2012年12月19日 星期三

美白新世代 ☆ 我要 SHISEIDO 幫手打走暗藏色斑

每個女生都想美白除左用上好既美白產品之外,
其實都要睇時機架~如果你係夏天先黎搽美白產品其實真係美白效果好一般
最好既美白時機就係冬天既時候啦,因為冬天既紫外線比起夏天既較低
所以美白最好時候就係由冬天做起啦~~~

好啦,夾埋時機係唔係應該要搵好既美白產品呢?
記得我上年都可優先用上 SHISEIDO 既美白系列產品~(可按我回顧)
今年小妹好有幸可以再用上
SHISEIDO 既美白系列加強版~
就係呢套終極擊斑美透白組合 2013




既然講得係加強版,當然有佢特別既地方啦~~
上年呢個美白系列以標明十日可以打走色斑問題~
今年雖然就冇講明係幾多日可以~
但係今次以直擊頑固色斑核心,全面瓦解頑固色斑做賣點

今次體驗效果暫只有7日期限~今次既組合除左有精華之外~
仲有新推出既美白Mask 啦~~~市面仲未推出架xd




第一步首先要徹底擊碎頑固色斑
**之前其實我都有用過美白精華,不過今次呢款精華蘊含黑色素活膚破解成份
可以將D打碎,咁就唔會聚埋一個大斑~咁要皮膚冇斑就係咁簡單




精華方面比較水一點,好快就吸收哂~
不過呢款美白精華較其他品牌優勝就係因為佢唔會用完覺得好乾,
而且令肌膚有一點亮澤既感覺




而第二步就當然要試呢個"White Lucent Power Brightening Mask' 啦
既然打碎D 斑~當然就要將d 黑色素係肌層徹底淨白~
Shiseido 從離子引力得到啟發,係全新既Mask 入面蘊含離子複合物利用離子導入力量
將美白成份注入肌膚底層,同時將皮膚底層既黑色素排出~




好啦~睇下第一日我仲未開始使用美白精華既樣先啦,
雖然暫時我表面好似冇咩色斑係面度,不過其實有美容師話我底層都藏左唔少,
只係未爆發出黎咋~~所以係未爆之前就一於打散左佢先

(p.s.相片是給我較光了一點點,因為照片較黑)



由於第一日係完全睇唔到效果,所以相片就不提供住啦~
咁不如就一於足到第四日啦~因為第四天我要試Mask 啦,
小妹真係唔應該揀係最凍個日敷Mask,我一路敷就一路凍xdd
打開Mask 就見到有一些乳白色既精華,不過份量就好似較少啦~
而Mask 本身係以棉質做主角,而佢本身都有唔少既精華既




由於佢以棉質做Mask ,所以你唔會覺得佢好薄好透,
所以夜晚晚敷個陣都應該幾得人驚xdd
而Mask 都算幾大塊,應該我呢個大臉都OK Fit
雖然包裝上指明敷10 mins 就夠,但係人總係貪心既,
但係我敷左15mins,佢已經乾左一半塊~都唔知因為天氣凍關係,
定係佢真係好吸收呢?我都未試過敷一個Mask 可以去到呢個程度




敷完Mask 都即時睇下情況先啦~
上圖是當天未敷Mask 前既皮膚,的確毛孔粗大係我既大敵
(點解次次d 收毛孔產品都冇我份既xdd)
不過佢地既美白系列的確係幾水潤~起碼我唔會覺得用完佢地既美白精華會乾




好啦~睇左咁耐大家都會想睇結果既,但係小妹真心覺得暫時呢set 野7日
真係改變唔到我皮膚上既暗倉印何況是斑呢?但係究竟係產品既唔成功定係時間問題就真係要睇落去先知既,不過的確今次既美白系列是多了一個Mask ,而Mask 比我以往用上的更快吸收

但係始終美白既野唔係一朝一夕既事,大家都要努力Keep 住用呀,最重要係唔好唔查防哂呢!!



        多謝你的收看!!!
   想隨時留意小妹既Blog 既動態及生活點滴絕不能錯過啦      
               記得要給我一個Like 啦   





◕‿◕如有任何問題歡迎聯絡小妹
電郵: man_man811@yahoo.com.hk

Weibo:  http://www.weibo.com/siuangel 

Facebook 專頁: http://www.facebook.com/angelbabyhome

Y!Blog Link : http://blog.yahoo.com/siuangelbaby/
































沒有留言:

張貼留言

【保養】轉季補濕必備之物 ◕‿◕韓國貴婦Gobdigoun 山羊乳系列 ♪゚

韓風,由KPOP 文化到衣著同Skincare  真係係香港都買到不少由韓國引入既產品 有時覺得居於香港是件幸福事, 起碼我地想試不同國家既野,由其是美妝 加上網購既興起,真係遠在韓國既產品亦可以在網絡上購買 然而次小妹想介紹既產品,它自韓國 但...