『生活記錄』小魔怪的平淡卻有意思的 1/4 世紀生日◕‿◕

大家應該睇得多試用文,產品文~應該唔想再睇落去嗎?
講番小妹既事~大家應該會有興趣睇嗎?
其實今次想講我既八月事~就係小妹既生日活動啦~

對呀就黎11月先黎講八月中既事~原諒我吧
我仲有好多野未捨得打呢~~~

先說說我的第一份生日禮物就是公司送的生日利是同生日卡啦XD

再說一下朋友給我的生日飯吧~這一餐原本想食日本菜的

但係想食個間野原來已經比人全幢樓收售了,不可以再吃囉~
在唔想諗既時候~我地揀左去食Pizza Hut~

Pizza Hut 其實d 野野食黎黎去去都係差唔多,所以唔大介紹啦~
但係我今次食左我之前一路都冇試過既食物~就係有蝦多士啦
其實整體都唔錯~只係我唔鐘意食蕃茄XDD

仲有就係....好似至尊Pizza 同埋真係好少食既肉醬千層麵
(因為我唔鐘意食肉醬同薯容XD)

講完一餐生日飯～當然我既戲肉唔係呢個啦
而家我就要講我既生日正日啦～～我Honey 當日就約左小妹係我地屋企樓下等但係我當日落到樓下既時候又見唔到佢Wor,打比佢呢~佢又話我地既老地方等wor
去到我地既老地方見到我寶貝拎住一盒大禮物
其實我一早估到呢份禮物係咩架啦,但係當收到呢份禮物依然好興奮>w<

呢份大禮物就係....呢隻我年頭係曼谷好想好想帶佢番屋企既Kitty啦
不過當時我真係唔捨得買,番到黎後悔到死~
但係今次收到既Kitty 就唔係白色啦,已經變左桃紅色啦~
不過始於心意真係咩都重要好多既xdd
(因為我知道佢為左叫佢朋友係曼谷幫我買番黎,佢除左要去接機之外,仲要係機場請哂4個人食飯~之後又要自己拎住個o必番屋企>.<)

收好呢份Kitty 之後,寶貝跟我說~我仲有份禮物送比你
(其實我知道係求婚介子xd )當佢拎出黎之際~
我同佢講: 你如果想我嫁你,就而家跪係度同我求婚xd
即使冇花我都要你跪係度~我先應承你
係咪好衰女呀xdd 雖然我預左嫁架啦~~
之後我拎番隻公仔番屋企先~我地就出發去我公司~
因為我太低能xd 我竟然賴底左個銀包係公司

拎完銀包食個Lunch 就出發去長洲之旅啦~~~
好彩就趕到架船~但係上船都差唔多2點幾啦~
雖然今年唔落雨~但係都係因為係打風之後~都唔算係好好陽光呢~~

寶貝唔肯比我影佢相XDD

經過一個鐘既船程~我地終於到左長洲啦~

對於長洲~我始終有個情意結,對於呢個景象~我仍然好喜歡

來長洲既目的當然就係到沙灘~真係好耐冇去夏水禮啦~
不過打完風既水過然係好俗同埋好鬼凍>.<

游左一陣我都頂唔順~真的太凍嗎,
但係我落水個陣唔記得左自己已經化左妝~
攪到隻眼變左藍眼袋XDD 
不過當天也有不的好事呢~我愛人差D 係我生日變佢死忌
嚇死我呢真係呀~~

因為男友差d 出事,加上我地都覺得好凍亦夠皮啦,所以換衫去開餐啦

每一次黎長洲我都有去[故鄉茶寮] 買豆沙餅~
但係其實我唔知點解又覺得唔係真係咁好食咁xdd

來到長洲當然唔少得影番風帆......模形啦xd

我們去開餐囉~朋友介紹我去碼頭方向一出向左面的食海鮮街
而我地揀左海鮮街既第二間不過唔算最抵個個~大家可以格下價先
係叫左(食送)之後我就開動我既生日小Cake 啦~
不過我愛人真係好唔識做-口-睇下以下既對話

我: 寶貝~我今年有冇生日蛋糕?
愛人: 下~冇呀!屋企又冇位擺,你又話要去長洲點帶個蛋糕呀?
我: 咁去間西餅店買兩件小Cake 啦
愛人: 我聽日買番比你啦不如~
我當時就唔出聲~佢最後都要買左呢兩件小Cake 比我
生日一定要食蛋糕~不論是一整個還一小件也要生日蛋糕
呢個係我生日既指定動作xdd

我地叫既(食送)不斷送上啦~睇下成枱都係(食送)啦xdd
想唔想知我地叫左d 咩野食呢?

