✿ 手指也要扮靚。我有Sharp 爆雲石甲✿

Gel 甲,我想每個女生也會有機會整過做過...而我都唔例外!!
我記得第一次去做Gel 甲就係我同事帶上我去深圳東門度做....真係好平但係好傷甲,
因為佢做一次就要將我d 甲磨到好薄好薄~~
每次係靚完一輪但係d 指甲又薄又易斷,最大問題係...有陣時連CON 都除唔到呀
所以之後我都係逄新年前先會上去整一次甲....不過正當人仔愈黎愈貴個陣我就開始放棄去做Gel 甲啦...
不過黎緊我又準備影Pre-Wedding 啵~雖然有人同我講,其實你整唔整都冇分別,因為都唔會見到你隻手指既~~
但係亦有人同我講.....如果佢影番d 近Short 咁你隻手指又會無野睇啦啵.......
正當我苦惱緊究竟個陣我只係單單查指甲油好呀?定係哂d 錢去做下Gel 甲好呢?
但係係呢個時候比我遇上到佢.......BC Nail !!或者你會問咩係BC Nail 同埋佢有咁特別呀??
其實
BC Nail  最近引入風靡日本的 Bio Sculpture Gel ,而且佢地是日本 JNA 國際美甲協會指定認可專業考品牌，
單單顏色都已經有102 種原有顏色, 色彩均勻，持久不脫色。
仲有獨家採用Executive Base，唔洗磨真甲，唔會為指甲帶來傷害
仲有既係可以矯正甲型, 能造出飽滿卜形效果~係唔係覺得好吸引呢?
睇字都唔明我講咩呢?唔緊要....今次我親身去體驗左,所以有相有字咁就知佢係點啦?

今次我去整甲既地方唔係銅鑼灣呀,而係剛剛係進註無耐既 ALQVIMIA Boutique 度整,你或者會有疑問乜唔係BC Nail 咩?
點解會變左呢個架?其實 ALQVIMIA Boutique 同
BC Nail 合作,所以今次我就去左附近地鐵站既iSQUARE  度整啦~~

一入到店鋪你會見到有三位店員歡迎緊你,而今次幫我整指甲既美甲師就係阿Day啦

好啦,介紹Bio Sculpture Gel之前不如望下我隻冇色彩既甲,沒甲型不得止,仲有好多死皮同倒刺

開始整甲啦,首先
阿Day先幫我d 甲磨一磨番d 甲型先既,再用Cuticle Remove 油係指甲邊既位置,
呢枝甲油其實就係可以由甲邊既死邊軟化,可以方便一陣幫我去死皮~~

係呢個時候,我可以去揀顏色啦,上面既顏色就係最多人揀既顏色啦,亦係做出黎既成品...
本身呢我有諗過整黃色?好似唔岩我~紫色又好似怪怪地咁....諗住...第2行第2個又好似..個個都係揀呢隻色~
阿day 見我咁苦惱就叫我可以係下面既色版入面揀.....女人真係好煩....我係整其間不斷轉色

好啦,真係開始介紹今次呢個Gel甲既情況啦,首先我比大家睇下佢地用既工具先~~好多閃Bing Bing 呀!!

之後
阿Day就開始幫我去死皮啦,佢用一枝平頭既筆幫我推走d 死皮....我想做過Gel 甲既朋友都會知道,唔多講啦

之後再用一枝好似沙膠既沙膠筆xdd(實際我唔記得佢叫咩名)但係佢既功能呢就係擦走一點頭先用平頭筆推唔到既地方
或者有人會講...我做個間都有類近咁既筆啦,
阿Day都有講我知,其他店可能都有但係一定無佢地個d 咁硬,推得會咁好~

再用番專為指甲既剪刀剪番番d 走皮之後......隻手係唔係靚好多呢?咁就可以開始做Gel 甲啦......
不過我份人不嬲都好鬼貪心架o者即使明知好難會除Con 係死都要加長....女人真係為左靚可以不惜一切架~

要加長之前,當然先磨一磨d 甲先(天音: 又話唔洗磨既?你又話要磨)其實此磨不同彼磨~
之前磨甲係幫你磨薄D 甲會磨到有D 痛架...但係今次呢個磨甲係幫你D 甲靚一點,同方便連上Gel 甲...

磨完甲之後....係時候貼貼紙啦,你想兔仔星星定月亮?我要Kitty .....
嘻嘻其實係貼番加長既貼紙呀~之前番東門整都會有呢d 貼紙....
不過唔同既係阿Day會按番我既甲型去修剪番張貼紙,東門既係冇咁既服務~貼左上去之後就會查野架啦
所以有陣時有d 人話d 甲好似唔岩型咁解啦~~

貼完貼紙啦~我似唔似慈禧太后呀好尖呀

當每隻手指都貼上貼紙之後,就會查上呢個Clear Gel架啦...呢個
Clear Gel其實係一種保護膜一樣

阿Day話唔會幫我加咁長,加到約2個個格左右,因為太長其實會唔太方便架~~

查左Clear Gel後,就可以入爐焗一陣30秒左右啦就會變左一隻咸豬手
嘻嘻~其實呢部係照燈機,可以幫助手指上既Gel 快乾一點,而呢部機同其他出面既有咩方面呢?
就係其他既照燈機係有四枝紫外燈,而Bio Sculpture Gel只係會用上兩枝燈架咋,除左唔會影響乾既速度外,仲會減輕左手部接觸紫外線既機會

