貼留言

【食 ❤ 屯門】時光可變,世界可變 ♬惹味的泰海鮮不變 ✿

事隔一年,我地又重遊舊地 上年朋友來我家探Gogo ,而今次他們再見小孩已長大了 今次朋友打算入來黃金玩一陣,順道想見過面 可惜天氣有點反常,最後決定來個海鮮宴作罷好了 今次再來一次泰海鮮,因為近來該商場也轉了不少餐廳 留得到的餐廳真的不多,想吃海鮮也只...