2012年12月24日 星期一

我們的Pre-Wedding .。☆ 曼城印象 ❤ 花絮篇


首先多謝咁多位朋友既參與,今次大家都有好多人估到我喜歡咩Look 
不過係開估之前~我真係想講下其他野都係關於今次既Pre-Wedding 既野先~

首先想講講我地當天既住宿問題~
咁係我地揀完衫之後,詩詩係比左兩間住宿地方我地揀~
一間就$199 人仔賓館有Wifi 冇早餐
一間就$299 人仔酒店冇Wifi 有早餐
本身我都係打算平少少住賓館算啦~不過當詩詩帶我地行過去個陣
愈行愈唔對路仲要勁入tim~最終我地都係話唔住賓館去酒店~

點知....佢就冇帶我地去酒店,雖然真係好近~正正係門市既斜對面
但係點解賓館就帶?酒店就唔帶呢?我同男友即時大家互望~
都覺得因為賓館一定有佣拆!!!!!

好啦~我地就過左去呢間酒店啦~~佢好似叫蓬萊酒店~
唔太記得叫咩名,總之係曼城既對面個間酒店~~




咁今次佢安排左我地住就係8/F 既8630房~我覺得入到黎既感覺都幾好
裝修唔差~都幾豪咁既Feel xdd




不過間房就真係細左d 啦~一入門口就係廁所,
廁所隔離~冇錯係隔離就係床啦~冇夾萬冇雪櫃,
一係佢唔For 人地買野食番黎,一係佢係精品酒店xd




張床就一早幫我地book 左係雙人床~床就真係幾大張同幾舒服xdd
不過唔知點解大陸d 廁所係咁鐘意有透明玻璃囉=口=
我地上去廣州定唔知中山玩又係咁既設計wor ,雖則佢有簾可以拉o者~
但係到而家我都係唔明點解xd 




電視機都OK 大~我地食飽飽番酒店沖完涼就捱係張床睇電視,
真係幾享受架唔好講笑~我敷緊Mask 都訓著xdd




呢度既早餐六點就開始架啦,不過你唔好諗到好多野啦,
我地食左少少野就拎野落黎Check out~不過有個男人阻頭阻哂,
個度既職員又得1個人又慢-口-最終攪到我遲左好多去化妝呀!!!!
所以各位新娘子如果你當日又好似我有呢個問題呢,真係唔好等
叫你老公攪CHECK OUT ,自己行去化妝先~

好啦~輪到最好睇既xdd 妝前妝後相啦~
左圖其實係我其中一篇試用都出現過架啦~
認真既~影相之前敷番個極保濕既Mask 的確可以令妝容貼服好多好多!!
而今次幫我化妝既化妝師叫LiLi/莉莉~
我之前其實好擔心內地人化妝會好差好唔掂~
不過經今次LiLi 出手~我又覺得唔算好差
反而化得唔錯~起碼真係似番我先嗎xd




而我既第一個妝就完成囉~出發時間好似係差不多10點啦,
所以要爭取時間去影相啦~~!!!你地覺得呢個天使好唔好睇呢??





好啦都係時候要開估我揀左咩裙去影相啦~
唔知你地睇左上幅相估唔估到係邊條裙呢?


第一條開估既婚沙款就係No.11 




化左妝set 哂既Look no.11 婚沙Look
係唔係有好大既分別呢?佢地話我呢條裙好似希臘女神xdd
呢個Look 就係For 番小妹去影湖景既~



之後就開估我第二套裙啦~今次係揀晚裝~
登登登登登.....答案就係.....都好多人估既NO.2




點解當初我會揀呢條裙呢就係因為佢一著上身就岩岩好啦
又唔洗整布WOR,你地知啦~我好廋咩~真係搵到條咁自己身型既裙梗係揀啦
最最最最最重要係~佢著左上身其實好廋架
但係唔知點解我男人影得我又大肚Feel 咁

就一於比大家見下呢個晚裝配既妝容~不過我係車入面自拍震左囉=口=
你覺得呢個Look 又岩唔岩我呢?
呢個Look 我會去影沙灘既




第三個Look 轉番係婚紗Look  ,答案就係.....
好多都係大家估中既No.1啦~~~
呢條裙其實都係詩詩不斷搵比我架~
不過有朋友話呢d 款唔算好岩我~你地又覺得呢?




又係自拍又係震左-口-但係呢張相我個上圍即刻勁左幾多xdd 
呢個Look 我有少少唔太鐘意~唔知你地又睇唔睇得清呢?




好啦~輪到第四套啦~就係拖尾婚沙啦~~
大家都真係好叻~有四個朋友估到我係揀.....No.7啦~~
呢條裙係我第一條試既裙~我一試已經好鐘意~
即使之後我試多左幾條既拖尾都係覺得呢條最靚~~



今次呢個Look ,化妝師有問番我想要d 咩款~
我話我好想要公主Feel~最後皇冠當然不少得~
同埋今次佢都將我d 頭髮放番落黎~~你地又覺得我呢個Look 點呢?




輪到最後既裙啦~~~~今次係晚裝~
大家都覺得我揀3號?藍色就係岩.....不過就唔係呢條裙啦
因為我男人話出Show 咩~同埋詩詩話呢d 衫多數係內地人揀
叫我揀第二款~~咁究竟我揀左邊條呢???




登登登登登.......最後既答案就係.....No.7
只係兩個朋友揀左咋~大家都覺得呢條唔岩我嗎?




其實呢條裙其實我想放棄過架~原因係因為條裙背隻係爛哂囉-口-
最重要我係唔岩著架~所以一度想放棄!!!
但係我真係好鐘意呀!最後即使佢爛我都決定要著佢!!!!




好啦~~終於講哂呢五條裙既結果啦xd 我都已經比人吹左好多次
問我究竟幾時出答案xdd 嘻嘻~其實今次呢個活動係有獎架~
咁今次就真係冇朋友答岩哂~但係有朋友仔好叻呀>w< 
佢答岩左足足四條裙既答案呀,佢就係估唔到我呢條藍色裙咋~
恭喜哂Sophia~~請聯絡我啦,我會有份神秘禮物送比你架!!!!

係今次既既猜猜估遊戲入面~我發覺好多朋友都有揀婚沙既No.5



有朋友話過都覺得呢條裙覺得好岩我,不過最終我地都係揀左一條直身裙,
加上男友都話條裙比較普通所以就冇揀啦~~
最後真心多謝大家參與呢個小遊戲~希望下次再有野玩,記得參加啦xdd









沒有留言:

張貼留言

【Hugo成長日記】率先了解小孩的天賦潛能 ❤ 22Plus Talent Test (測試篇) 。★。

因乜解究Hugo 又要睇醫生? 仲要睇個咁靚既姐姐? 非也非也,Gogo 近來身體都暫時不錯, 係試過d 流下鼻水少少打咳次咁者 也許而家時代唔同,科技亦比之前更加唔同 好似之前唔會知道陀住既小朋友會唔會有唐仕既基因 而好似我之前亦因為係政府醫院...