☆╮ 2012年秋天小旅行: 給人遺忘的海洋世界 ------龍尾灘╭☆


唔知你近來有冇留意新聞?說起龍尾灘這個名字?

也許你會有留意,也許你會不認知~但係什麼也好...
今天小妹帶你遊走這個<給人遺忘的海洋世界 ------龍尾灘>

其實去呢個地方都係九月中既活動啦,一路也想介紹這個地方
但係人就是懶嗎,心又多wor 又想出呢樣又想出個樣咁樣

好啦~~唔關事說話唔講咁多,今次介紹既就係大埔大尾督既龍尾灘啦
搭車方法好簡單~只要係大埔火車站搭小巴20C 就可以架啦
擔心唔識落車?唔緊要~同司機單聲你要去龍尾灘就OK 啦!!
其實你一落車之後,你會見到一個寫住龍尾灘既站~
過對面行過對對面就係今次我地去既地方~
不過有一樣野要留意....因為落去泥灘既路絕對唔係平路~請小心留意





衣著方面~請盡量以短褲為主~但係絕對唔好著密頭鞋xdd

因為我地會去玩水架~~~



或者你會係泥灘見到一個個洞洞~~其實係d 蟹仔既藏身之處啦xdd

你又搵唔搵到今次既蟹仔呢?佢地走得好快捕捉佢地真係好難架~



當我地周圍影相之際~見到有班朋友好似捉到d 野啵~~

原來係水母呀!!!!仲可以咁近見到佢地呀~雖然我地唔掂得佢地
不過唔洗去海洋公園睇~我都可以睇到啦~~xdd



捉水母既哥哥仔仲好好咁幫我令水母跳舞比我地睇tim 呀xdd




我發覺唔止變色龍有保護色~就連呢度D 蟹仔都會有架XDD




第二站~我地竟然睇到海星呀!!!!唔單單係望咁簡單呀~

而家係我地可以拎住佢地去影相呀!!!
不過暫時我冇拎佢影相住~不過有個奇景



就係等我証明~海星真係識郁識走佬架xdd 

好過隱呀~~睇到我好興奮呀>w<
不過海星真係唔可以離開d 水咁耐架~



比一張我個同事仔仔大家望下~佢係咪好靚仔呢~




再行遠d~又見到兩舊野啵~開頭以為係咩黎tim~

原來原來...係水母呀~轉一轉身就唔見左啦~~~



再行遠d就會見到一個小小堤壩,當潮漲既時候~就會唔見左架啦

我地個個行出呢個小小堤壩~你估我係度做咩呢?



對呀!!我地又去睇海星啦~~~




你睇下d海星係多到呢.....d人個個都係成隻手咁捧住再唔係就係用網咁袋住tim呀!!




其實拎住d 海星都覺得好驚架~因為佢有d 分祕物走左出黎~

所以質感好難頂架~但係見到d 咁難得既海洋生物~~
忍一陣冇問題既~~~



玩完海洋動物~~我地真係攰到救命~~搵左個地方坐底Hea一陣

食個豆腐花~飲枝可樂爽呀!!!
但係呢家豆腐花絕對唔係好食個隻xddd 

我地之後就再向大尾督方向進發~~~
沿路既風景真係好靚....太陽係準備落山既位置
打左海面.....呢一種美景,也許在城市生活既我地真係未必見到



當然風景咁靚我梗係唔客氣影番張相留回憶啦xd

扮憂鬱仲係我既專長~最重要係見唔到樣呀嗎xdd




行遠少少就見到個長命斜啦~~其實呢度唔可以踩單車架~~

不過現場睇係冇人聽話~個個都係衝落黎~真係要睇住先得架~~



不過雖然長命斜真係行上去幾係野~但係你上到去睇到咁既風景

真係幾攰都覺得係值得架....對面係就八仙嶺啦



在海堤上面坐坐~海風吹吹好舒服呀>w<




日落黃昏~呢個美景真係未必成日見到~

有幾次我想影日落都就唔到方向呀



當然唔少得我既自拍照啦~~不過我個臉仔好脤呀!!!




所有風景...我最愛依然日落景!!!!!唔知你又係唔係呢?




同事幫我影左張日落相~我已經用左黎做Wallpage 

唔知你又覺得呢張相影得我靚唔靚先xdd



影到咁上下,同事打黎話比我地知~佢已經到我地既下一站啦~

我地當然就拿拿聲趕番過去啦~~~
不過我地又比沿路既日落景吸引住....又係度狂Chap chap
之後同事又話快d 啦~~唔好再影啦~
但係真係d 風景太靚啦xdd 忍唔住嗎~~~



最後....我地今次既小旅行最終目的地就係<巴希雅海灣>




大家會諗咩黎架?小魔怪佢去左邊呀?

