【情人節2012】火辣辣曼谷之旅 の Day3 男友最愛的日本餐廳

首先開估左上一篇文既答案先,其實應該大家都估到架啦,

呢個係放鞋既捲動式鞋櫃,雖然真係好有心思,不過係香港呢個咁細既地方一定唔岩用

Day 3 行程: 酒店早餐→ Siam Center →Siam Discovered→LOFT→ 富士日本料理→

 Siam Square →Termianl 21→ Swensens雪糕屋→Mae Varee →番酒店宵夜→TIK Spa 

 

男友叫肚餓,就一於同番佢去 Siam Center 度食番佢最愛富士日本料理啦!!!

不過去到餐廳,竟然要等位仲要等幾張枱tim...

既然要等位,就一於順便影下佢既櫥窗擺設,其實同香港個d 餐廳差唔多,

都係show d 食物既擺設etc....

坐左一陣終於有得入去啦,不過個位唔好坐....我地要求坐4人位

真係老老實實既,比著係香港冇得轉位不得止,仲要比人黑你面tim 呀!

坐底當然要睇睇個餐牌先得架..

今次我地叫左一個刺身船(六款),一客吞拿魚刺身,一客叉燒拉麵套餐,一客燒魷魚筒套餐,另加兩杯飲品

叫左野食就坐定定等野食黎啦...

好快,我地兩杯飲品就到左啦,左既係士多啤梨汁係男友既,右既係菠蘿汁

(個人比較愛菠蘿汁多d,因為士多啤梨好甜呀)

呢杯飲品既價錢係$60/65B一杯,約港紙15蚊左右,

雖然唔係好抵,但係香港未必飲到(自我安慰)

跟住就黎個刺身船啦,呢個船就$480B,約港紙$120蚊左右

我都同男友講[其實我覺得呢度D 刺身都唔係特別抵o者!做咩我地要專登叫黎食wor]

男友:[係呢D 唔太抵食,其實都算抵食嗎!]

再黎埋個吞拿魚刺身,價錢係$160B約港紙$40蚊左右

呢個真係完全唔覺得抵食,不過男友最愛食吞拿魚刺身就由佢叫啦...

不得不講佢地個Wasabe ~ 你有機會問有咩咁特別呀,咪同平時個d 有咩分別?

如果你話同平時個d 我就一定唔會係呢度介紹,雖然我係唔食既,

不過男友堅持話呢隻堅唔同,就一早睇下有咩咁唔同先

男友話平時既Wasabe 係以為粉黎開成膏庄,但係呢度既Wasabe 就係以即磨形式,

唔知你地又睇唔睇得有分別呢?不過男友就話一試就知架啦

因為佢落左少少,以為唔係好辣就好大舊放左係刺身上面,辣到佢癲左

好快又到我個叉燒拉麵套餐啦,不過唔知點解佢明明係拉麵套餐但係又包左碗飯既

呢個套餐$150B約港紙$35蚊左右,你覺得抵唔抵食呀?

食左都有一段時間,男友既燒魷魚筒套餐終於到啦,呢個套餐就$170B約港紙$43蚊左右

就係因為佢地既套餐真係幾抵食,就係男友每次去親泰國都必食既原因啦

當然影一張成枱係野既相啦,因為我地三年都有影架

(男友,你別怪我把你整成咁樣呀)

最後呢一餐亦係我地係曼谷入面第二餐食得最貴既一餐,找數係1193B,港紙$300

係香港都食到啦!!!不過男友鐘意就算啦..去旅行唔好計住錢嗎...

食飽飽就去行下街仔啦,因為我好想搵番三年前買過既Boy T 呀!

離開左 Siam Center之後,我地就過左對面既曼谷版西門町Siam Square啦,為既當然係搵番我想買既Boy T 啦,
不過呢,因為之前紅衫軍燒左成個呀,之前間Boy T 搬左第二度,天書個地址又唔多清晰

係咁左搵右搵,拎住本天書問極人都唔明,又冇人知...最終都係買唔到,真係有D 可惜

不過捉左男友去左琴日入過既商場影左幾張相,買唔到Boy T 都唔緊要啦
(呢張相,影個陣真係連眼都開唔大...好哂呀)

影左樓上個張相個陣,幫我影個個姐姐話[不如你地去我地擺檔既地方影多張呀]
超好禮貌又好心地影得我又唔錯,抵讚

我發現呢隻綠色公仔,係BKK 都幾出名,好多地方都見呢隻公仔!
最後男友仲話[人地幫左我地咁多,不如幫人地買番野啦~]
我: [人地賣電話/電話卡,電話上網,我地點幫人買呀難道你想長住BBK]
男友: 都好啵,D 泰妹皮膚又靚,身材又好!最重要係人地好溫柔呀
我: 咁好啦,你唔好番香港啦!!!!搵你個泰妹吧啦!!

情人節嗎,當然唔少得跟愛人說一聲 I ♥ U

其實我真係好喜歡呢張相,不過係佢影得我地好細粒但係也不錯嗎

其實Siam Square真係值得行下,雖然係好鬼熱,同埋個度有間Mango Tree 又係好出味食芒果燸米飯架
可惜既係當時我實在太飽,唔係我一定又去食芒果糯米飯
男友問我仲有冇地方想去呀?我話有......就係去.........Termianl 21啦~
真係唔好講笑,呢個商場係唯一令我行到腳又痛,腰又痛...攰到癲左既商場,不過真係好好玩,

想唔想知點解可以令我攪到咁樣,又可以令我下午3點玩到8點幾先走?記得唔好錯過啦....

待續......我的下一篇文【情人節2012】火辣辣曼谷之旅 の Day3 玩轉
Termianl 21 




想找找小魔怪?歡迎來以下地方找找我

E-mail: man_man811@yahoo.com.hk
My Blog :  http://blog.yahoo.com/siuangelbaby/ 
AngelBaby。 In The Beauty World | 宣傳你的專頁