之後再查上Sculpting Gel 啦,呢個Gel 就係可以幫助加強番Gel 甲既,亦係我地今次既主角~~

當然要查一下我地既主角啦,查左呢個Gel 之後個甲色會變左少少白色架所以唔洗擔心既

當我隻咸豬手放入去爐度焗個陣,我有少少覺得那那地既感覺,其實我之前整Gel 甲都有試過呢個問題,
但係今次有阿Day 係度,我當然要做一做問題少女啦~~原來有"那"既感覺,其實係有二個原因,
第一個原因就係你個指甲磨得太薄所以令指甲Feel 到痛,
第二個原因就係個d Gel 甲收縮令到手指會有點痛既機會....
所以我感覺到痛既原因就係因為第二個啦....

焗完之後,拆左d 貼紙後就會變成咁樣既初形啦.....似唔似本身我地既真甲呢

無理由咁樣就可以完工架~當然要磨番個形同磨番平滑d 啦~~係唔係先(係磨既時候我同阿Day隻手都係粉xdd)

左磨磨右磨磨~~~終於攪掂個形啦,完完全全唔覺得係假甲咁呀
阿Day話有d 客真係可能整到咁,查番個面油就走架啦....真係好真呢,我平時整都未試過咁
不過有個小插曲...發唔發覺我中指既指甲有少少奇怪呢??係因為磨甲個陣可能大力左d所以磨斷左呀,
但係
阿Day話有計仔,佢話用番d 專屬膠水痴番佢就唔會有事

如果你冇睇過上面既介紹....你會唔會覺得呢個甲係真架呢

係時候查甲色啦~~~我揀呢色算係鮮桃紅,色版上係75號色~之後
阿Day係甲上油左白色既甲油再亂掃就形白雲石紋啦
再加埋面油整個雲石甲就完成啦.....

最後
阿Day 捧上熱毛巾給我清潔雙手...真係好舒服呀
是次雲石甲做左約左二小時左右...如果你唔加長係唔洗咁耐架

阿Day幫我整既作品完成左啦係唔係好Sharp 呀??當我PO 上FaceBook 引黎唔少回響

不過......靚甲只係維持左半晚,因為之前斷左個隻甲Keep 唔住呀,係夜晚個陣已經裂開,點知訓醒之後就變左斷左一半呀
但係BC Nail既同事好好,即使我係試做,但係佢地都幫我補救...所以我就拿拿聲搭番車出去尖咀補救啦

不過
阿Day話我隻甲真係斷得太勁啦,所以要剪左裂開既位置,再要拆甲啦~~
首先要用佢地既特有既藥水加上化妝綿再用錫石包住,等約3分鐘左右就可以用番平頭筆刮走番d Gel 甲部份

再做番之前既部份就攪掂啦,睇下我對新甲係唔係一樣咁靚呢

做完靚甲當然唔少得要望下ALQVIMIA Boutique 其他既產品啦,它家最出名既香薰油同按摩油...
真係好吸引好吸引....但係價錢上真係比較貴左少少不過品質真係唔錯架!!

唔知你地對我呢款甲有咩感覺呢?會唔會覺得好吸引先?
我整呢款甲可以維持三星期左右,不過如果你成日要掂水既就未必可以Keep 到咁耐,
同埋呢款指甲都比較硬身,如果你拎重野可能Feel 到斷左甲但係表面唔會有事架~
而係整左約十四日...我分別試過洗頭,除Con,就連我整個身不斷的痕,開汽水等等...個個認為Gel不能做的事
對我而言除Ｃｏｎ是完全沒有問題,除非我隻眼太乾,開汽水梗加冇問題,
但係洗頭同抓皮膚時就有點不自然,始終好似不食力一樣....不過呢個係一般Gel 甲既存在問題,
我想最重要也要提供一下,指甲既價錢啦...
而家五-六月份既優惠就可以係$480 做一次免磨o者o里甲啦連貼紙(加長另加$200)
如果你話想加石呢,就睇下你想要貼幾多啦,如果3-4粒一隻就加約$20左右,
如果你話要痴好多既,你就可以Join 加$300 任痴...
你話如果自己帶石去得唔得呀?得...你只係加番$100 既手工費就ok 啦
如果你話好似我咁,整左三星期內想轉甲既冇問題~只係加$350就OK
順帶一提...曾經我有朋友去其他地方整甲,但係一日之後斷左D 啵..又要哂錢補救
不過係
ALQVIMIA Boutique 入面只要你三日內有任何問題佢地都會免費幫你補救
呢個保養未必度度地方有呀,貴係有價值架
 
想知更多佢地資料可以Like 一下佢地既FB Fans Page (bc Nail)
另外也有它們的官網啦http://bcnail.com/ 
仲有當然唔少得要介紹埋 ALQVIMIA Boutique  啦,喜歡它家的香薰油及按摩油也可以給它們一個LIKE 呢

希望你們喜歡我今次的介紹,喜歡的話給我一個留言吧,你的留言是我打文的動力呢!
如果你覺得我打既文係有建設性亦有興趣會留意到我動態,也希望你給我一個Like!
AngelBaby。 In The Beauty World | 宣傳你的專頁
  
感謝各位收看~~