於秋冬天氣為肌膚叉叉電。Bio-essence全新生物能量蝸牛原液修護精華
秋冬天氣的確好難頂,雖然天氣涼浸浸~~
但係皮膚真係唔可以呃~真係會好乾架
之前的確有枝好用既精華一路用緊,不過始終好野始終都會有日會用完,
不過天對我都不薄~係我諗緊回購番好用枝精華定係試新野好呢?
點知就收到呢枝Bio-essence全新生物能量蝸牛原液修護精華
蝸牛既產品對於愛靚既朋友應該唔會陌生,因為近來真係出左不少係蝸牛產品,
究竟蝸牛有咩好呢?咁如果我係條街捉左隻蝸牛拎黎查又得唔得呢?
不如比小小時間睇下究竟點解而家蝸牛產品會紅成咁啦~
早於 20 多年前，智利養殖人員在飼養蝸牛期間發現手上的皮膚病及傷口都不知不覺地癒合了。後來，1986 年烏克蘭核電廠爆炸，衛生組織專家將蝸牛黏液提取物提供給受輻射影響的皮膚患者作治療，證實了蝸牛黏液具有啟動肌膚細胞修復及再生的能力。
眾所周知，蝸牛是一種爬行類的慢動物。原來，蝸牛是沒有皮膚的，究竟沒有皮膚層保護的蝸牛是怎樣在不被陽光抽乾水分及爬行時不被地面擦傷？關鍵在於蝸牛休眠及爬行時所分泌的黏液層。經過皮膚醫生分析及測試，蝸牛黏液 (Snail Secret Extract) 是一種動物性多醣體，含有豐富膠原蛋白、維生素、甘醇酸，能夠形成一層保濕的保護膜。 黏液中的硫酸軟骨素更具自我治療作用，當身體受傷或背部皮殼破碎時，能啟動自身的修復力量來恢復還原。
而今次Bio-essence推出既新產品, 以現代生物能量技術，嶄新把蝸牛分泌黏液揉合蘊含多種礦物元素及微量元素的 生物能量晶液，研製成獨特生物能量蝸牛原液萃取精華，功效相較一般蝸牛產品卓越。濃縮多種精華成分，份子更微細，有效滲透至肌膚底層，提升肌膚自我修護力，讓肌膚呈現水嫩潤滑。
睇完咁悶既資料性東西,係時候介紹番呢枝精華啦~
今次以金色加以透明樽做設計,高貴得黎眼睛也閃bing bing
點解我會話我係講透明樽既,明明點睇都唔似~~
睇完呢張相你就知架啦xd 你睇~~睇到樽入面枝泵泵架~
今次設計蠻不錯~小妹幾鐘意!!!! 係女仔都鐘意閃架啦
而泵咀就以透明管庄,精華都係以透明水庄為主~~
今次d 精華真係好水水~~絕對唔會淋痴痴
由於我好遲先通知有得試,所以效果暫時真係未睇到~
但係絕對好快吸收落面仔,不過由於佢係透明既關係,我影唔到佢係面度既情況
補唔補水呢?我暫時真係未清楚~但係絕對用左都唔會乾
不過始終護膚品真係要長時間睇清楚既~
而家小妹絕對睇唔到任何效果
黎個小小總結啦~因為今次由拎到試到只係用左一星期,
雖然跟左網站講左我未必趕得切係限期時交文~
但係都盡可能試係出黎比大家睇左先啦~
不過佢保濕方面真係唔錯,起碼我用左佢幾日都唔覺得好乾
但係我見到有其他朋友講會有d 唔好聞既味道,
係精華方面我就唔覺得有任何味道,所以唔洗擔心有香精問題
不過始終幾時就真係睇唔到效果~比d 時間我,用哂我再為大家講解效果好嗎?
希望你也喜歡小妹今次的介紹
**以上產品資料由廠商提供,以上內容亦只是個人意見,
不代表所有人的意見**
想隨時留意小妹既Blog 既動態及生活點滴
記得要Like 我既專頁啦
↓↓↓↓↓↓↓