其實巴希雅其實係全香港第一間以串燒做BBQ 既地方~~
每六個人可以有一個爐,咁每人包一罐飲品~同埋有串燒粉啦
而爐既炭燒盡係唔洗錢買架~~叫工作人員就可以同你換架啦
我地就可以任燒兩個半小時~真係夠哂架啦~



呢個係我地第1 Round 既野食~~~好豐富呀!!!




將d野食放上爐啦~~但係你真係要好好睇住d 野食

因為佢好快就燶架啦~~所以你要定時定侯咁轉下佢
同埋呢最重要係你唔洗係唔係都拎住枝叉嗎
我好鐘意BBQ 但係我最唔鐘意拎住枝叉



大家最想睇有咩野食架啦~除左一般既丸啦,仲有雞牛豬串燒啦

冬姑啦,腸仔同埋D翠肉瓜~蕃茄啦,雞脾姑,栗米,木瓜....等等
仲有一人一串蝦啦,同埋有煲蜆啦~仲有一人一舊燒波蘿仲有仲燒香蕉
唔記得仲有牛油燒金姑~~~~~



吃飽飽之後你就可以過番對面搭番巴士出番大埔火車站架啦~

我個陣真係捧住個肚走架~~~真係太好味好想去多一次食呀!!


係等車期間~我見到個奇景~不如大家望下我下面既圖啦~~

發唔發覺有D 問題呢?其實地方係一樣樣架~不過潮漲左既關係~
令整個地方都水浸左呀!!所以夜晚晚唔好走入去呀!!





其實我認識龍尾灘都是因為政府想將呢個地方改變為人造沙灘

也許有人會讚成,也許有人認為不可行的地方

但係其實我地有冇諗過其實係唔係真係需要呢個沙灘?

咁做左出黎之後係咪真係會多左人黎玩?
咁而家既海洋生物會點呢?搬又係唔係真係搬得哂呢?
即使我心想也不想這個地方變做人造沙灘....
但係始終最終結果都係政府最終決定~
總算....我曾經來過見識過呢個可以咁近見到D 海洋生物也算死而無憾吧~

11月就係最終決定結果啦~朋友們有興趣快點去睇一睇呢個隱世既海洋世界啦
但係記得唔好傷害佢地呀!!!!



希望你也喜歡小妹今次的介紹
**以上內容亦只是個人意見,不代表所有人的意見**
想隨時留意小妹既Blog 既動態及生活點滴
記得要Like 我既專頁啦
↓↓↓

◕‿◕如有任何問題歡迎聯絡小妹

電郵:manman811@gmail.com

以下地方可以找到小妹架^^




























留言

  1. 巴希雅海灣我上次去完都勁鐘意:)

    btw龍尾灘我想去呀!
    [版主回覆10/10/2012 13:43:31]去玩啦~~唔係11月之後就真係可能冇架啦~
    我都好想去多一次BBQ XDD

    回覆刪除
  2. 行程豐富
    [版主回覆10/24/2012 00:51:11]對呀>w<仲要好平既1個活動`
    可惜政府要抹殺呢個咁好既天地~

    回覆刪除
  3. 哈哈 喜歡海星呢!!!!!!
    [版主回覆10/24/2012 09:37:41]真的嗎?原來它很可愛的耶~~
    由其睇住佢走佬個下

    p.s.多謝你的關註我的Blog 唷:p
    如果嫌煩的話~可Like 我的專頁呢,
    因為Y!Blog 將於25/10 起開始不更新我們關註朋友了
    http://www.facebook.com/angelbabyhome

    回覆刪除
  4. 很豐富的bbq! 很美的日落 ^^
    [版主回覆10/24/2012 11:41:54]眼睛吃飽了美美的日落~~肚子就吃bbq 真的夠哂飽~~xdd

    回覆刪除
  5. 豆丁@加拿大Hamilton2012年10月23日 晚上7:54

    好吸引!!!!!!但係我宜家響加拿大><""
    [版主回覆10/24/2012 11:40:50]好可惜呀>.<
    政府已經決定將呢個地方刪走啦.....

