2012年12月30日 星期日

感激遇見你.。☆ 我的2012年小回顧




轉眼間....又到2012年既最後一日~

數數手指...不知不覺做左Blogger 都已經有一年多既時間
估唔到我都可以係呢度玩左咁耐XDD

回想點解當年我會學人做Blogger 呢?
其實老實講個句...我認我當時真係好貪心~
我真係好想拎好多唔同既貨Size 產品~咁就可以唔洗買啦~

當時唔理佢係咩產品,仲之有就係咁Apply~
抽唔中又會唔開心,又唔抵得人地點解成日有私邀有試用有Event出?
又乜產品都話佢好,即使佢真係勁唔好用~
而家諗番起都覺得好好笑,點解曾經我咁白痴~

係真心打既,係用心去試既~即使你係彈到個產品一文不值,
都一樣會有人搵你試用~唔係下下讚件產天上有地下無就叫做最好

有時有人話Blogger 與Blogger 之間其實係敵對~因為大家都會爭緊同一個產品
之前我都覺得係咁諗~點解呢個人成日有試用,點解佢咁多活動去?
不過當做得耐就發覺,人地付出左幾多努力,執左幾耐相打篇文~?

由之前會唔開心點解咁比心機打文都得唔到欣賞,但係睇番個d 好多試用既朋友
你就會明白自己既比心機對比人地既真係「蚊比同牛比」既分別~

做Blogger 得到既試用真係會好多,曾經身邊既朋友都會成日問我點樣先可以做到?
我都會照咁同佢講究竟點樣先去做到Blogger ~
但係有時你想到貨Size 也要同時付出努力先得嗎~
難道你想成日有不少貨Size但係又唔想哂時間打文嗎?
可以既,你參加網站既抽獎或者小遊戲活動的確係可以架~
不過真係既唔好羨慕人地成日有試用,分分鐘佢付出既野比任何既人都要多

說完Blogger 既心聲後,我想講番係呢幾年入面~
我除左得到產品試用外,我最重要得到一樣好重要既野...
就係識到一大班Blogger 朋友,呢樣係我完全諗唔到既結果


而我既第一個Blogger Event 就係由小公主(Angel)帶我出席既Samsung 既活動,
就係因為今次活動令跟Angel 做成朋友,後來她有一個時裝show 活動就有找我出席呢~
慢慢地也成為好友呢~呢個係我第1個由event 認識既好友~^^

後來event 或者活動出得多左,認識到既朋友也變得更多~
有陣時出到去,可能自己1個呆呆地企係度~
但係會有人會認到我,而叫我既時候~其實真係蠻開心的
因為自己打既文係有人睇,先會有人認到我嗎XD
所以嗎如果各位Blogger 朋友呀,認得我記得叫我呀
我係一個好善忘既小魔怪~成日都認唔到人-口-
唔係我扮大牌~有陣時係我覺得你好面善但係記唔起你架>.<

我最想多謝曾經帶過我出席任何活動既朋友,
或者唔係因為你地帶我出席~我未必可以有機會認識到該品牌
亦要感謝對我十分好既朋友~多謝你地有陣時既開解,有陣時陪我做8婆仔XD
有時陣幫我扮靚靚,最重要大家真係好錫我>w<

其實係呢個Blogger 世界入面,唔係單單只係為左爭出活動,
爭多試用~有陣時即使比你拎左d 試用,或者唔多唔少你都用唔切
或者唔岩用~我之前亂咁Apply 就真係拎左好多唔等洗既東西~
最後咪又係擺係度~所以而家有陣時知道朋友需要/喜歡,
就送番比有需要既朋友囉~

係黎緊既一年唔知我會唔會減少打試用,因為我即將要搭入人生既另一步
不過我仍唔會放棄呢個Blogger 生活xd
因為我做左Blogger 咁耐慶幸既就係皮膚好左反而冇試過爛面
希望唔好而家講完唔會再有事啦>.<

希望來年我的Blogger 生涯可以更上一層樓,得到既除左其他人既認同之外
更希望認識到更多既朋友,同埋同而家既好友更開心同Long Keeping
最好可以有得拍下廣告呀~上下雜誌咁啦xdd (發緊夢-口-)

新年快樂呀~各位好朋友>w< 我地2013年再見:p
最後亦要感謝一班一路默默地支持小妹既朋友們~
你地可能沒有留言,但係其實我知道有D 朋友係我既長期Fans 黎架xd
多謝你地既支持:p 感激~~不盡~~

p.s. 留意我既專頁啦~我可能有d 意外驚喜比你地:p 



多謝你的收看,希望你喜歡我今次既介紹

想隨時留意小妹既Blog 既動態及生活點滴
 記得要給我一個Like 啦!!!^^




◕‿◕如有任何問題歡迎聯絡小妹
電郵: man_man811@yahoo.com.hk

Weibo:  http://www.weibo.com/siuangel 

Facebook 專頁: http://www.facebook.com/angelbabyhome

Y!Blog Link : http://blog.yahoo.com/siuangelbaby/


1 則留言:

  1. 好耐無見啦!!:) 我之前完完全全就係好似你咁諗~~之後就爛面了><好諷刺用最basic的護膚才好~現在都唔會經常打文了~~:P 不過化妝就可以~~hehe
    [版主回覆01/02/2013 19:25:39]你就簡直消失左啦~
    去完台灣咁開心~唔可以咁懶要乖乖出番黎啦
    而家皮膚冇事嗎?我都唔希望我爛面啦>.<
    爛面就真係大件事啦=口=

    回覆刪除

【保養】轉季補濕必備之物 ◕‿◕韓國貴婦Gobdigoun 山羊乳系列 ♪゚

韓風,由KPOP 文化到衣著同Skincare  真係係香港都買到不少由韓國引入既產品 有時覺得居於香港是件幸福事, 起碼我地想試不同國家既野,由其是美妝 加上網購既興起,真係遠在韓國既產品亦可以在網絡上購買 然而次小妹想介紹既產品,它自韓國 但...