第一道~好似豉椒炒冬風螺~~~

第二道~蒜容蒸聖子~~呢個唔會穀多過肉,OK 既~d 份量都真係岩架

第三道~唔知炒咩瀨尿蝦>w<
成碟差唔多係愛人幫我整~因為我唔識拆佢地

最後一碟就係薑蔥炒蟹>w< 呢個我地都食哂咁濟太好味啦
可惜份量唔算太多囉~到喉唔到肺咁~

最後埋單啦~~大家估下最後幾錢找數?我地食左四個海鮮(食送)加3罐汽水~~
比3秒你諗下.....

3
|
|
|
2
|
|
|
1
|
|
|
答案就係....$210好似xdd 
個度有個哥哥仔話因為知道我個日生日唔收我汽水錢~只係收我四個(食送)既錢
(其實我個陣想話點解佢唔送我一個菜仲好啦xdd )

你估我食完飯係唔係真係即刻搭船走呢?當然唔係啦~
我問左我朋友究竟長洲有咩好甜品係好食~~
不過為左去呢個甜品鋪我地行左好多冤枉路-口-

而今次我地去的甜品鋪就是[師妹甜品]
位置:長洲建新里12號地下(其實佢係內街架)
你一路向番碼頭既右面一路直行,去到個有廟既位置行多少少轉入去就見到架啦

不過大家要留意呀,呢度食野最少消費係每人一個甜品架~
同埋鋪頭絕對唔大,唔好預一班人黎食,可能有排等~

介紹一下我地今次食既甜品啦,當然我食番呢度最出名既
[火焰雪山]啦~同埋[心太軟]

不過呢個[火焰雪山]好似好細個,但係其實味道也不錯的
沒記錯好似$32/個~順帶一提,呢個甜品會有冧酒架,
如果你對酒味極之討厭就真係唔好點啦,因為佢酒味真係幾重
就係因為佢酒味重~佢燒起黎都殺左我唔少MB 數XD

燒完既樣子就係咁架啦~d Cream 好似燒啡左~
不過入面個雪糕仲未溶架~同埋你仲可以揀番咩味tim~
(聽講佢係Häagen-Dazs 雪糕黎架>w<)

既然一人要一個甜品~我地當然唔會吃番一樣既野啦
愛人喜歡吃朱力,所以叫左它家另一個出名甜品~[心太軟]樣子將討好的,雖然細細個~但係一切開你會見到d 朱力係咁流出黎
唔會流一陣就冇,d 朱力醬唔會好甜~連我呢個唔太好朱力既麻煩友都覺得好食
而它既價錢就好似係$29/個~冇記錯既話xd

食飽飽~好滿足以為我會番市區?
嘻嘻~錯啦~~~我又去食野呀!!對~我已經豁出去肥就肥啦
(只限當日-口-食完已經後悔死)

就係去左呢間係長洲都幾出名既[天然甜品] 啦~
地址就係: 長洲大興堤路9號海景樓C座地下(逢星期一休息)

其實如果你有去師妹~一出黎轉個灣就見到佢架啦
佢比師妹開揚好多好多~同埋出面有好多bbq 附近

係天然最出名當然係佢地既芒米糯米池啦~可惜我太夜去啦
一早賣哂啦冇得食~下次我一定會早d 訂定先

不過一場黎到,點都試少少甜品既,不過冇得食芒果糯米池
我就叫左呢個唔知咩野膏,有個男人話呢個功效同龜令膏差唔多
咁就一於試下先~~呢個膏唔苦冇咩甘味~
價錢唔記得~好似唔洗$10

而愛人就好似食唔飽咁叫左兩個甜品~
第一個就係芒果雪糕西米撈~好似都要$1X 架~
實際真係唔記得幾多錢啦~芒果可能當做,唔酸仲好甜:P 

第二樣就係食糖不甩>w<
呢個糖不甩就麻麻地好食~可能我真係好飽啦
價錢真係唔記得~但係都係唔貴既

好啦~今次生日長洲之旅終於完滿結束,我地搭船番去啦~~
不過係行去搭船既途中~我見到同我個Blog 友名一樣既鋪頭
忍唔住要影一影比佢睇xdd 唔知佢會唔會睇到呢?

