【食 ❤ 佐敦】Kitty迷必到潮聖點 ♬ 令你即時溶化既Kitty 中菜軒 ✿


作為一個Kitty 迷對於Kitty 既任何餐廳Cafe 都好想潮聖一次
對於呢間Hello Kitty 中菜軒由知道它是全球第一所
中式飲菜的地方開始曾經都已經好想去
但係一諗到一開張就好多人去,又放棄左
一諗到好似唔就腳又唔想
之前生日個陣想去我個男人又話熱屎辣辣唔想去搵
直到今年既周年紀念前夕,唔知點解有人突然話帶我去潮聖下
當然要我比錢都去啦嗎係唔係先?
由於當天攪阿囝都攪到好晏,出到去佐敦都成三四點啦
唔緊要啦,出去都唔係真係專登為左食
就當出去食個下午茶啦,最重要都係去影相咋嗎

一去到門口已經令我嘩嘩嘩聲,興奮程度到中間點
入到去就更加心心眼啦,點解?成間餐廳都係用曬Kitty 做佈置
由牆上既掛畫,Logo ,枱面既設計加埋Kitty 既公仔
每一個點都係呃Like 點黎架,可惜就係當天有人包左半場
影相點都比人包左,唯有下次再影下啦


坐底左之後,會有員工問你會想飲咩茶既,
其實同平時你去酒樓既感覺差唔多
只係冇咁嘈同未必需要搭枱咁解

為免Gogo 一係我地開餐之時就不斷係咁嘈
其實我就麻煩左老公係未到野食之前就不斷去狂影相啦
不過唔知係唔係好多野食都一早蒸定左
唔洗10mins 差唔多點落既點心都黎齊咁濟
酒樓都未必做到咁快手呀!

一場黎到Kitty 酒樓唔係點d 普通野架嗎?
梗係要點d 分別呃Like 既點心啦,首先要出場既就係我
去親酒樓都必點既蝦餃啦

呢一款Hello Kitty 蝦餃皇 $68 
一籠四件既Kitty 蝦餃,每粒也有Kitty 既裝飾
連我男人都話真係花左心思架啵
真係吃之前都殺唔少時間架


第二款既又點少得有佢呀,有蝦餃就一定會有佢燒賣
但係係Kitty 酒樓入面既燒賣除左貴之如
仲要特別貴氣,點解? 因為佢係
Hello Kitty鮑魚燒賣 $68


呢個燒賣認真不得了,首先它是有原隻鮑魚仔
呢隻鮑魚一定有預先處理過,除左表現印有Kitty 既樣之外
個鮑魚煮得軟軟的,加上有一節手指咁大既燒賣
燒賣亦唔講得少,佢入面包含有豬肉蝦仔打成
食落啖啖肉,大愛呀呢個點心


再來呃Like 之選既點心又點少得有佢呀
其實我已經望過好幾個去過中菜軒既朋友
都一定有點上呢個奶黃包
每個奶黃包都有Kitty 既樣,一上到枱
我已經嘩嘩嘩,狂影狂自拍狂拎住左影右影
男人話你d 童真即時番左黎xd
Hello Kitty 流沙包$62


雖然佢叫流沙包,但係可能係我不斷影相之時
加上又有d 冷氣吹住,佢已經唔算好流沙啦
你睇下連我個Gogo 都搶住黎食就知佢都認真唔錯啦


本身就有諗過食炒飯既,但係男人就話要將Kitty 頭拆散
再食佢好似有點兒唔知點咁
我上網見到有人都介紹話呢度既炸子雞都幾好食
雖然去親飲宴或者而家食圍飯都一定有佢
但係要整得好食咩又唔係間間得

究竟呢間Kitty 既酒樓又炸成點呢?
Hello Kitty 炸子雞 $138/半隻
剛剛炸好既雞件好夠嫩滑,重點係唔好好油"利"感
即使我地兩個人食左半隻雞都覺得好唔錯,
係最估唔到既一個菜式


本身呢就打算食完上面既野就再轉戰第二度再食架啦
但係男人話不如試埋d 甜品啦,橫掂都一場黎到
首先我男人就點左呢一款既芒果布甸 $58

呢個甜品絕對沒有什麼Kitty 既賣相可言,
最多就是有一個Kitty 朱古力在
不過味道都唔錯,內含有不少既生果
加埋花奶都OK 啦,同酒樓個D 差唔多啦


單食一個甜品又認真唔係好夠喉,
就決定點多一個再試下,其實好多都好想試
但係唔知係唔係當日太晏先去,所以好多都未有準備
或者已經賣光光了,最後就決定試下呢個
Hello Kitty 椰汁紅豆糕 $68

又一點呃Like 之選,不過認認真真,
呢個椰汁紅豆糕對於喜歡吃低糖既朋友而言就非常適合
但係對我黎講就比較口左d 冇左d 椰香味道
即使加埋花奶都好似差左d 野咁樣
不過有咁大個椰汁紅豆糕亦係估唔到既


總手口括而言,今次Kitty 中菜軒問我比幾多分實係好高分
因為我鐘意呀嗎,但係如果唔睇價錢上既
佢d 野食係主題餐廳入面係估唔到既幾好味
由其鮑魚燒賣同炸子雞啦,最有驚喜既食品之一

但係最失望既就係當中既甜品
兩樣都冇驚喜之外,味道都好一般般
如果可以我會拎番甜品既價錢去食多碟飯啦


這兒是Hello Kitty 中菜軒
佐敦廣東道332-338號利來洋樓A至C地舖
(於佐敦地鐵站往 D出門口/港鐵柯士甸站 F 出口


想隨時留意小妹既Blog 既動態及生活點滴
望你地都喜歡小妹既介紹啦
記得要Like 我既專頁啦
↓↓↓

◕‿◕如有任何問題歡迎聯絡小妹
 電郵:manman811@gmail.com 

以下地方可以找到小妹架^^ 
 BlogSpot ❤ Instagram ❤ OpenRice  ❤ FB 專頁
TheZtyle ❤ BeautyLife ❤ She Blog ❤

















留言

熱門文章