完全真實的靈異電影<魕> 我的看後感(內容上比較敏感及嘔心)

潘紹聰是我唯一個由電台到而家網台的也追著聽的主持人,或者你不知道他是邊個
其實佢曾經係新城電台做過<恐怖熱線>,到而家佢係蕭定一既香港人網度做<恐怖在線>
之前佢冇做之後真係好失落架,不過有次冇意間知道佢去左人網度做我又開始追番佢既節目

聽左佢三年恐怖在線,由佢話係亞視拍左套靈異節目....不過應該不日放映架啦
但係今次有一套唔會不日放映,佢就係Edmond 第一次做男主腳既<魕> 啦
老實講,一路聽佢地既節目....真係好有興趣去睇,但係又怕好恐怖啵...
真係好衰咁諗住Down 落黎睇或者租碟睇算架啦....
點知.....有日收到新城比我封信啵.....原來之前我係新城參加既遊戲得到魕戲飛2張
好興奮呀>w< 估唔到我有機會支持一下我既Edmond 啦xdd

由五月尾收到呢張換票証....等等等...又要夾我Honey 放到假,又要就到時間睇...
點知去到第二個星期先有機會去到睇點知有得上映既戲院已經得番唔多...
我地仲要揀星期六去睇tim....諗住去百老匯睇啦,點知得番第一,二行~Edmond 你d fans真係好癲呀!!
最後比我誤打誤撞咁...搵到新寶有得睇就一於去左新寶睇啦~~

先講明這一點,這套戲是沒有戲情...只有故事內容...而<魕>音為"祈",不是鬼+幾/"基"
而戲中既內容係包含以下幾點....
印尼勾魂降、美容降、月經迷人降、深山亂葬崗、深夜山間招靈。日本木乃伊酒店、東金市Love Hotel、太子酒店無頭騎士、平將門怨靈傳說、新小岩自殺車站、樹海自殺森林、八王子墓地靈探、坂橋區自殺屋邨靈探。香港MTR 死亡凶兆(1986年地鐵少女跳軌，屍體失蹤真相) 、深入了解一樓一鳳利用和合法招客、Regal Hotel 無主孤魂索命個案、祕密Shadow Team組織、大埔鳳坑村靈探、眾名星奇異經歷。 

首先進場第一幕就有印尼勾魂降及月經迷人降~是指印尼有d 人會以自己利益去落降而令被降者聽取自己既說話,
好似第一幕係講有2兄弟分家產,弟弟覺得爸爸分家產不公平,不明白點解個生意唔係比佢而係比左佢阿哥,所以佢心有不甘就去搵左落降師幫手,而另一個個案就係講有個姐姐因為成個比佢個主人鬧佢,打佢..佢心有不甘決定要報復!!!
而勾魂降個過程唔好意思,我真係冇咩記憶...但係我記得月經迷人降,點解?因為佢真係超級嘔心...
我食住爆谷都想嘔番出黎呀大佬=口=但係我Honey 仲可以係我隔離食到"集集集..." 真係想練死佢
咁呢個話明係月經降當然係話月經事啦,而呢個月經唔係用我地女仔個d M巾上既血...而係你身上流緊既M血啵...你睇到我打到咁會唔會想有點嘔心?
有點吧,睇落去仲嘔呀!!!記住拎定嘔吐袋...當法師將枝唔知係刀定係棒既物體係事主既下體上撩左D 經血出黎,之後再加上"鱔"血..."雞"血仲有有唔知咩啦..我真係冇詳細咁望落去啦,點解嘔心...原因係...個D 血係由法師親口.... 冇錯係親口架...將佢地咬斷而死佢地而拎到呢個降...
睇到呢到我簡直想死...要我打番出黎一樣咁想死當事主拎住呢堆咁既不知明血就拎番去比佢同佢主人加料....
咁個主人最後唔會有事既,但係點解佢會突然咁聽話呢,咁你就要諗下你身邊既姐姐係唔係早前番左去老鄉啦

其實我都睇左都成9日之後既事,大概既次序真係唔記得...其他既內容我都唔大講啦,希望有心去睇呢套戲既朋友都會入去睇啦
不過可能我本身對呢套戲好大好大期望~但係睇完....認真的,我覺得唔係我期望咁高....即使我幾鐘意聽佢節目,
我只係覺得佢成套戲....閃到我眼都花埋,好辛苦~我當日仲要帶眼鏡去睇啵....
同埋呢套戲係完全冇連貫性架~可能一時係印尼一時跳左去日本突然又轉番印尼...所以睇得有dd 辛苦啦
不過有幾幕就真係有dd 深同感受啦,好似講番Edmond 同Brandy 係一個
深山亂葬崗 入面,
葬係入面既人全部係同一條村既人
但係佢過左身只係係擺放係個深山度,日哂雨淋....有一具屍體過左都唔夠五個月,就已經變左一堆白骨
Edmond 講左一句,佢覺得好唏噓,如果第時佢真係有日過左身..比人就放係呢度...走都走得唔安落...冇錯!!真係覺得好唏噓 

不過係期間唔知我係錯覺呀,定係我心理作用呢~我好似睇睇下望到有個白影飄過....
之後睇到係
東金市Love Hotel 個度....認真講我同男友都覺得趙小姐真係假好癲左.....或者佢真係感受到佢,但係對我而言真係覺得好假
再加上佢上人網做宣傳個d 嗲功~Sorry ...我對佢真係完全冇好感囉....
其他係日本同印尼既都對我而言唔係好吸引~~~反而香港既事件呢~就真係會令我吸引少少啦

好似講番係我仲未出世既1986年地鐵事件啦,或者80後既人真係未必知,但係問番媽媽佢都冇咩記憶...
不過睇番我係個幕~我真係好驚....好驚,因為個件事話係女仔係赤柱墳場度影相,就影到有隻鬼手捉住佢條頸...
曾經我都係赤柱墳場度影左好多好多相咁,真係勁驚呀....大佬我真係驚架真係

之後個Part 呢就係講原來香港係有一個神秘部門架啵,佢地真係好神秘因為,就連佢地家人都唔會知佢地係做緊呢個Job 
而佢地既使命~就係幫政府拆解一d 係解釋唔到既問題,好似其中一個Case 咁啦,有一條村~其實需要重建架啦~
所有住客已經搬出,但係因為怕有d "渡"友偷走入去吸毒啦,所以點都要看更係度睇住既,咁話說啦,有一晚有個婆婆係咁叫保安上去救佢老公
保安就當佢係傻既,因為明知已經冇哂人架啦當然灑走佢啦~~點知個婆婆日日夜晚都去搵個保安啵
咁保安真係覺得好煩好煩啦~所以就跟同個婆婆上去,點知....唔上去由自可~上去就真係嚇餐包啦~~
上到去真係有個公公係度呀,不過佢因為失救關係己經過左身啦....但係有公公都係一件奇事,但係佢望到個神木台上面有張相....
佢見到張相就係日日見到個婆婆.....個保安就好驚咁走左仲要搵個同事同佢1齊上去,但係保安最後都因為太驚既關係...冇做啦
咁警方為左要解釋番呢件事就要為呢個部門幫佢解話啦....你又估唔估到佢地點拆解呀?
佢地就話附近有個吸毒老女仕因為佢偷雞上去見到咁...但係又唔可以比人知道啵,咪要扮到個個婆婆模樣啦~好似有d 勉強囉-口-
仲有個仲古怪~~但係就唔多講啦xdd

好啦~我講就講住咁多先啦~有興趣既請記得睇呢套戲啦~