2012年12月18日 星期二

跟May Sum 學化聖誕妝 ◕‿◕ Collection 幫你做個Party 女皇。.:*☆



聖誕將至~除左要一個好既皮膚去迎接各個飯局

最重要都係要有一個靚既妝容先可以艷壓全場架嗎

早前我出席了一個由英國品牌舉行既化妝班
仲請左我心儀既化妝師May Sum 教我地化個聖誕妝
仲話我地知究竟日本同韓國既女仔點解化d 妝咁令我地羨慕既

好啦,講左咁耐~究竟呢個英國品牌係咩牌子呀?
其實佢就係【COLLECTION】!!


係英國三大熱賣化妝品牌之一,都有25年既歷史
而佢地今年都決定要衝出歐洲,揀選亞洲為佢地既第一站
好有幸,香港成為全亞洲第一站既地方
比我地香港既女生們更快一步去體驗呢個英國品牌
而它既設計加上色系可以帶比女生大膽創新呢

又不如我帶大家回顧一下當日既實況啦~
咁係活動既開始時間,有請【COLLECTION】香港市場部同事
為我地講野番【COLLECTION】既歷史同理念

   
                       
之後就請左著名化妝師May Sum 為我地講理下
究竟我地亞洲既女生岩化d 咩既妝容?


大家對於日韓既女生都羨慕到暈,究竟點解佢地既妝可以咁吸引?
先講一講韓國既妝容先啦,May 指韓國既女生
佢地如果想將眼放大其實唔會畫到眼線識飛咁
反而就好似左圖一咁,係會畫上長卻會連住既眼線
加上鮮紅既唇色,淡淡既胭脂就可以好靚~
另外佢地都會敢以鮮色既eyeline 去畫眼線
就好似圖二個張咁~以藍色既eyeline 畫得少許飛
就可以加長隻眼又可以大d 啦

0003

輪到好多男生女都喜歡既日本甜美妝啦
大家都認為日本既女生可愛得黎又不會濃妝見人wor
因為佢著重既就胭脂既比例同埋唇既妝容
所以眼影方面就唔洗咁深色啦~


當然唔少得超多唔同色同時係面度既Party Look啦
今次就講下只係出現係平面相片既妝容
以大膽創新既色系放係眼妝度,加以鮮紅既唇彩就做完超棒既Party 女皇啦
不過咁多色係隻眼度既妝其實我地香港女生比較難Carrey

反而圖二既Party Look雖然就冇圖一既咁豐富色彩
用番2013年都會好興既藍色系列化1個煙薰妝
大家可以作參考~


除左睇圖之外,當然唔少得要搵Model 做示範啦
阿May 首先教我地點樣化個朝早Party 妝
1.先用上它家既眼影膏(金色)塗於眼蓋上
2.再上三色眼影(啡色)做出煙燻look
3.再用eye gel 畫上眼線
4.再用上四色胭脂(淺粉紅)於臉上既蘋果位


加埋個粉紅既唇彩係中間既位置開始點外點
就可以完成個日妝啦~睇下麻豆小姐幾靚
好甜美既樣子


好啦~學完日妝當然唔少得我教我地晚妝架嗎
1.假設我地呢個妝容已經keep 左半日既話,咁先用紙巾印一印眼蓋
2. 再用眼影膏(藍色)輕搽番眼蓋地方就可以遮到原本既藍色
3.由於今次我地會做一個煙燻妝既問題,
所以唔好眼袋會跌哂d 眼影落去攪到好Dirty 呢
所以阿May 就教我地用番碎粉係眼袋掃一掃先
4.係眼線方面可以開始畫番粗少少都唔緊要


5.要做大眼妝記得要畫埋下眼線,同埋內眼線
但係記得係畫邊邊位唔係白色既位置
6.睇得出麻豆隻眼大左好多嗎?
7.當然唔少得要搽番d 啡色眼影啦
8.最後掃番走之前係眼袋既碎粉就ok啦~


你話究竟日妝定晚妝好睇d 呀?
我就話兩個妝都好好睇就真呀!!


