2012年12月18日 星期二

【澳門 x 食物篇】瘋狂地食食食食食的澳門一天遊



去澳門其實都好耐之前既事啦,不過一路也在懶~所以文就一直在拖

其實今次呢個瘋狂飲飲食食之旅~也算是即興之旅呢,
因為本身我是約了一班同事去澳門打算私影
但因為一些言語既衝突,令到呢個活動就不歡而散~
而今次呢個即興一天遊呢就是因為當時好姊妹心情又不好加上她在放大假~
那我就捨命陪君子~陪她去散散心啦~

就一於先講下當日我地既主要目的就係食食食嗎~
所以今篇文就會講番我當日食左d 咩,我都唔明點解我地兩個女仔
係半日時間可以食左咁多野-口-

【小食篇】

V小姐話鉅記既葡撻好好食,我地當時一買完手信就去左買黎食啦
不過個人認為唔係真係好好味,或者我唔肚餓啦,
我覺KFC 既仲好食過佢仲有7蚊一個架~



當然唔少得澳門最出名既大利豬扒包
不過真係一年唔好食過一年~
真心既唔洗專登去舊鋪排隊~因為真係唔值得食
但係如果你未食過,都可以一試既,佢D 豬扒係幾好味既
2012年價好似$23/25 蚊個



仲有呢個都好出名既《明記牛什美食》
我同媽媽第一次去澳門既時候都有食過,相隔咁多年
隊一樣咁多人排~味道都冇點改變,不過真係唔算平~
都成10蚊串架~但係係香港食都唔止呢個價~
試下其他地方既都ok 架~~



當日我就揀左牛什串~姊妹就買左牛根同牛肚~
不過佢就話牛根當天就好似硬左D o者xdd



最後就要介紹只係澳門先有既《陽光柑香茶》
V 小姐係咁話好想試~但係我冇比佢係大利度買XD
最後我地係間士多用左$4 就可以買包330ml 既~
但係大利買就$8 /250ml咋
大家真係有興趣買千祈行幾間先好買~唔好咁蠢啦
(不過味道就真係....有d 麻麻xdd)



【餐廳篇】

首先想介紹一下就係美食達人Kent 介紹比我既《牛記咖哩美食》位於十月初五街既街尾~



而佢介紹我既美食就係呢個蟹粉撈麵,可惜可能它紅左啦
不過就冇我地諗咁好食,最重要係又加左價~~~
呢份加左底既蟹粉都好似成36蚊呀~



係餐廳篇~我最後介紹既就係呢間〈添記碗仔翅美食〉我地上年去澳門都有黎食翅架~真係料夠雖然係唔係真翅就唔知啦



而我就好似揀左呢碗花膠雞絲翅 $65
比起上年加左價啦又......不過都仲係好好食xdd



【正餐篇】

真係說到最後啦~~今次要介紹正餐篇
亦係今次係澳門一日遊洗得最多錢既一餐飯~朋友V 小姐話既然黎得澳門就一於食葡國菜~
今次我地揀選左《葡國美食天地》要留意唷~它們星期一是休假架~~



木台面既擺設,跟一般西餐廳差不多~



V小姐話去食葡國菜一定要飲葡國汽水~~我揀左熱情果味^^



叫完野食,就送上它們家自制既包包~不過當時食只係微暖,
加左我地之前食左咁多野,真係食左一半都飽飽地XD



V 小姐最愛既馬介休球~真係唔明有咩咁好食XD
但係呢間的確係整得唔錯,因為我都食左一粒:P



來到主菜了,今次我地揀左呢個主食就炭燒黑豚肉,係當時既待應小姐介紹我地食架
加點檸檬汁,加上肉質鮮嫩,雖然有的油卻絕對不(濟)
薯條也處理得不錯~因為我會食呀嗎XD



仲有呢個海鮮飯~可惜我覺得佢太濕同埋有好多洋蔥,所以唔太吸引我去食
加上我地都真係飽飽地~所以就梗加呢個飯食左一半就冇再食啦
真係有D 哂左呢個飯~~最後呢餐飯好似都成四百蚊找數~



Happy Time~Cheese!!!!



去到我地今次既狂食之旅~當然唔少得甜品啦~~
人地話女仔即使幾飽都食得落甜品~呢樣我真係信!!!
因為我地食到咁飽都可以再去《莎度娜》既木糠布甸xdd



好啦~今次介紹住我同姊妹去澳門食左幾多野!!!
黎緊我再打埋我地當日去左玩d 咩啦好冇?

多謝你的收看,希望你喜歡我今次既介紹

 
想隨時留意小妹既Blog 既動態及生活點滴
    
 記得要給我一個Like 啦!!!^^





◕‿◕如有任何問題歡迎聯絡小妹
電郵: man_man811@yahoo.com.hk

Weibo:  http://www.weibo.com/siuangel 

Facebook 專頁: http://www.facebook.com/angelbabyhome

Y!Blog Link : http://blog.yahoo.com/siuangelbaby/




沒有留言:

張貼留言

【保養】轉季補濕必備之物 ◕‿◕韓國貴婦Gobdigoun 山羊乳系列 ♪゚

韓風,由KPOP 文化到衣著同Skincare  真係係香港都買到不少由韓國引入既產品 有時覺得居於香港是件幸福事, 起碼我地想試不同國家既野,由其是美妝 加上網購既興起,真係遠在韓國既產品亦可以在網絡上購買 然而次小妹想介紹既產品,它自韓國 但...