    回覆刪除
  6. d海洋動物唔係愛黎玩嫁>< 係要小心保護同珍惜~
    你驚海星之餘, 海星都好驚你:(
    希望你下次去效外玩既時候, 都小心對待小動物啦~
    最好就叫埋其他人珍惜佢地~
    雖然小朋友好奇心係好大, 但都應該教佢地好好對待小生命:(
    feel sad about it :((((((
    [Ashley♥回覆10/25/2012 22:56:53]得閒既話都黎睇下我既blog丫xd
    [版主回覆10/24/2012 14:54:23]一定會架~~信我:P

    P.S. 阿妹多謝你關註關註我的Blog 唷:p
    如果嫌煩的話~可Like 我的專頁呢,
    因為Y!Blog 將於25/10 起開始不更新我們關註的朋友了
    我唔想你MISS 左我既更新~
    http://www.facebook.com/angelbabyhome
    [Ashley♥回覆10/24/2012 14:49:55]係就好喇^^
    [Ashley♥回覆10/24/2012 14:49:03]係就好喇^^
    [版主回覆10/24/2012 14:47:19]應該有架~~
    佢話11月開始咋~但係仲要傾d 細節~
    應該趕到架~~乖乖考完個試,開開心心去enjory 佢地啦
    佢地實會等你
    [Ashley♥回覆10/24/2012 14:28:19]多謝:) 但係我呢排測驗, 要溫書><
    測完都十一月頭嚕... 唔知仲有冇咁既機會呢..
    [版主回覆10/24/2012 14:06:47]你咁有愛心~佢地見到你仲開心呀>w<
    不過你真係想去,真係要快d 啦
    因為真係準備要拆啦>.<
    [Ashley♥回覆10/24/2012 13:59:41]咁就好喇:) 等我得閒都去龍尾灘玩下先^^
    [版主回覆10/24/2012 11:40:19]對呀~~我都知道呀,所以我地拎完佢上黎影相
    真係即時放番佢落海啦~加上我影佢走佬個陣
    我都不斷倒水比佢架啦~

    我知道海洋生物都係有生命~所以我地都唔敢太拎佢上黎太耐
    多謝你既教晦

    回覆刪除
  7. 好優美的地方, 仲有咁多海洋生物! 我未見過海星架!
    [版主回覆10/24/2012 14:06:54]我都係海洋公園睇過咋~
    但係第一次咁近距離~可以親手掂真係好興奮呀>w<

    回覆刪除
  8. 介紹得好生動, 不過海洋生物, 可以更多0架................
    [版主回覆10/25/2012 09:21:32]多謝你既來臨呀>w<
    今次我都睇得唔多~因為真係好多好多人係度呀
    希望佢唔會拆咁就可以有更多既海洋生物比我地睇啦

    回覆刪除
  9. 我小時候居住在附近, 其實除了龍尾灘, 汀角路一帶的海灘都有不少海星, 水母等海洋生物, 我甚至見過海參呢! 但我們從不檢起來把玩或傷害牠們。
    反觀現在一經宣傳, 龍尾灘變了遊人的好去處, 每逄假日人人蜂湧而至, 改建為人造沙灘, 固然被壞原本的大自然, 但這樣子下去, 是否也一樣被遊人破壞呢?
    [版主回覆10/25/2012 12:05:09]其實你都講得岩~或者唔係因為佢話要改建人造沙灘
    我地根本唔知有呢個地方,同埋對於我地呢d 城市人見到海洋生物真係好難得
    最易見到就當然係海洋公園先有啦
    當電視,雜誌都有介紹既時候....真的或多或少也會影響到它們的生活
    不過今次我既介紹都希望大家珍惜一下呢個可能唔會再存在既地方
    也許我既文章有機會會令更多人去打擾到佢地,但係我更希望佢地唔會比人因為要起沙灘而攪到死亡~

    不過最後都要多謝你既留言同來臨,亦令我有反思^^

    回覆刪除
  10. 環境非常好!
    [版主回覆10/30/2012 23:18:03]沒計吧~~政府要做沙灘嗎-口-
    [StoryTeller回覆10/26/2012 17:44:23]可惜!
    [版主回覆10/25/2012 23:25:55]對呀>w<
    可惜遲d 就冇啦

    回覆刪除
  11. 好美的風景呢
    [版主回覆10/26/2012 00:13:12]是沙灘定係日落景呀xd?
    日落的美真係好正~

    回覆刪除
  12. 英國藝術攝影生► 春光乍洩筆記2012年10月25日 下午4:32

    在英國留學的我看了之後,我也很想回香港過family day....
    [版主回覆10/26/2012 09:56:11]多謝你呀>w<
    幾時你會番黎呀?黎緊呢度唔會再有啦...