今次旅程總算完滿結束啦~~叫做游過下夏水禮>w<就番屋企啦~~~
番到屋企第一時間就準備沖涼洗頭啦~~
點知當我沖完涼一開門之際~就見到我個寶貝跪左係度同我講
《你嫁比我好唔好?》個陣真係呆左黎唔切反應~嘻嘻~雖然我話唔得,你要再跪多一次
比我影相做紀錄xd唔係第時點係擺酒放出黎

最後我就好>w<

當然唔少得呢個咁重要既儀式啦xd 
對啦~~~各位好友,我正式宣佈我要結婚啦xdd

今年你為我中指帶上這美美的婚介~
明年你為我無明指帶上我倆的婚介~^^

最後我寶貝送我的生日禮物就係以下架啦>w<
其實呢我隻Kitty 唔止係公仔咁簡單架~~

佢仲有張出世紙~~証明佢幾時買既,可惜呀>w<
唔可set 番係我生日當天,仲有我個名啦~幾重啦幾大個啦

而佢係心口其實有心跳聲架,不過應該唔會長期有
同埋手仔有一邊可以自行揀番你想要既語音,可以自行錄制/揀選句子
而我呢隻係朋友幫我整既,所以就係[I Love You]語音~~

去完長洲之旅~開心完之後>w<
就同我既好姊妹食我既生日飯啦~~
不過呢餐生日飯食得我好辛苦,唔係因為佢唔好食~
而係我冷親病左啦~當晚個樣又病,又狂流鼻水=口=
不過仍然送上我既生日飯食日本野
我地去左食[御八築地]
地址: 上水符興街10號A座地下
(大埔也有分店的~大埔安慈路1號海寶花園15號舖)
呢間小店雖然價錢唔係最平,但係份量絕對覺得好值~
比D 相大家望下啦~~呢餐冇記錯好似係都係二百幾蚊咋
雖然4樣野~但係已經夠哂飽~三文魚壽司都係次次我地必叫既野食

另外仲有餐生日飯架~本身打算係我們的聚會
雖然人就唔齊~但你們的心意我感受到呢~>w<
呢個生日飯就係旺角泉章居
位置: 旺角奶路臣街33號依利大廈2樓及地下E號舖 (於旺角火車站附近)

我地叫左四個菜~鹽焗雞,鮮蝦花枝炒西芹,咖哩牛腩同埋炸豆腐
你問我覺得係唔係好好吃呢,認真的~不認為它是最好味的店鋪
但係只係就腳咁解.....

吃飽飽還有神秘節目就是.....我呢個生日第一個生日蛋糕
仲要係天使蛋糕tim呀>w<多謝你地呀!!

除左以上既飯局之外~我收到好多好多朋友既電話,Whatapp,Facebook 留言
仲有一個估唔到既小小心意~~就係由U Beauty 送給我的生日卡耶~
雖然遲左到~但係心意絕對夠哂!!估唔到我只是它們的小小會員也有呢

正所謂快樂時光過得特別快.......今年生日雖然過得比較平淡~
但我都好滿足架啦,之前呢~就覺得冇人同自己大攪生日就唔開心
冇人陪自己過12點就好無隱~不過人愈大反而覺得有陣時唔洗太著緊係唔係大攪
最重要都係有自己最愛既人陪住自己,身體夠健康冇病冇痛就已經好夠啦

好啦~我呢個1/4 世紀生日真係完結啦,你地仲有冇咩想睇呢?
想睇我準備Wedding 既野呀?定係同我呢個好姊妹去玩既文呢?
一人一表態~等大家既留言!!!!我再決定打番d 自己咩文啦

                                                                       多謝你的收看!!!

(現在 Y!Blog 將不會自動更新小妹的出Blog 情況,

給我1個Like 就可以隨時知道啦)

想隨時留意小妹既Blog 既動態及生活點滴絕不能錯過啦

                              

    

◕‿◕如有任何問題歡迎聯絡小妹

電郵: man_man811@yahoo.com.hk

Weibo:  http://www.weibo.com/siuangel 

Facebook 專頁: http://www.facebook.com/angelbabyhome