打造「寶石美肌」◕‿◕ 我要擁有CYBER COLORS晶瑩活膚系列



12月啦12月啦~
唔知點解咁多個月份入面~我特別喜歡12月~
除左因為佢可以好多假連續咁放之外(Yeah~)
還是節日氣氛最濃烈的節日之一呢~

最喜歡周圍也有聖誕的佈置,聖誕樹等等
但係人愈大臨近11,12月還是婚宴的大旺季~
加上聖誕Part & 飯局等等~

見番一大班好朋友,舊同學等等~
你都會想有一個最好最完美的樣子見下人架嗎
不過近來我也簡直不在狀態!!!
因為我已經病足一整個星期啦,睇見自己個樣都覺得殘

好在近來也蠻幸運得到不少可以打救我既殘樣既產品
今次想介紹既係Sa Sa 出品既Cyber Colour
你沒看錯呀, Cyber Colour 也有出到護膚品唷!!!

它們就是CYBER COLORS全新晶瑩活膚系列以白色既包裝盒加上一些印花,好似像漫天白雪加上雪花一樣呢



首先先介紹一下[晶瑩活膚精華液]



在盒中除了列明左成份之外,還有功效等等~
最重要就是列明了有效日期呢~
此精華就可以去到2015/09 啦~
但係30ml 應該唔洗用得太耐既~同埋開封左都唔好擺咁多耐啦會氧化的


精華主要成份:

 堅果樹幹細胞、酵母激活細胞因子、寶石萃取成份、
玻尿酸、白茅及槲寄生

糅合玻尿酸、白茅及槲寄生,為每個肌膚細胞注滿水份,
並改善細胞鎖水能力,令肌膚回復水潤亮澤。
精華液亦具備肌膚緊緻功效,令肌膚保持年輕光彩,
更讓後續護膚程序發揮更佳功效。




將精華轉一轉身,就可以見到背後亦列有使用方法,
同埋會見到今次呢個系列製造地方係韓國架^^
或者你會留意到我有個箭咀指住D 粉紅,白色粒粒珠仔

其實呢D 都係粉紅及亮白珠光粒子黎架,
係可以將主打三種成份包住,就可以令皮膚好似寶石一樣咁閃啦

睇下試左係手度既時間有咩效果啦,
我就覺得佢吸收得爆快~我完全睇唔到d 精華去左邊




睇完手當然唔少得睇埋係面啦,我試係手佢都已經吸收得勁快
可況係面呢?轉眼完全消失得無影無蹤~
唔知係唔係我泵得份量唔夠多,定係天氣凍呢?
(不過記得使用精華之前一定要搖勻左先,
因為佢D 粒子係哂底,搖勻左就可以將粒子泵出黎啦)



輪到要介紹一下[晶瑩活膚保濕面霜]



盒中同樣也有介紹番今次既面霜既成份
主要成分:堅果樹幹細胞、酵母激活細胞因子、寶石萃取成份、
玻尿酸、聚麩胺酸及棉子糖
(跟精華成份也差不多,只是有兩種成份有別)
而有效日期也是跟精華一樣是2015/09 唷~




面霜打開蓋後會有個保護層~
防止長期使用後會令細菌滋生,
而面霜中也有
粉紅及亮白珠光粒子架~所以大家既功效也可以令皮膚變得更靚啦!!!



睇下試落手既效果會點呢~
我覺得面霜既效果比起精華效果睇得明顯一點
起碼我覺得水潤感高一點,而且都幾令皮膚亮一點



試完精華係面,當然唔少得查埋面霜啦,
不過唔知係咪因為病緊呢,面霜查左係面度好似又係轉眼就吸哂,
完全見唔到好似係手度既光澤感及水潤感~
但係起碼係凍個幾日皮膚都唔會乾到扯住扯住既感覺




小小總結: 用左呢個產品數日,皮膚暫時未有任何改善~
或者始終仍在病緊當中,皮膚查上任何產品也好
好似沒有任何改善~但係它的產品讓皮膚吸得勁快
快到我連摸也摸也不到...但係係呢個時冷時熱既天氣,
亦不令皮膚扯住扯住,也算是件好物
但暫時未能睇到光澤感,呢個寶石肌希望快D 到我既面上,
咁聖誕飯局就可以令其他人羨慕我啦XDD

Cyber Colour 的所有產品也可以到SaSa 選購
而呢個品牌也出新的網站呢!!
可以了解整個
Cyber Colour 既產品呢
http://www.cybercolors.com.hk/

多謝你的收看,希望你喜歡我今次既介紹

   想隨時留意小妹既Blog 既動態及生活點滴    
               記得要給我一個Like 啦!!!^^





◕‿◕如有任何問題歡迎聯絡小妹
電郵: man_man811@yahoo.com.hk

Weibo:  http://www.weibo.com/siuangel 

Facebook 專頁: http://www.facebook.com/angelbabyhome

Y!Blog Link : http://blog.yahoo.com/siuangelbaby/


留言

熱門文章