既然睇完May Sum 教化妝,當然到我地自己係張紙度試下
創作番屬於我地既妝容啦
最後may 請左3位佢認為最好既參加者~
三位既朋友整既妝容都好好睇呀!!


最後當然跟May & 麻豆合照一番啦!!!
而我地每人也有一袋【COLLECTION】化妝品拎番屋企慢慢試


以下就係【COLLECTION】送比我地既化妝品啦
真係好大手筆呀>w<
當然我都急不及代去試下呢d 化妝品啦


今次我會先用上三色眼影眼影幫我自己化個眼妝
我先用上最右既位置搽上cream 既眼影,但係好似睇唔出有咩效果


再查第2格既淺啡色做打底,不過d 色都好似唔係好出
唔知係唔係因為我冇搽粉底既關係呢


最後再搽番最尾個格,深啡做番總結~
不過我好似化得唔算太好咁>.<


再試多一款它家既eye gel ,不過佢今次既eye gel 就唔係黑色
而係金色呀!!!真係第一次試d 咁既色係眼妝度~
唔知佢會點樣架呢??

係眼度,唔知係唔係畫得唔算好~好似效果唔係好出
但係都一個好好既體驗呢~


既然睇左係我面既示範,不如睇下其他產品呀
好似呢款礦物粉底,我覺得呢個只要少少份量可以搽勻成個面
已經透薄度都不錯,不過我覺得2 號岩我d


仲有我都有既碎粉啦,呢枝超方便既碎粉~
因為佢有個小掃可以連埋d 粉一齊可以出黎用
即使隨時要補妝都唔洗帶咁大盒碎粉出街啦
加上碎粉以礦物成份~所以都會好透薄架
最岩我呢d 懶人用啦


仲有紅色既Eye liner 閃bing bing 最岩係party 用啦
加上線條幼細~唔怕畫得好粗啦!!


仲有唔少得我極之有興趣既眼影膏呀~
佢一set 4隻色,手中試色係金色系
仲有圖中既粉紅,藍色,金色仲有一款唔記得xd


------------------------------------------------------------------------------

介紹左咁多【COLLECTION】既產品,大家唔知有冇興趣呢?
其實有興趣既話可以去到大型屈臣氏同連鎖時裝店Maple 都有佢地既專櫃架
佢地每件產品最夠都好似唔過$100/件
所以絕對抵試同抵買架~~


我仲想講一講呢個咁靚既麻豆其實佢係香港既代言人之一
佢係少女組合-Lemonbeez 既CoCo 小姐
唔知佢地係model 界定係唱歌界架呢?
(p.s.當日我仲諗緊點解個麻豆咁串咀,又唔笑既?
原來人地凍到癲左,雞皮都起哂呀陰公...
所以代言都唔係咁易做)

仲有想介紹一下當天我地去活動既Cafe 就係銅鑼灣既Think Cafe
其實我一路都想上黎呢間cafe 坐下飲下野
因為佢有$60 任飲任坐既原因xd
不過位置絕對不大~大家有興趣就留言問我地址唔係度多打啦
(但係佢地沖既咖啡都幾好飲~可惜只飲左一杯咋!!)


希望你也喜歡小妹今次的介紹
**以上產品資料由廠商提供,以上內容亦只是個人意見,
不代表所有人的意見**
想隨時留意小妹既Blog 既動態及生活點滴
記得要Like 我既專頁啦

◕‿◕如有任何問題歡迎聯絡小妹

電郵:manman811@gmail.com

沒有留言:

張貼留言

【保養】轉季補濕必備之物 ◕‿◕韓國貴婦Gobdigoun 山羊乳系列 ♪゚

韓風,由KPOP 文化到衣著同Skincare  真係係香港都買到不少由韓國引入既產品 有時覺得居於香港是件幸福事, 起碼我地想試不同國家既野,由其是美妝 加上網購既興起,真係遠在韓國既產品亦可以在網絡上購買 然而次小妹想介紹既產品,它自韓國 但...