    回覆刪除
  13. 芙芙_little kitchen2012年10月25日 晚上7:18

    呢間BBQ幾好喎!好少見任食BBQ會提供咁多蔬菜,
    通常都係提供好多肉類,令食的人快d飽ga ma!
    [版主回覆10/26/2012 10:33:06]我地都覺得係,所以覺得呢個BBQ 好健康XD
    但係佢D 串燒都好好食~令你想一去再去咁>w<
    同埋呢間好少比丸你地食,我地多數都係食番串燒肉呀
    蔬菜咁~就連生果都覺得好好食xdd

    回覆刪除
  14. 你好勁呀!!!:D今次到我講!
    [版主回覆10/27/2012 09:06:22]衰妹XDD
    我下一篇有你份~~
    你一定要支持~~~我既生日文~~

    回覆刪除
  15. 多麼開心的旅程哦,真的看到海星了呢!在海邊玩沙子,每個孩子都喜歡!
    [版主回覆10/27/2012 09:07:33]對呀,我同事的仔仔玩到癲左~
    周圍跑跑跑~攪到媽媽都冇佢咁好氣

    回覆刪除
  16. 哈哈,很羡慕,不錯的地方
    [版主回覆10/27/2012 09:07:35]可惜好快就變左人造沙灘啦

    回覆刪除
  17. 好美麗的景色,另人眼前一亮呀。
    [版主回覆10/27/2012 11:26:09]可惜既係.....佢就黎冇左啦1

    回覆刪除
  18. 美樂人生 Wwai Wai's Piano2012年10月26日 晚上10:55

    夕陽照太美了,多謝你分享啊小魔怪!
    [版主回覆10/27/2012 14:41:35]多謝你既光臨呀>w<
    我都好鐘意夕陽既照片~~~真係好靚好靚>w<

    回覆刪除
  19. 想不到政府要在龍尾灘改造人工沙灘, 反而令它變有名了... 多謝你的介紹, 龍尾灘其實好天然, 好值得保留呀~
    [版主回覆10/27/2012 22:17:29]對呀,或者唔係因為政府話要將佢改建~我唔會知有呢個地方
    但係亦同時覺得好可惜~呢個咁美好既地方好快就會消失

    回覆刪除
  20. Bu Bu.....好靚仔,咸爺爺已經好耐冇見佢啦!!!
    [版主回覆10/29/2012 19:30:59]我問呀@@?
    [Chi Ho回覆10/29/2012 18:14:23]妳問下denise=.=
    [版主回覆10/29/2012 17:44:34]原來係咁XD 就係可能我有Bubu張相先上到呢度咋
    係呢~caca 話認唔到係係邊個wor ~你真名都係叫 chi ho?
    [Chi Ho回覆10/28/2012 23:51:34]我上網搵嘢,之後見到有個blog張相係bubu,所以入嚟睇下囉.....巧合
    [版主回覆10/28/2012 23:24:00]真架??你係Ercia 同你講佢個仔上左我Blog 定係你自己發覺架xdd
    我個次都係第一次見BUBU 咋>w<
    [Chi Ho回覆10/28/2012 22:59:36]BuBu係我契仔^^
    [版主回覆10/28/2012 21:52:19]你識我同事個仔???

    回覆刪除
  21. 去龍尾灘睇海星 ... 很羡慕, 好好!
    [版主回覆10/28/2012 23:24:22]可惜黎緊想睇都冇得睇....太可惜

    回覆刪除
  22. 翻糖蛋糕裝飾課程系列2012年10月28日 上午8:29

    好靚...棒!
    我是新手BLOG剛上場!,希望有空來逛逛!我的人氣靠晒您啦!

    回覆刪除
  23. 好寫意的旅程哦~ 真是要好好保護環境呢~~不然它們以後會消失了呢~
    [版主回覆10/29/2012 19:31:20]可惜連愛惜既機會都會冇呢~~~

    回覆刪除
  24. 看不懂字噢噢噢噢 这是什么字,我不认识爱爱爱
    [版主回覆10/30/2012 09:26:06]你不懂什麼字??

    回覆刪除
  25. 謝謝你的分享,我想和家人一起去。
    [版主回覆10/30/2012 23:28:31]如果係快d 去啦~~因為真係要拆啦~~

    回覆刪除
  26. 龍尾真係一個好好的地方, 用來起人工沙灘, 真係浪費晒
    [版主回覆10/31/2012 14:22:49]多謝你呀~我一陣去睇睇~
    睇下可唔可出少少綿力~
    [matthus回覆10/31/2012 13:33:14]救救龍尾:www.hkwlldife.net/lungmei
    龍尾海岸教育中心:Facebook 搜尋 ”龍尾海岸教育中心”

    facebook add佢地, 睇下有乜幫到手
    [版主回覆10/30/2012 23:29:12]我聽到佢地決定要改變個陣真係想喊...
    因為自己去過,但係聽到佢地要咁對佢真係好唔開心
    可惜我乜都做唔到~~

    回覆刪除

張貼留言

熱門文章